Blog

 Is-sensiela Mużika Mod Ieħor ma’ Toni Sant tkompli bis-694 edizzjoni li huwa s-seba’ programm fit-tieni staġun għar-radju.

PARTI 1: Diski ġodda li ħarġu dan l-aħħar.

• The JoyGivers – Għawdex Tiegħi
  
• Karm Debattista mssp – Held in Grace
  
• Stephen Galea ft. Grace Debono – The Place Where No One Cries
  
• Chellcy Reitsma – Phoenix Fly (from Momento Mori)
  
• Ozzy Lino – Help Me

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Min hi Gaby Bonello? Il-kurżità tal-lum hija waħda ġenwina. Anzi ġenwina ħafna. Irrid ngħid, jiena naf li Gaby Bonello hija kantawtriċi Maltija-Awstraljana li debuttat fix-xena bl-album tagħha Coming Home fl-2016. Naf ukoll li s-sena l-oħra ħarġet diska oħra jisimha Giving Up the Fight. Minn żmien għal żmien nara ukoll li qed tidher f’shows live ‘l hawn u ‘l hinn fl-Awstralja. Imma ftit li xejn aktar minn hekk. Dan apparti li ftit li xejn hija magħrufa f’Malta, l-aktar għax id-diski tagħha ma jindaqqu kważi qatt fuq ir-radju u hekk. Forsi dan jista’ jinbidel xi ftit mhux biss permezz ta’ dan li qed nisimgħu flimkien illum, imma wkoll jekk toħroġ aktar diski fix-xhur u s-snin li ġejjin.

• Church Bells
  
• A New Day
  
• Giving Up the Fight
• One Day at a Time

PARTI 3: L-album tal-lum huwa Till I Can Gain Control Again ta’ Fake Ophelia. Luke Scerri huwa l-moħħ u l-ġisem wara l-proġett Fake Ophelia li jasal għandna minn Berlin. Fl-aħħar ġimgħat diġà dewwaqna xi żewġ siltiet minn dan l-album li ħareġ fl-1 ta’ November 2024. Minn Till I can Gain Control Again  jien għażilt li ndoqq dawn illum, li jinkludu ukoll siltiet li daqqejt qabel minnu matul din is-sena:

• Paint Sniffing Survivors
  
• Natural Causes
  
• New Illusion

> Isma’ u niżżel l-album Till I Can Gain Control Again ta’ Fake Ophelia fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-693 edizzjoni li huwa s-sitt programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Airport Impressions – Bobcat
  
• Kapitlu Tlettax ft. Maria Christina – Narċissista
  
• Aidan – Sorry
• Eddie Fresco – Loaded Gun
• Fake Ophelia – Be Still
• Nicole Magro – Love Me

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Tislima lil Terry L. Bencini (1930–2024) Bosta huwa dawk li jafu diġà li l-ġimgħa l-oħra tħabbret il-mewt ta’ Terry L. Bencini. Oħrajn, indubjament jafu li kienet kantanta u attriċi magħrufa sew fi żminijiet oħra, anke jekk ma jiftakrux lil din l-artista fl-aqwa tagħna. Però naħseb li ftit huma dawk li verament jafu x’ħoss kienet tagħmel din il-mara mimlija talenti. Mhux se noqgħod nirrepeti dak li ntqal mill-gazzetti jew li eventwalement indubjament jidher f’artiklu dwarha fuq il-Wikipedija. Għażilt li ndoqq 4 siliet mir-repertorju tagħna minn madwar 60 sena ilu biex tassew napprezzaw kemm kienet kantanta stupenda, anke jekk għexet u ħadmet fi żminijiet meta x-xena tad-divertiment, biex ma ngħidux il-kultura b’mod ġenerali, kienu ferm differenti milli huma llum.

• L-Għada tal-Festa ma’ Vitorin
  
• Madonnina Omm Ġesù
  
• L-Emigrant (minn attività tal-M3P fl-2016)
• Di Tutto Me Ne Infischio (ma’ Johnny Navarro mill-Operetta La casa innamorata)
• Una Rosa da Vienna

PARTI 3: L-album tal-lum huwa 789 ta’ Berne. Dan l-album ta’ dan id-duo Malti bbażat fl-Ingilterra, ħareġ fil-31 t’Ottubru 2024.  Id-duo Berne huwa magħmul minn Deborah Borg Brincat u Gianluca Pulvirenti. Lil Deb u Gian hemm minn jaf għadu jiftakarhon mill-grupp Malti Bletchley Park li kien attiv sew fix-xena lokali aktar minn 10 snin ilu. L-album jismu 789 għax dan huwa propjament in-numru ta’ speċi ta’ ħajja li ġew estinti fl-aħħar 400 sena. L-album għandu tema abjentali, u d-duo involut sew fit-tqajjim ta’ kuxjenza dwar l-ambjent b’mod ġenerali jew anke speċifiku.  Minn 789  jien għażilt li ndoqq dawn illum, li jinkludu ukoll siltiet li daqqejt qabel mingħandhom matul din is-sena:

• Lost My Skin
  
• Waves
• Lunar Spectacle
  

> Isma’ l-album 789 ta’ Berne fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download (Duration: 59:02 — 135.2MB) | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-692 edizzjoni li huwa l-ħames programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Violent Violets – 2y (minn Tame Remix ta’ That bb)
  
• Patryk Cutajar – Burnt Endz
  
• Andre Camilleri – This World Will Break Your Heart
  
• Fake Ophelia – Spanish Drifter
  
• Cora – Love Me

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Kont taf li Kewn Records jinstabu fuq il-Wikipedija? Minn żmien għal żmien nitkellem dwar it-tikketti tad-diski Maltin, sew waqt MMI kif ukoll f’okkazzjonijiet oħra. U jidher li dawk l-okkazzjonijiet oħra issa jinkludu wkoll il-Wikipedija. Fl-aħħar jiem kont involut fil-ħolqien t’artiklu dwar il-Kewn Records. Issa l-biċċa hi li jiena anqas jien ċert 100% kif suppost tippronunzja Kewn, u naħseb li dak parti mill-iskop wara dan l-isem. Nick Morales, James Vella u Nicholas Bonello huwa l-persuni involuti direttament fit-tħaddim ta’ din it-tikketta li ilha għaddejja sa mill-2017 meta ħarġu casette b’għazla ta’ siltiet minn artisti Maltin li eventwalment ma nistgħux ngħidu li kollha komplew jaħdmu ma’ din it-tikketta; il-cassette kien jismu Being In Space and Time. Fost dawk li ħadmu sew mal-Kewn Records hemm BILA, the Areola Treat u Krishna. Oħrajn assoċjalti sew magħhom jinkludu 400PPM, Dalam u 5 Years from Now. Interessanti ukoll il-ħruġ mill-ġdid ta’ album u EP li oriġinarjament ħarġu biss fuq CD minn Dolls for Idols u Massacare House Party. L-album favorit tiegħi minn din it-tikketta tad-diski indubjament huwa Saru l-Qamar ta’ A Lily.  Illum għażilt li ndoqq dawn mingħand Kewn Records

• Ferret – Praxis
• The Areola Treat – Into My Shadow
• Dolls for Idols – Rave ‘n Roll
• A Lily – Ħajti Kollha, Qalbi

PARTI 3: L-album tal-lum huwa The Body Is Only Light ta’ Carlo Muscat. Dan huwa s-seba’ album tas-sassofonist Malti Carlo Muscat. Beda bħala proġett mużikali f’Kyiv meta l-Ukrajna kienet invaduta mir-Russja. Muscat kien diġà familjari ma’ dik il-belt għal xi snin u allura kien kważi naturali li l-affarijiet żviluppaw hekk għal dan l-album. Minkejja l-gwerra, dan il-mużiċist Malti issa huwa bbażat f’Kyiv.  Il-ħoss tas-sassofonu ta’ Carlo Muscat jispikka sew f’dan l-album, b’mod partikolari għax fil-biċċa l-kbira tas-siltiet miktuba minnu stess huwa akkumpanjat biss mid-drums (Dmytro Lytvynenko) u kuntrabaxx (Kostiantyn Ionenko). L-album ħareġ fil-25 ta’ Ottubru 2024 fuq it-tikketta tad-diski Amerikana Ears and Eyes Records. Minnu jien għażilt li ndoqq dawn illum:

• Totoro
• Holier
• Lisovyk

> Isma’ u/jew niżżel l-album The Body Is Only Light ta’ Carlo Muscat fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-691 edizzjoni li huwa r-raba’ programm fit-tieni staġun għar-radju.

PARTI 1: Diski ġodda li ħarġu dan l-aħħar.

• The Rifffs – Oh No Dub (Manwel T remix)
  
• Matt Blxck X Erba’ – Ejja
  
• Matthew James (feat. Michela) – Under Pressure
  
• El Ferr – They Say!
• Franklin Calleja – Chains
  
• Mike Spiteri – Għidli
• Carlo Muscat – Holler (minn The Body Is Only Light)
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Xi ħsejjes fih l-EP For the Love of Pizza ta’ Ferret? Kultant il-kurżità tkun xi ħaġa li nista’ ninkludiha f’taqsima oħra kieku mhux għax tkun anomala, b’xi mod jew ieħor, fl-andament ta’ dak li nkun qed nagħmel jien. Hekk għażilt li nikklassifika l-EP tal-grupp Malti Ferret li jismu For the Love of Pizza. Naħseb ir-raġuni għal dan kien għax id-diriġenti ta’ Kewn Records, it-tikketta tad-diski li qed toħroġ dan l-EP, għażlet li toffi anteprima For the Love of Pizza b’mod li mhux spiss isir minn kull ħaddieħor li joħroġ xi EP jew album f’Malta. Allura, din tant hi xi ħaġa li napprezza jien, anke peress li dawn il-poddati nirrekordjhom diversi ġranet, u ġieli anke ġimgħat, qabel jixxandru fuq ir-radju li nkun nista’ ninkludi materjal ġdid eżatt kif ikun ħareġ għall-pubbliku. U filfatt l-EP tal-Ferret joħroġ uffiċjalment għall-pubbliku l-għada li dan il-programm jixxandar fuq Campus 103.7, jiġifieri nhar il-25 ta’ Ottubru 2024. Diġà daqqejtilkom is-silta Swamp Thing fl-ewwel parti tal-edizzjoni tal-ġimgħa l-oħra, u allura llum se nisimgħu siltiet l-oħra minn dan l-EP:

• Cheeki Breeki
• Big Machine
• Galactose Intolerant
• Praxis

PARTI 3: L-album tal-lum huwa Nowhere ta’ Andre Camilleri. Dan il-kantawtur Malti-Awstraljan spiss nisimgħu mingħandu għax huwa prolifiku ferm. Matul din is-sena biss, huwa diġà ħareġ ħames albums. Dan Nowhere huwa l-aktar wieħed riċenti u għalkemm għadu ma ħabbar xejn aktar s’issa, jaf anke ma jkunx l-aħħar wieħed għal din is-sena. Nowhere ħareġ fis-7 ta’ Settembru 2024 u għalkemm minnu għażilt li ndoqq dawn illum:

• Nowhere
• Endless Night
• Can’t Help It If I Tried
• Keep On Searching

> Isma’ l-album Nowhere ta’ Andre Camilleri fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More