Is-sensiela Mużika 21 tkompli bil-136 edizzjoni li huwa s-sitt programm fil-ħdax-il staġun.
PARTI 1: Diski ġodda li ħarġu dan l-aħħar.
- Owen Leuellen – Can’t Be Stopped
- Denzel Jo Armani feat. Drakard – Infinity
- Simon Pulo – Electrify
- Rod & Ally – Tama u Kuraġġ
- Robert Farrugia – Long Wait (mis-CD Tilwin)
> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.
PARTI 2: Min hu Manwel T? Din mhux suppost mistoqsija stramba wisq għal min jisma’ din is-sensiela ta’ programmi regolarment. Spiss ikollna siltiet ta’ Manwel Tabone waqt dawn il-programmi. Kien anke deher fit-tieni parti tal-programm, fit-tieni staġun, fil-25 programm biex inkunu preċiżi. Dak in-nhar daqqejtilkom erba’ siltiet ta’ dan il-mużiċist Malti li ilu attiv fix-xena alternattiva għal aktar minn 30 sena. Naturalment iffokana l-aktar fuq materjal tiegħu mis-seklu 21, b’siltiet relattivament riċent u oħrajn minn ftit tas-snin ilu. Illum għandna l-aktar żewġ siltiet riċenti tiegħu, wara Rat Race Dub li kellna fil-programm ta’ xi 4 ġimgħat ilu.
- Peace and Love
- Bring That Dub (fuq “Bring That Come” id-dancehall hit ta’ Wiski D.)
- Peace and Love dub
> Niżżel jew isma aktar mużika mingħand Manwel T fuq Bandcamp
PARTI 3: L-album tal-lum huwa Underground ta’ Melchior Sultana. Dan huwa mużiċist Malti li mill-ġdid huwa wieħed suppost xi ftit familjari mas-semmiegħa ta’ din is-sensiela ta’ programmi. Ili ngħidilkom li nixtieq ninkludi dan l-album il-ġdid tiegħu għal diversi ġimgħat. Filfatt ħareġ mit-13 ta’ Frar u allura, għalkemm għandi xi 4 albums oħra ġodda li għandi rrid indaħħal f’din it-taqsima fil-ġimgħat li ġejjin, illum għażilt dawn mill-album il-ġdid ta’ Melchior Sultana:
- Underground
- That Sound
- Balearic
> Isma’ jew niżżel l-album Underground ta’ Melchior Sultana fuq Bandcamp.
Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.