Mużika 21 – numru 038

Is-sensiela Mużika 21 tkompli fit-tielet staġun bit-tnax-il programm tagħha li huwa t-38 edizzjoni.

PARTI 1: Diski godda li ħarġu fl-aħħar ġimgħat…

Digital Black – Army of Minds

Shedona – Falling

One11 – Qalb Friżata

Daoud Khan ft Hamez – Swagulous

Kersten Graham + JPx – Għaliex Jien?

Lord Adder – Good Guys in Bad Lands

Aldo Busuttil – Kull Fejn Tkun Int

Id-dettalji tad-diski u recordings oħra kollha li ħarġu matul l-2022 issibhom permezz tal-wiki tal-M3P.

PARTI 2: Cover versions Maltin mhux ovvji. Għażilt din it-tema llum għax hija xi ħaġa li verament jidher li qed taqbad. Hemm l-album sħiħ ta’ Nadine Axisa li jismu l-Ħoss tal-Għabex, imma fil-verità f’dawn ll-aħħar sentejn tlieta donnu qed nisimgħu aktar verżjonijiet ġodda ta’ diski Maltin li ħarġu fl-imgħoddi apparti Xemx, Qalu Li Raw jew L-Aħħar Bidwi f’Wied il-Għasel.

• Shirley + Lulu – Tomorrow
• Mara– X’Jimpurtani
  

Hemm diversi eżempi oħra imma dawn it-tnejn tfaċċaw quddiemi għall-ewwel darba propju f’dawn l-aħħar jiem.

PARTI 3: L-album tal-lum huwa Chapter 3 ta’ Mirage. Dan huwa album ġdid li tkellimt ftit dwaru fil-programm tal-ġimgħa l-oħra. Dan għaliex din is-sena il-Mirage qed jiċċelebraw 40 sena mill-akbar kunċert ta’ mużika rock Maltija lii kien sar fl-1982 f’Dar il-Mediterran għall-Konferenzi. Ma’ dan l-album ħarġu wkoll 3 albums oħra: tnejn li kienu ħarġu qabel fuq cassette – For Absent Frends tal-1982 u Garage Technology tal-1987 –  kif ukoll Four on the Floor li kien l-album tal-ġimgħa l-oħra. Mit-tielet album tal-Mirage, Chapter 3, li ħareġ fuq Bandcamp mal-oħrajn kollha fl-14 ta’ Mejju 2022,  nisimgħu:

• Ashes
• Labyrinth
• Codebreaker
• Terminal Lucidity
  

Tista’ tisma’ jew takkwista l-albums ta’ Mirage fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.