Blog

Is-sensiela Mużika Mod Ieħor ma’ Toni Sant tkompli bis-700 edizzjoni li huwa t-tlettax-il programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Matthew James – People
  
• Krista Šujak – words unspoken.
  
• Melchior Sultana feat. Janelle Pulo – Ghost (minn Higher Ground)
  
• The Crowns feat. Jimmy Tyrrell  – Out of Our Minds (minn breakupbeard)
• Damaged and Co. – Reflections
• Christine Dalli – Nella Fantasia
• Kapitlu Tlettax – Uġigħ Mistur
  
• One11 – Ruħ Twajba
  
• Liston – Idolu
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2:  Kif tiċċelebra 700 poddata ta’ Mużika Mod Ieħor? Bilkemm irrid nemmen li wasalna għas-700 poddata ta’ Mużika Mod Ieħor. Ħabtet eżatt mal-aħħar edizzjoni għall-2024, li huwa wkoll it-tlettax-il programm fit-tieni sensiela għar-radju fuq Campus 103.7. Mill-edizzjoni li jmiss mhux biss nibdew il-poddati għall-2025 imma nkomplu bit-tielet sensiela fuq Campus 103.7 kull nhar ta’ Ħamis filgħaxija. Aktar minn dan, però, f’Novembru tas-sena l-ġdida il-poddati ta’ Mużika Mod Ieħor ikun ilhom joħorġu 20 sena, u naħseb li għal dik l-okkazzjoni nagħmel xi ħaġa partikoli f’din it-tieni parti ta’ kif inhu mqassam l-andament ta’ Mużika Mod Ieħor issa.  Bħala mużika kommemorattiva, jekk dik hija l-kelma xierqa, għażilt 3 siltiet. Waħda mingħand l-iXtruppaw li kienu l-ewwel grupp li daqqejt waqt Mużika Mod Ieħor fl-2005 u ispirazzjoni kbira għalija dejjem. It-tieni hija diska li nqisha fost l-aktar favoriti tiegħi u li kieku ma kienx għall-poddati ta’ Mużika Mod Ieħor aktarx li qatt ma kont insir naf biha. U fl-aħħar għandi silta mill-aktar album riċenti ta’ The New Victorians – Ninni:  Album tal-Milied – li għażilt bħala l-album tal-ġimgħa fl-edizzjoni ta’ qabel din tal-lum.

PARTI 3: L-album tal-lum huwa Vinyl Paradise ta’ Vinyl Paradise. L-album tal-lum huwa wieħed xieraq tassew għas-700 edizzjoni tal-poddata. Id-diski ta’ 33 dawra u terz reġgħu ġew in voga sew fl-aħħar snin u din is-sena jidher ċar li qabdu sew. Il-grupp Vinyl Paradise indubjament għażel ismu b’rabta mal-element nostalġiku u l-moda tal-hipsters lejn dan il-mezz mill-aktar skomdu biex titwassal il-mużika. Ma rridx ninsma’ li jiena komplement kontra l-vinyl bħala mezz xieraq għat-tixrid tal-mużika. Imma r-raġuni tiegħi biex napprezza dan it-tip ta’ materjal plastiku għad-diski mhux il-kwalità suppost superjuri tal-ħoss li jwassal (għandi dubju serji dwar dan) imma aktar minħabba l-aspett preżervattiv. Irrid ngħid, recordings fuq il-vinyl nafu fiċ-ċert li jistgħu jibqgħu ppreservati talikwali għal bosta diċenji, u dan ma jista’ ningħad għal ebda format ieħor. Il-grupp Vinyl Paradise huma magħmul minn il-kantant u kitarrist Ben Bailey, il-perkussjonista Patrick Camilleri, u l-bassista Antoine Tonna, u l-vuċijiet li jakkumpanjawhom fl-isfond huma tal-aħwa Hannah u Amy Grech Pirotta. L-album ta’ Vinyl Paradise ħareġ fid-29 ta’ Novembru 2024 u minnu għażilt li ndoqq dawn illum:

• Easy On Me
  
• Like Never Before
• Another Thing Coming

> Isma’ l-album Vinyl Paradise ta’ Vinyl Paradise fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-699 edizzjoni li huwa t-tnax-il programm fit-tieni staġun għar-radju. Din hija edizzjoni speċjali għall-Milied tal-2024.

PARTI 1: Diski ġodda li ħarġu dan l-aħħar.

• SterjoTipi – Siġra tal-Milied
  
• The JoyGivers – Illum u Dejjem, f’Kull Milied
  
• Kantera – Milied Għalina
  
• Karm Debattista mssp – Born for Us
• Rita Pace – All I Need
  
• Debbie Scerri, Nicole Vella, Tristan B, Alexia Vella Schembri, Daryl Jaymes, Miguel Bonello – Natalis Notabilis
• Kurt Anthony + Artisti Varji – Maxtura Mnikkta

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2:  Liema huma dawk id-diski tal-Milied xi ftit differenti din is-sena? Il-kurżità tal-lum hija dwar diski u recordings oħra maħruġa f’dawn il-ġranet li, tal-anqas fil-fehma tiegħi, huma xi ftit differenti mill-oħrajn. Nibdew il-kanzunetta maħruġa fuq it-tikketta tad-diski CAP Sounds bil-Ġermaniż mid-duo Bella Vista, filwaqt li f’Malta l-istess kanżunetta f’idejn Chan Vella u Alexia Vella Schembri hija interpretata minn Fabrizio Faniello bħala Wish Everyday Could Be Like Christmas. Apparti diski tal-Milied, f’dawn il-jiem ta’ festi tfaċċat ukoll kanzunetta oħra li faċilment nistgħu naħsbu li hija oħra tal-Milied. Qed nirreferi għal Qalb tad-Deheb, kliem ta’ Sean Buhagiar u mużika ta’ Dominic Galea, interepretata minn numru mdaqqas ta’ kantanti bħala ċelebrazzjoni tal-50 anniversarju ta’ Malta Repubblika fit-13 ta’ Diċembru 2024. U fl-aħħar għandna recording ġdid ta’ Silent Night (bl-Ingliż) minn Christine Dalli, li kellna okkazzjoni nismgħu l-vuċi sabiħa tagħha darb’ oħra waqt Mużika Mod Ieħor matul din is-sena. Dan arrangament orkestrali ta’ Patrick Hamilton u pubblikata minn Decca Publishing UK.

PARTI 3: L-album tal-lum huwa Ninni ta’ The New Victorians. Fl-aħħar waslet l-edizzjoni tal-Milied għal Mużika Mod Ieħor ukoll.  Din s-sena għandna album tal-Milied…u wieħed mill-isbaħ, ikolli ngħid ukoll. Ħafna drabi l-għanjiet tal-Milied jaqgħu f’żewġ kategoriji: ordinarji/repetittivi jew attentati sinċiera li ma jirnexxux. Fortunatament hemm tal-anqas kategorija oħra, li hija dik ta’ għanjiet tal-Milied interpretati b’mod straordinarju. Ċertament l-album tal-Milied ta’ The New Victorians jidħol f’din il-kategorija. L-album kien irrekordjat live fil-Kappella ta’ Bir Miftuħ, mingħajr udjenza, u nħareġ fuq Spotify fl-14 ta’ Novembru. Apparti żewġ videos fuq YouTube ta’ siltiet minnu, kellna nistennew sa ftit tal-jiem ilu biex ikun disponibbli ukoll f’verżjoni vinyl. Minnu llum għażilt dawn:

• Ninni La Tibkix Iżjed
• Ġesù Ħelwa Tarbija
• Qed Joqrob il-Milied (White Christmas)
• Fuq Tiben f’Maxtura
• Qed Jinfirex mal-Widien
  

> Isma’ l-album Ninni ta’ The New Victorians fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-698 edizzjoni li huwa l-ħdax-il programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Peach Talk – Guilty
  
• Alexandra Alden – Great Escape
• Kris Critien – Landslide
• The New Victorians – Ninni La Tibkix Iżjed

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2:  Liema kien l-aktar videos Maltin (mhux bil-Malti) li spikkaw fl-2024? Wasalna lejn tmiem sena oħra, u allura, kif nagħmlu kull sena f’Mużika Mod Ieħor, nibdew nagħtu ħarsa lura lejn l-aktar diski u recordings oħra li spikkaw matul is-sena biex eventwalment intom tkunu tistgħu tivvotaw għall-għażla tagħkom. Il-votazzjoni tiftaħ hekk kif tispiċċa s-sena. Illum inkomplu billi nistgħu siltiet minn uħud mill-aktar videos Maltin (mhux bil-Malti) li spikkaw matul l-2024:

PARTI 3: L-album tal-lum huwa Nordterra ta’ Glen Montanaro + Walter Vella. Fl-aħħar edizzjoni ta’ Mużika Mod Ieħor inkudejt is-silta L-Aħħar Bidwi minn dan l-album li ħareġ fid-29 ta’ Novembru 2024. Din il-kollaborazzjoni bejn dawn iż-żewġ mużiċisti Maltin hija staordinarja mhux biss għax huma minn żewġ ġenerazzjonijiet differenti, mifrudin bi tnejn oħra bejniethom, imma wkoll għax magħhom għandhom jakkumpanjawhom żewġ mużiċisti Daniżi, li huma l-bassista Kenneth Dahl Knudsen u d-drummer Carsten Landors. Is-siltiet fih huma xi ftit itwal minn kanzunetti kif spiss ikollna f’din it-taqsima, u allura qed ninkludi dawn it-tnejn:

• Ballata
• Il-Kaħli

> Isma’ l-album Nordterra ta’ Glen Montanaro u Walter Vella fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-697 edizzjoni li huwa l-għaxar programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Dario Bezzina – Illum
  
• Geo Debono – Stolen in the Night
• Il-Majċa – Diska tal-Prim
• Glen Montanaro + Walter Vella – L-Aħħar Bidwi (minn Nordterra)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2:  Liema kien l-aktar videos bil-Malti li spikkaw fl-2024? Wasalna lejn tmiem sena oħra, u allura, kif nagħmlu kull sena f’Mużika Mod Ieħor, nibdew nagħtu ħarsa lura lejn l-aktar diski u recordings oħra li spikkaw matul is-sena biex eventwalment intom tkunu tistgħu tivvotaw għall-għażla tagħkom. Il-votazzjoni tiftaħ hekk kif tispiċċa s-sena. Illum nibdew billi nistgħu siltiet minn uħud mill-aktar videos bil-Malti li spikkaw matul l-2024:

• Amber – Għanja lil Ġużi
• Adria Twins – L-Isbaħ Stlla
• Daryl Jaymes – Ħallini
• Maria Zahra Brincat – Kieku Nista’
• Christian Arding – Il-Baħħ u Jien
• Janice Mangion – Ġawhra F’Qalbi
• Meadow Strings – Waħdi
• Mike Spiteri – Għidli
  
• Kantera – Vjaġġ Sabiħ
• Lokko – 3 Regoli
• Brodu – Kung Fu Karate
• Kym Pepe – Mhux il-Ħin + Dalgħodu
• Kapitlu Tlettax – Rita + Għidli Min + Narċissista
• ONE11 – Tagħmel X’Tagħmel
• Aidan – Sorry
• Matt Blxck + Erba’ – Ejja
• The JoyGivers – Għawdex Tiegħi
• SterjoTipi –  Destinazzjoni

PARTI 3: L-album tal-lum huwa This World Will Break Your Heart ta’ Andre Camilleri. Dan il-kantawtur Malti-Awstraljan ma jieqaf qatt jissorprendini. L-ewwel nett għax huwa prolifiku tant li dan huwa s-sitt album tiegħu din is-sena. Min isegwi din is-sensiela regolarment jaf li fl-2024 kellna wkoll ħames albums oħra qabel dan: Top Dog, Hell Bound, Lost in the Wilderness, Clouds, u Nowhere. Mhux hekk biss, imma ftit ġranet wara li ħareġ dan l-album il-ġdid tiegħu, ħareġ ukoll album ieħor b’verżjonijiet ġodda ta’ kanzunetti mir-repertorju tiegħu. L-album l-ieħor jismu Evil Gnome of Doom, u jaf hemm ċans li jkun l-album tal-ġurnata f’xi waħda mill-ewwel edizzjonijiet ta’ MMI fl-2025. Għal-lum għażilt dawn is-siltiet minn This World Will Break Your Heart:

• This World Will Break Your Heart
• Ball & Chain
  
• No Tear Left to Cry

> Isma’ jew niżżel l-album This World Will Break Your Heart ta’ Andre Camilleri fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More