Blog

Is-sensiela Mużika Mod Ieħor ma’ Toni Sant tkompli bis-722 edizzjoni li huwa d-disa’ programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Chellcy Reitsma – Carpe Diem
• Hanging by Threads – Talking to Ghosts
• Moira Stafrace + Avenue Sky – More Than Words
• Dario Genovese – Washington Square Park
• Beheaded – Il-Kittieb 

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Veru li ma tkont taf b’Hanging By Threads? Minn żmien għal żmien jitfaċċa xi ħadd mix-xena Maltija li niskanta li ma nkunx naf bih diġà għax ikunu attivi biżżejjed biex suppost insir naf bihom b’xi mod jew ieħor. L-aktar każ riċenti ta’ dan il-fenominu huwa dak ta’ Hanging By Threats li daqqejt l-aktar diska riċenti tagħhom — Talking to Ghosts — fl-ewwel parti tal-programm illum. Skoprejthom bis-saħħa ta’ Melodija, li hija website tassew impenjata fil-promozzjoni tax-xena mużikali Maltija, b’mod partikolari dik alternattiva. F’din il-parti llum agħżilt li ndoqq xi siltiet mill-EP No More li Hanging By Threads ħarġu aktar kmieni din is-sena. Mid-deħra l-moħħ wara Hanging by Threads huwa Chris Muscat Role’, xi ħadd li ngħid għalija qatt ma tlaqt m’ismu qabel fix-xena lokali. Mill-EP No More għażilt dawn is-siltiet illum:

• No More
• You Should Know
  
• Strangers
• She Might

> Aqra aktar dwar Hanging by Threads fuq il-website ta’ Melodija

PARTI 3: L-album tal-lum huwa Do Trees Tire of Standing Still? ta’ Claire Cordina. Minn dan l-album diġà kellna żewġ siltiet fl-aħħar xhur. Waħda hija Gravity u l-oħra kienet You Want Me. Id-data tal-ħruġ uffiċjali ta’ dan l-EP, għax mhux propjament album dan, ħareġ fit-30 ta’ Mejju 2025, b’kunċert fin-97 Notes fil-Belt Valletta.  Ma’ Claire Cordina fuq dan l-EP insibu lil James Baldacchin0, li ħa ħsieb il-produzzjoni, il-kitarrist Franco Tartaglia, iċ-ċellista Lucie Kucharova, u Luke Briffa fuq id-drums. Minnu llum jiena għażilt dawn is-siltiet:

• Do Trees Tire of Standing Still?
• Gravity
• You Want Me
• Wake the Magic

> Isma’ jew niżżel l-EP Do Trees Tire of Standing Still ta’ Claire Cordina fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

          Is-sensiela Mużika Mod Ieħor ma’ Toni Sant tkompli bis-721 edizzjoni li huwa t-tmien programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• K.A.R.R. feat JJ Mist – Runaway Heart
• Carlo Gerada + Kevin Paul + Matthew James – Out of this World (Live Island Malta Season 3 Theme)
• Lighthouse – Don’t Forget Me
• Ara Lil Yoon – Tenth House Burning Capricorn Rising (live at Garage Pankow)
• Mariele Zammit – Għanja Birżebbuġa

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’inhuma l-aktar ħsejjes riċenti mingħand That bb? Meta kont qed nippreprepara din it-taqsima tal-programm tal-lum intbaħt li l-EP ġdid ta’ Rebecca Theuma – The Words Are Stuck in My Throat – huwa l-aktar recording riċenti tagħha li ltqajt miegħu jien. Dan l-EP inħareġ fid-29 t’April 2025 fuq it-tikketta tad-diski Skoċċiża Wrong Island li riċentament kienet stabbilita fil-Portugall. Fl-EP hemm sitt siltiet imma 3 kompożizzjonijiet ta’ That bb, għax it-3 siltiet l-oħra huma remixes ta’ tnejn mill-ewwel tlieta. “Il-producer mill-Korea ta’ Isfel Yetsuby, magħrufa l-iktar bħala nofs id-duo minimalista modern Salamada, tkompli l-atmosfera tal-ħolm ta’ I Wish I Had Something To Say But I Don’t waqt li toħodha fi sfera kompletament differenti.” Jew tal-anqas hekk hemm miktub fuq il-paġna tal-Bandcamp, bil-Malti, dwar din ir-remix.

• AOIIOA
• I Wish I Had Something To Say But I Don’t
• My Heart is a Broken Arp
• I Wish I Had Something To Say But I Don’t (Yetsuby Remix)

> Isma’ jew niżżel l-EP The Words Are Sstuck in My Throat ta’ That bb fuq Bandcamp

PARTI 3: L-album tal-lum huwa Lazarene ta’ Dean Muscat. Dan l-album aktar li huwa aktar preċiżament ikklassifikat bħala EP għax fih biss ħames silitet. Ħareġ ftit tal-ġranet ilu, eżattament fis-16 ta’ Mejju 2025, anke jekk il-ġimgħa ta’ qabel kellna speċi ta’ single minnhu li hija My Muse is Gone, kif ukoll silta oħra bl-isem ta’ Heart of the Med diversi ġimgħat qabel.  Min ilu jsegwi MMI għal ħafna snin jaf kemm nieħu gost ninkludi materjal tal-kantawtur Dean Muscat f’din is-sensiela — anke jekk kien hemm żmien meta sparixxa kważi kompletament — u allura għalhekk illum kważi naturali li nisimgħu l-ħames siltiet kollha li hemm f’dan l-EP, anke jekk din hija l-ewwel ġabra ta’ kanzunetti tiegħu wara tant snin attiv fix-xena tal-mużika lokali:

• Darkness
• My Muse is Gone
• Heart of My Med
• Her Odyssey
• Night’s End

> Isma’ jew niżżel l-EP Lazarene ta’ Dean Muscat fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-720 edizzjoni li huwa s-seba’ programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Sarah Bonnici – Is This How It Ends?
• Karm Debattista mssp – In the Beginning
• Maria Bea – Released
• Chess Galea – Boogeyman
• Ben Miller – 99
• Kiita C – No Defeat

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’taħseb dwar il-Eurovision ta’ din is-sena? Din mhux kurżità tiegħi, imma naf li jista’ jkun li hija l-kurżità t’uħud mis-semmiegħa tiegħi li ma segwex dak li għedt jien f’dawn l-aħħar snin dwar il-Eurovision Song Contest. It-tweġiba sempliċi hija dak li ili ngħid għax aktar minn 30 sena: il-Eurovision Song Contest huwa spettaklu tat-television aktar milli konkors tal-kant u l-mużika. U din is-sena, l-kanzunetta minn Malta qed turi dan b’mod ftit aktar ċar minn snin oħra. Biex nimmarkaw din l-okkażżjoni qed indoqq 3 verżjonijiet tal-kanzunetta minn Malta għall-Eurovision ta’ din is-sena:

• Mirana Conte – Serving (Live at the Museum of Archaeology)
  
• Splinter Studio (David Depasquale) – Kant (metal cover)
• Mirana Conte – Kant (verżjoni oriġinali għall-MESC 2025)

> Darba waħda kien hemm biss il-website EurovisionMalta.com

PARTI 3: L-album tal-lum huwa Slave of the Machine ta’ Melchior Sultana u Janelle Pulo. Dan l-album ħareġ fit-2 ta’ Mejju 2025 fuq it-tikketta tad-diski Maltija Profound Sound Music. Melchior u Janelle ikkollaboraw flimkien darbi oħra qabel dan l-album u ġieli kellna l-mużika tagħhom sew waqt MMI kif ukoll meta konna nagħmlu M21. Illum, minn dan l-album tagħhom flimkien qed nisimgħu dawn:

• Slave of the Machine
• Patterns
• Ray of Light
• Timelapse

> Isma’ jew niżżel l-album Slave of the Machine ta’ Melchior Sultana u Janelle Pulo fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-719-il edizzjoni li huwa s-sitt programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Dario Genovese – Two
• Bard – Farfett Blu
• The Travellers – Dawn il-Widien
• Divine Sinners – So What
• Antares Flare feat. Gita Buhari – I’ll Be Your Friend

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’sar minnha Bunny Holiday? Mhux ċert jekk din il-mistoqsija kellix tkun min hi Bunny Holiday?” minflok. Iltqajt ma’ dan l-isem għall-ewwel darba xi sentejn tlieta ilu permezz ta’ sieħbi Michael Bugeja meta deheret f’xi gig hawn Malta. Bunny Holiday hija Kanadiża ta’ dixxendenza Maltija. Dinsinjatriċi tal-moda li ħadmet ma’ personalitajiet magħrufa bħal Beyoncé u Paris Hilton. F’Malta, kellha wkoll xi konnessjonijiet max-xena LGBT, b’mod partikolari waqt il-EuroPride ta’ xi sentejn ilu li sar f’Malta. Apparti hekk, ftit li xejn naf aktar, ħlief li għandha ukoll xi recordings ġodda mill-ewwel darba li kont smajt biha ‘l hawn. Illum qed indoqq dawn mir-repertorju ta’ Bunny Holiday…

• Tender Young Flesh
• Soul Shine Star Love
• Playboy 

> Isma’ aktar mingħand Bunny Holiday fuq Soundcloud

PARTI 3: L-album tal-lum huwa Midnight Pill ta’ Faddi. Dan l-album ħareġ fil-21 ta’ Marzu 2025 fuq it-tikketta tad-diski Khoros Records ta’ Newcastle fl-Ingilterra. Faddi huwa l-isem li qed jirrekordja biha issa Darren Borg li ilu attiv fix-xena tal-mużika elettronika għal dawn l-aħħar kważi 30 sena. Illum, minn dan l-album ta’ Faddi qed nisimgħu dawn:

• Midnight Pill
• Ordinary Wave
• Void
• Voices of Valhala

> Isma’ l-album Evil Gnome of Doom Vol.3 ta’ Andre Camilleri fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More