Mużika Mod Ieħor – 782

Written by

Is-sensiela Mużika Mod Ieħor ma’ Toni Sant tkompli bis-782 edizzjoni li huwa l-sitt programm fid-disa’ staġun għar-radju.

PARTI 1: Diski ġodda li ħarġu dan l-aħħar.

bee – Coco Chanel
The Travellers – Dellijiet
El Ferr – Mar-Riħ
Seqer Malti – Lulju [oriġinarjmanet ta’ Walter Micallef]
Karm Debattista mssp – Arise, My Beloved
Prayer of the Dying feat. Simon Deguara – Rising

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2: Taf b’Kikku? Dil-ġimgħa skoprejt lil Kikku. Permezz ta’ kanzunetti animati, melodiji magħrufa u kliem sempliċi bil-Malti, Kikku qed joffri esperjenza li tgħaqqad it-tagħlim mal-gost. Xi kanzunetti ta’ Kikku huma wkoll disponibbli fuq pjattaformi ta’ streaming tal-mużika. Minbarra l-mużika, il-filmati animati jużaw kuluri vivaċi, karattri ferrieħa u stejjer qosra li jżommu l-attenzjoni tat-tfal filwaqt li jwasslu messaġġi pożittivi. F’żmien meta ħafna tfal iqattgħu ħin fuq pjattaformi diġitali, huwa sabiħ li naraw aktar kontenut bil-Malti li jippromwovi l-lingwa tagħna b’mod divertenti u aċċessibbli. Wieħed mill-aspetti l-aktar friski ta’ Kikku Malti huwa li jieħu melodiji li ħafna familji diġà jafu u jippreżentahom b’mod frisk u adattat għat-tfal Maltin. Il-produzzjoni ta’ Kikku Malti għandha kwalità moderna ħafna u li ndubjament intużawx għodod ta’ intelliġenza artifiċjali fil-ħolqien tagħha. Madankollu, s’issa m’hemm l-ebda informazzjoni pubblika dwar min hu wara din il-produzzjoni. Xorta waħda, minn qalbi, prosit tassew!

Ferfer Denbek
Ir-Roti tal-Linja
Aħmar u Abjad Maltin
Il-Brimba ż-Żgħira u Ħelwa
Il-Festi Maltin
Teptep Teptep

> Żur il-kanal ta’ Kikku Malti fuq YouTube.

PARTI 3: L-album tal-lum huwa Devil Music ta’ Andre Camilleri. Kull min isegwi MMI regolarment jaf li kull sena jkollna tal-anqas 4 albums ta’ dan il-kantawtur Malti-Awstraljan.Dan għax huwa joħrog tal-anqas 4 albums fis-sena, u ġieli anke aktar. Allura kultant nabżu wieħed jew tnejn ukoll, għax impossibli nlaħħqu miegħu. Dan tal-lum ħareġ fuq Bandcamp nhar is-Sibt 1 ta’ Awwissu 2026. Minnu għażilt dawn: