Blog

Is-sensiela Mużika 21 tkompli bid-59 edizzjoni li huwa s-seba’ programm fil-ħames staġun.

PARTI 1: Diski ġodda li ħarġu dan l-aħħar.

• Il-Kalakku ft. Esther Spiteri – Isma’ Talbi
  
• Ema Vella – Luv
  
• Angela Vella Zarb – Lush Life
  
• Ben Mifsud Joslin – Vleġġa Bla Ħeġġa
  
• DiggerThings ft. Graham Bonnet – Soul Searching
  

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: Ara ġej is-Suffarin! Adolf Formosa jirritorna fix-xena tal-mużika alternattiva b’preparament għal album li jismu Blata.  Isem li juri wkoll kemm dan il-kantawtur daħal fl-idea li jagħmel album ta’ kanzunetti rock bil-Malti. Dan il-materjal ta’ Suffarin ħareġ għall-pubbliku waqt show li sar f’Novembru tas-sena l-oħra meta l-grupp Brodu daqqew fi Spazju Kreattiv biex iniedu l-album tagħhom Bambinella.  La joħroġ l-album Blata tas-Suffarin, minn hawn u ftit ieħor, ikun l-album tal-ġurnata u ndoqqu siltiet minnu fit-tielet parti tal-programm. Għal-lum xtaqt naqsam magħkom uħud mis-siltiet li hemm fih:

• Għall-Frisk
  
• Nofs Mewta
  
• Fix-xej
• Oħt Rokku

>  Sib is-Suffarin fuq Facebook (imma tistannix wisq!)

PARTI 3: L-album tal-lum huwa The Chemistry of the Heart ta’ One Pixel Moon. Dan l-album aktar qisu EP imma xorta fih diversi siltiet varjati mingħand Sylvan Borg li ilu jdoqq u jirrekodja b’dan l-isem għal mill-anqas dawn l-aħħar sentejn, tlieta. Filfatt dan huwa r-raba’ EP tiegħu bħala One Pixel Moon. Dan il-kantawtur Malti kien wieħed minn dawk li nkludejt il-mużika tagħhom waqt il-poddati ta’ Mużika Mod Ieħor sa minn żmien l-era tal-MySpace! Dan għax emmint, u għadni nemmen, li dawn huma t-troubadours tal-kanzunetta Maltija fid-daħla tas-seklu 21. Fil-programm tal-ġimgħa d-dieħla ndoqqilkom silta ta’ One Pixel Moon bil-Malti, imma llum se nisimgħu xi siltiet minn The Chemistry of the Heart:

• Lady Grace, Brother Truth
• Last Night
• Love Is
  
• Brussels by Night
  

> Isma’ l-album kollu The Chemistry of the Heart ta’ One Pixel Moon fuq Spotify.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bit-58 edizzjoni li huwa s-sitt programm fil-ħames staġun.

PARTI 1: Diski ġodda li ħarġu dan l-aħħar.

• Kodin Hill – Elm Street
  
• Ġenn – Rohmeresse
  
• Bahjat – Minni
  
• Chess Galea – Hands Off
  
• Bobby Baldacchino – Fifteen

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: Min hu Joseph Azzopardi? Isem komuni ferm f’Malta. Joe Azzopardi.  Tant hu komuni, li preżentatur popolari fuq it-television kellu jbiddlu għal Peppi Azzopardi. Joseph Azzopardi li jinteressa lilna llum huwa kitarrist Għawdxi. Joe Azzopardi huwa ukoll l-kitarrist tal-grupp Upper Lip li jinterpreta kanzunetti relattivament oriġinali fi stil ta’ mużika rock qawwija. Mngħandu llum qed nisimgħu tlett siltet strumentali. Jidhirli li dawn kollha joħorġu f’album jew EP tiegħu bħala solista xi 4 snn ilu, iżda ma sibtux.  Tal-anqas nistgħu nisimgħu dawn is-siltiet minnu.

• Let Me In
  
• Blue Sky
  
• Forever

> Aqra aktar dwar il-kitarrist Joseph Azzopardi fuq il-wiki tal-M3P.

PARTI 3: L-album tal-lum huwa Perception ta’ Bitterside. Dan l-album jimmarka r-ritorn ta’ din il-band li kienet attiva ferm sa madwar 10 snin ilu. Riċentament offrewlna s-silta Read Between the Lines bħala speċi ta’ single minn dan l-album u din inkludejtha f’edizzjoni preċidenti ta’ Mużika 21. F’dan l-album, fil-biċċa l-kbira nsibu materjal li jtina x’nifhmu li qisu l-waqfa ma saretx u li l-band baqgħet għaddejja daqs li kieku ma ġara xejn. Parti minn dan huwa bis-saħħa tal-mod kif żviluppat il-mużika popolari f’dawn l-aħħar 20 sena. Minn dan l-album li fih 13-il silta b’kollox se nisimgħu dawn is-siltiet

• Holding On
  
• Perception
• Revolution
• Loud & Clear
  
• Future
• Untitled

> Isma’ l-album kollu Perception ta’ Bitterside fuq YouTube Music.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bis-57 edizzjoni li huwa l-ħames programm fil-ħames staġun.

PARTI 1: Diski ġodda li ħarġu dan l-aħħar.

• 1905 – Jekk Jidħol il-Mewġ
  
• Bitterside – Read Between the Lines
  
• Joe Mizzi – Can’t Wait
  
• Chess Galea – Bayonetta 3 (Main Theme)
  
• Clifford Borg – Waterwings
• One11 feat. Lokko – Ħin Wara Ħin
  
• Tom Caruana – Hunters & Collectors from Inner Space feat. Willie Evans Jr

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: HAIW! HAIW! HAIW! X’inhu dan? Ma nafx eżatt. Naf li konnessjoni mal-grupp Cable 35.  Mill-irmied ta’ dak il-grupp ħareġ d-duo Beesqueeze, magħmlu minn Chris Zahra u Kris Spiteri. U dan allura huwa l-proġett ta’ Jeffrey Zerafa meta sfaxxa l-grupp Cable 35. Minn dak li donnu huwa album bl-isem ta’ Circus Rock Radio maħruġ fl-2015 fuq Soundcloud, dawn huma xi siltiet ta’ Haiw Haiw Haiw…anqas kif tippronunzjha ma naf!

• 17th Winner
  
• Custard Hot Dog
  
• Do You Wanna Know
• Dory Ramone

> Sib il-mużika ta’  HAIW! HAIW! HAIW! fuq Soundcloud.

PARTI 3: L-album tal-lum huwa l-EP Past Tense ta’ The Velts. Minnu diġà tawna s-silta Cars f’Lulju li għadda, dik li konna nsejħulha single, bil-video b’kollox. L-ep ħareg fuq Bandcamp fis-7 ta’ Ottubru 2022, kif ukoll fuq pjattaformi oħra bħal Spotify. Illum mhux se nisimgħu dik is-silta imma se nisimgħu erbgħa oħra minn dan l-EP tal-grupp magħmul minn Sean Borg, Matthew Cardona, Alistair Abela, u Stephen Pace Axiak:

• Dream Boy
  
• What Lie Beneath the Heaven
  
• Under the Rain
  
• Nowhere is everywhere
  

> Isma’ u/jew niżżel l-EP Past Tense ta’ The Velts minn fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.