Blog

Is-sensiela Mużika Mod Ieħor ma’ Toni Sant tkompli bis-751 edizzjoni li huwa t-tnax-il programm fis-sitt staġun għar-radju. L-aħħar wieħed f’dan l-istaġun, għax bix-xieraq nistriħu ftit u f’jum il-Milied inħallu lil Campus 103.7 ixandar skeda speċjali għal dak il-jum.

PARTI 1: Diski tal-Milied li ħarġu din is-sena.

• The JoyGivers – Il-Maġija tal-Milied
• Mark Tonna – Sentiment 
• Il-Klikka feat. Freddie Portelli – Ġej il-Milied
• Mark Spiteri Lucas u Debbie Scerri – Qed Jinfirex mal-Widien
• David Joseph Sammut – Ħalli l-Milied
• The Travellers – Dan Hu l-Milied
• Amber – Milied ta’ Dari

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Liema kien l-aktar lyric videos li spikkaw fl-2025? Wasalna lejn tmiem sena oħra, u allura, kif nagħmlu kull sena f’Mużika Mod Ieħor, nibdew nagħtu ħarsa lura lejn l-aktar diski u recordings oħra li spikkaw matul is-sena biex eventwalment intom tkunu tistgħu tivvotaw għall-għażla tagħkom. Il-votazzjoni tiftaħ hekk kif tispiċċa s-sena. Illum inkomplu billi nisimgħu siltiet minn uħud mill-aktar lyric videos li spikkaw matul l-2025:

• Alwyn Borg Myatt – Kelma Ħielsa
• Renè Mamo feat. Rita Pace – Illum
• NEO-X feat. Cher Camilleri – Il-Ħajja
• Haley – Roses & Thorns
• Kayati – Happier
• Martina Fenech –  Don’t Slip Away
• Matthew James – If I Ever Lose You
• Hanging By Threads – The Fall
• Toby – Where Are You Now?
• Scar – Dancing in the Sun
• Deborah C – Workout Dance
• Andrew Zammit – Will We Survive?

> Ara l-aktar lyric videos li spikkaw matul l-2025 fuq YouTube.

PARTI 3: L-album tal-lum huwa l-EP Ħolm tal-Milied ta’ Maria Cini. Dan l-EP ħareġ fl-20 ta’ Diċembru 2021 u peress li dak iż-żmien ma konnix għandna nagħtu ħarsa lejn album imma konna biss indoqqu xi silta jew tnejn l-aktar minnu, ħassejt li bix-xieraq ninkludih f’din it-tielet parti llum. M’hemmx wisq x’tgħid dwaru jew dwar Maria Cini għax jekk tisma’ imqar żewġ siltiet minn dan l-EP tifhem sew x’inhu u x’kapaċi tagħmel din il-kantant u vjolinista. Minnu llum għażilt dawn:

• O Lejl Ta’ Skiet
• Isma’ l-Għanja tal-Milied
• Ninni La Tibkix Iżjed
• Qed Jinfirex mal-Widien

> Isma’ l-EP Ħolm tal-Milied ta’ Maria Cini fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-750 edizzjoni li huwa l-ħdax-il programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Johann Caruana – Dynasty of Fire
• Mark Anthony Bartolo – Up Brown 
• Aicha Xixa – Nikompeti
• Lord Adder – Ozzy Forever
• Bila – A Thousand Wolves
• Andre Camilleri – Mean & Wicked

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Liema kien l-aktar videos bil-Malti li spikkaw fl-2025? Wasalna lejn tmiem sena oħra, u allura, kif nagħmlu kull sena f’Mużika Mod Ieħor, nibdew nagħtu ħarsa lura lejn l-aktar diski u recordings oħra li spikkaw matul is-sena biex eventwalment intom tkunu tistgħu tivvotaw għall-għażla tagħkom. Il-votazzjoni tiftaħ hekk kif tispiċċa s-sena. Illum nibdew billi nisimgħu siltiet minn uħud mill-aktar videos bil-Malti li spikkaw matul l-2025:

• Bard – Farfett Blu
• Myles – L-Innu tal-Bikkej
• ONE11 – Qum Minn Hemm
• Aicha Xixa – Illejla
• Bruda – Nisa Tal-Lejl
• Kiita C feat. Majċa – Mera tal-Passat
• David Sammut il-Buggly – Il-Protesta
• Kapitlu Tlettax feat. Liston – Tibqax Tgħix fil-Passat
• Klikka – Żmien Ieħor
• Pamela Bezzina – Perfett
• Morena – Leħħa Dawl
• Kersten Graham – Int Kollox Għalija
• Mat Rosales – Ejja Minn Hemm
• Jamie Cardona – Stajna Konna Aħna
• Lara Zammit – Ma’ Nżul ix-Xemx
• Stephanie Sant – Ikaru
• Marija Bellia – Nixtieq Kont Banana
• The Travellers – Dawn il-Widien
• Cyberia –  Kaxxa

> Ara l-aktar videos bil-Malti li spikkaw matul l-2025 fuq YouTube.

PARTI 3: L-album tal-lum huwa MDLXV – Fidi, Vendetta ta’ Mnajdra u s-Saħħar. Dan l-album ħareġ fl-14 ta’ Novembru 2025 u huwa maqsum bejn Marton Saliba s-Saħħar u l-grupp Amerikan Mnajdra. L-album idur mal-kunċett tal-Assedju l-Kbir bis-Saħħar jinterpreta l-parti tal-Kavallieri ta’ Malta filwaqt li l-Mnajdra jinterpretaw il-parti tat Tork u l-Ottomani li attakkaw lil Malta fl-1565. Minnu diġà kellna l-opportunità nisimgħu is-silta’ kollaborattiva Iermu’s Last Cry u allura llum għażilt żewġ siltiet oħra biex ikollkom idea aħjar ta’ dan l-album ta’ mużika Black Metal, li ċertament intlaqa’ tajjeb minn dawk li jħobbu din it-tip ta’ mużika.

• The Dawn Sword
• Salmi Għad-Demm

> Isma’ jew niżżel l-album MDLXV – Fidi, Vendetta ta’ Mnajdra u Saħħar fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:05 — 74.2MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-749 edizzjoni li huwa l-għaxar programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Lara Zammit feat. Cher Camilleri – Fid-Dlam Hemm Ġenna
• The Travellers – Sbejħa 
• Bahjat – Maybe I’m the Villain
• El Ferr – Peaches & Cream
• Jamie Cardona – Mandy
• Timmy Trumper & Zen feat. Kel – Addiction

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’inhu jagħmel Warren Galea? Dan huwa r-raba’ album, jew aħjar EP f’dan il-każ, li ħareġ dan il-mużiċist Malta mill-2019 ‘l hawn. L-ewwel kellna l-album The Odyssey li kien riżultat tal-istudji tiegħu f’New York u wara dan ippreżentalna Diadems, Troubadours fl-2022, anke jekk Meditations li ħareġ ftit tax-xhur wara kien irrekordjat qabel, waqt il-lockdown tal-pandemija tal-Covid. U issa fil-21 ta’ Novembru 2025, Warren Galea ħareġ it-Twelve-Tone Suite li fih 4 movimenti li fihom nistgħu nisimgħu l-iżvilupp tiegħu bħala kompożitur.

> Isma’ jew niżżel Twelve-Tone Suite ta’ Warren Galea fuq Bandcamp.

PARTI 3: L-album tal-lum huwa Reboot ta’ Eyes to Argus. L-istess bħat-Twelve-Tone Suite ta’ Warren Galea li kellna fit-tieni parti llum, dan huwa EP aktar milli album. Dan il-kwartet formidabbli għamel xi ħaġa mhux tas-soltu b’dan l-EP. Ftit aktar minn sena ilu huma ħarġu l-album Reroot, u dan l-EP Reboot fih 4 siltiet, waħda minn kull membru ta’ din il-band li jagħti verżjoni personali ta’ waħda mis-siltiet ippreżentati f’dak l-album. Din mhux l-ewwel darba li ħadmu mill-ġdid materjal ibbażat fuq album tagħhom għax diġà kienu għamlu xi ħaġa simili, anke jekk b’mod differenti, wara l-album tagħhom Habitual li ħarġu fl-2021. Is-siltiet f’dan l-EP huma:

• New Shapes – li hija l-verżjoni ta’ Robert Farrugia ta’ Your Piece
• Trust The – verżjoni ta’ Procrastinator Man u More Than I Can Chew minn Samwel Mallia
• DestinAzzjoni – maħduma minn Ben Mifsud Joslin fuq Minute u Boxes Move
• LifeStream – minn Samuel Attard wara Bloodstream Waterfall Cannonball u Lifelift

> Isma’ jew niżżel l-EP Reboot ta’ Eyes to Argus fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 58:32 — 134.1MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-748 edizzjoni li huwa disa’ programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Hooli feat. Patrick Gaffiero – Biża
• Aidan –Taste 
• Derrik Schembri – Ir-Raġuni
• Peach Talk – Collidescope
• Gaia Gambuzza – Sugar Rush

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Min hi Kel? La qed nistaqsi din id-domanda it-tweġiba b’xi mod żgur li torbot ma’ dak li normalment nagħmlu fil-poddati ta’ MMI. Kel hija kantanta Taljana, jew biex inkunu aktar preċiżi Sqallija, ta’ dixxendenza Maltija. M’hemmx għalfejn ngħidu wisq aktar dwarha llum.  Fi ħsiebi ndoqq xi ħaġa oħra tagħha f’edizzjoni oħra ta’ MMI. Isimgħu dan is-set li rrekordjat live f’San Cataldo ma’ Roberto Macrì. Dan ħareġ ħareġ bħala video fit-18 ta’ Novembru 2025.

> Ara l-video tal-Lumia Set f’San Cataldo minn Kel fuq YouTube.

PARTI 3: L-album tal-lum huwa Beautifully Lost ta’ Muxu. Matt Mercieca, magħruf aħjar bħala Muxu ilu ftit ma joħroġ diski ġodda tiegħu, anke jekk matul dawn l-aħħar 10 snin kien attiv ferm fix-xena mużikali bħala kittieb ta’ kanzunetti għal kantanti oħra, b’mod partikolari diversi parteċipanti Maltin tal-Eurovision. Dawn l-aħħar ħames snin kien qed jaħdmu fuq dan l-album, li huwa ukoll ktieb u audio book. Dan apparti li hemm lyric video elaborat ferm għal kull wieħed mis-siltiet li hemm fih, u dawn il-videos kollha flimkien trid madwar tlett kwarti ta’ siegħa biex tarhom kollha, l-istess ħin li jieħu l-album sħiħ mill-bidu sal-aħħar. Tajjeb ninnotaw ukoll li dan huwa l-ewwel album ta’ Muxu, avolja ħareġ ħafna kanzunetti matul il-karriera tiegħu f’dawn l-aħħar kważi 20 sena. Il-ġimgħa l-oħra daqqejt l-ewwel single maħruġa minnu, Honeymoon, wara li ħareġ l-album fit-13 ta’ Novembru 2025. Illum minn dan l-album għażilt dawn:

• Beautifully Lost
• Culture
• Do It For Myself
• Meditation

> Ara l-videos kollha tal-album Beautufully Lost ta’ Muxu fuq YouTube.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:37 — 77.7MB) | Embed

Subscribe: Apple Podcasts | RSS | More