Blog

Is-sensiela Mużika Mod Ieħor ma’ Toni Sant tkompli bis-738 edizzjoni li huwa t-tnax-il programm fil-ħames staġun għar-radju.

PARTI 1: Diski ġodda li ħarġu dan l-aħħar.

• The Busker – my Oh my
• Moira Stafrace – I Fell
• Martina Cutajar – Crying on the Dancefloor
• Marija Bellia – Nixtieq Kont Banana
• Lara Zammit – Ma’ Nżul ix-Xemx
• Matthew James – L-Aħħar Bidwi f’Wied il-Għasel

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Kif ħarbilna l-EP ta’ Luke Chappell? Diversi xhur ilu kien tħabbar il-ħruġ tal-EP House on Fire ta’ Luke Chappell – l-ewwel wieħed tiegħu. Id-data, li ngħatat ħafna ġimgħat qabel, kienet id-28 ta’ Ġunju 2025. Tfaċċaw żewġ siltiet minnu b’videos promozzjonali intant. Dawn kienu Turn on the Light u If ur Leavin. U naħseb kien hemm xi oħra qabel dawn ukoll. Ġunju ġie u mar u l-EP ħadd ma qalli li ħareġ. Issa ftit tal-granet ilu kont qed nindaga dwar dan kollu u sibt li l-EP ħareġ fl-1 ta’ Awwissu 2025; jew tal-anqas dik id-data li hemm fuq Spotify. Fih sitt siltiet b’kollox. Ferm aktar milli stennejt imma xorta mhux album, hux hekk?  Biex xieraq nisimgħu xi siltiet minnu qabel jaħarbilna kompletament:

• House on Fire
• Turn on the Light
• If ur Leavin
• Get Me So High

> Isma’ l-EP House on Fire ta’ Luke Chappell fuq Spotify

PARTI 3: L-album tal-lum huwa  L-Album Live tal-Cast Oriġinali tal-2024 ta’ Il-Każin tal-Imqarbin. Xi darba jew tnejn oħra biss kellna album li kien musical, jiġifieri xogħol teatrali mużikali, f’din il-parti ta’ MMI. Il-Każin tal-Imqarbin ta’ Luke Saydon ħareġ is-sena l-oħra meta oriġinarjament tfaċċatt il-produzzjoni teatrali. U issa, f’Settemrbu tal-2025, għax saret produzzjoni oħra ta’ dan il-musical, inħareġ album bir-recording tal-kanzunetti kollha mill-produzzjoni oriġinali. Il-ġimgħa li għaddiet daqqejt Ħames Minuti bil-vuċi ta’ Jamie Cardona, li ħarġet propju biex nippromwovi l-ħruġ ta’ dan l-album fit-12 ta’ Settembru 2025.  Minnu għażilt dawn is-siltiet illum:

• Kieku Taf – Luke Saydon, Raphael Pace + Ryan Grech
• Inviżibbli – Luke Saydon + Ryan Grech
• Ir-Raġel Normali – Luke Saydon, Raphael Pace + Ryan Grech
• Ħames Minuti – Jamie Cardona

> Isma’ L-Album Live tal-Cast Oriġinali tal-2024 ta’ Il-Każin tal-Imqarbin fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-737 edizzjoni li huwa l-ħdax-il programm fil-ħames staġun għar-radju.

PARTI 1: Diski ġodda li ħarġu dan l-aħħar.

• Alexandra Alden – Stonefruit
• Myles – L-Innu tal-Bikkej
• Jamie Cardona – Ħames Minuti (minn Il-Każin tal-Imqarbin)
• Lokko – Ma Jejdu Xejn
• Chris Lanzon – Yo-Yo
• Claudette Pace – Desire (2025)
• Nate Rope – e ve ry th ing i am

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Min hu Stephen Spiteri? Illum qed nagħmel xi ħaġa li rari għamiltha qabel waqt MMI: it-tieni u t-tielet parti jorbtu direttament ma’ xulxin, kompletament. Ħa nispjega ruħi. Is-sena l-oħra ltaqjt ma’ Stephen Spiteri f’ambjent akkademiku, fejn il-mużika ċertament li ma kienetx is-suġġett li ltqajna biex niddiskutu. Xi żmien wara din il-laqgħa tagħna s-sena li għaddiet, huwa kitibli biex jgħidli li għadu kemm ġabar diversi recordings tiegħu fuq CD tripplu, wara li ħeġġu jagħmel dan il-ħabib tagħna Michael Bugeja. U kien hekk li ftit tal-ġranet ilu, iltqajna filgħaxija ngħidu kelma u nixorbu xi ħaġa ħafifa flimkien, biex nitkellmu dwar dan il-proġett mużika ta’ Stephen Spiteri. Uħud mir-recordings, partikolarment dawk fuq it-tieni u t-tielet CD fil-kollezzjoni, imorru lura aktar minn 20 sena, u l-ħidma ta’ grupp My Aku Aku li fih kien hemm ukoll Pierre Galea u Andre’ Magri, kif ukoll il-kantant John Spiteri Gingell, Is-siltiet li qed nisimgħ f’din il-parti ta’ MMI illum, huma mixes ġodda ta’ uħud mis-siltiet li kien irrekordja dan il-grupp għat-tliet albums tiegħu: Ozymandias (2003), Spiral Vortex (2004) u Stories for Boys (2006)  Is-siltiet li għażilt jien huma dawn [li jidhru flimkien mas-sena tar-recording originali]:

• Listen to Your Heart [2006]
• A Sense of Presence [2006 – Flashing Lights remix]
• Giro di Vento (A Change of Wind)  [2006 – Centre of the Web remix]
• I Am Sound [2005]
• Some Day One Day [2004 – mużika ta’ Pierre Galea]

> Isma’ jew nizzel Plunge (A Live EP) ta’ Ben Mifsud Joslin fuq il-Bandcamp

PARTI 3: L-album tal-lum huwa The Sound of Tinkering ta’ Stephen Spiteri. Dan huwa s-CD tripplu li rreferejt għalih fit-tieni parti ta’ MMI illum. Għalkemm inħarġet edizzjoni limitata tiegħu bħala CD, dan l-album issibuh kollu permezz tal-YouTube u anke Soundcloud. U allura, skond YouTube, id-data tal-ħruġ hija t-23 ta’ Mejju 2025. L-album fih mużika li nkitbet u oriġinarjament kienet irrekordjata matul dawn l-aħħar 23 sena, partikolarment il-kontribuzzjonijiet tal-grupp My Aku Aku li fih kien hemm ukoll Pierre Galea u Andre’ Magri, kif ukoll il-kantant John Spiteri Gingell, . Iżda fl-ewwel CD insibu materjal strumentali rrekordjat interament minn Stephen Spiteri f’dawn l-aħħar tlett snin u ppreżentat f’din il-kollezzjoni bl-isem ta’ The Sound of Tinkering. Is-siltiet li għażilt għal din it-tielet parti ta’ MMI illum meħudin kollha minn dan l-ewwel CD f’din il-kollezzjoni:

• Celerity
• My Citadel
• The Colour Blue
• Time Slipping Through my Fingers

> Isma’ jew ara s-siltiet kollha mill-album tripplu The Sound of Tinkering ta’ Stephen Spiteri fuq YouTube.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 58:00 — 132.9MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-736 edizzjoni li huwa l-għaxar programm fil-ħames staġun għar-radju.

PARTI 1: Diski ġodda li ħarġu dan l-aħħar.

• Manwel T – Capricorn
• Cyberia – Demel tal-Pakkett
• James Dratta – Another Yesterday
• Lokko – Ma Jejdu Xejn
• Chasing Pandora – This is How
• Dizzy Goku – Letter to You

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’ħoss jagħmel Ben Mifsud Joslin meta jdoqq live? Din il-mistoqsija hija skuża biex nisimgħu l-EP li għadu kemm ħareġ Ben Mifsud Joslin fuq il-Bandcamp.  L-EP jismu Plunge (A Live EP) u ħareġ fid-29 ta’ Awwissu 2025. It-tliet siltiet li hemm f’din l-EP kienu rrekordjati waqt kunċert bl-isem ta’ Sound Sandwich, li sar bħala parti mill-wirja Pixels On A Picnic tal-artista Elisa von Brockdorff fl-iSplendid, fil-Belt Valletta, fi Frar ta’ din l-istess sena. Peress li l-EP fih biss għażla minn dak li ndaqq waqt il-kunċert imsemmi, jismu Plunge flok Sound Sandwich. U s-siltiet huma dawn:

• Wiggle Room
• Object Permanence
• Wied il-Għasri

> Isma’ jew nizzel Plunge (A Live EP) ta’ Ben Mifsud Joslin fuq il-Bandcamp

PARTI 3: L-album tal-lum huwa Punky Tonk ta’ Andre Camilleri. Wasal album ieħor mingħand dan il-kanta-awtur Malti-Awstraljan mill-aktar prolifiku. Dan huwa l-ħames album tiegħu din is-sena u diġa għandu ieħor lest li ħareġ ftit tal-jiem wara Punky Tonk, li ħareġ fil-15 ta’ Awwissu.  Apparti kollox, jiskantani dejjem bir-ritmu tiegħu fil-ħruġ tad-diski dan Andre Camilleri. Minn Punky Tonk għażilt dawn is-siltiet illum:

• Peace with Guns
• Sad Old Clown
• My 12 Year Old is Way Out of Line
• King of Rock ‘n Roll

> Isma’ jew niżżel l-album Punky Tonk ta’ Andre Camilleri fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 58:09 — 133.2MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-735 edizzjoni li huwa d-disa’ programm fil-ħames staġun għar-radju.

PARTI 1: Diski ġodda li ħarġu dan l-aħħar.

• Myles Azzopardi – Gratitude Song
• Mama Kin Spender – Dance with Me
• Dylan De Bono + Kristijan Volchev – Beautiful Waste
• Benji Cachia – The Voice of Merzouga
• Cyberia – Kaxxa
• Kapitlu Tlettax feat. Yanika u Federica –Tiftakar

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’qed jagħmel Timothy Garrett? Din mhux l-ewwel darba li Timothy Garrett sab ruħu s-suġġett tat-tieni parti ta’ MMI.  Din id-darba dan ġara għax fl-aħħar ġimgħat rajt diversi siltiet mingħandu jinħarġu permezz tal-Bandcamp, u ma fhimtx eżatt x’qed jiġri. Nara siltiet individwali, ippreżentati bħala parti minn EP jew album. U f’daqqa waħda donnu hemm 3 minn dawn il-kollezzjonijiet.  Allura llum qed indoqq xi siltiet minn waħda minnhom li nħarġet bl-isem ta’ Divergent Paths ftit tal-ġranet ilu, fit-22 ta’ Awwissu 2025.

• Memory of a Dog
• The Nothing Beneath the Nothing
• Patterns of Water

> Isma’ jew nizzel Divergent Paths ta’ Timothy Garrett fuq il-Bandcamp

PARTI 3: L-album tal-lum huwa midday ta’ Robert Farrugia. Mhux l-ewwel album tiegħu din is-sena u ċert li uħud mis-semmiegħa regolari ta’ MMI japprezzaw ħafna l-mużika li joffrilna Robert Farrugia fuq bażi regolari. Uffiċjalment maħruġ fit-22 ta’ Awwissu 2025, midday fih ħdax il-silta komposti bejn Diċembru tas-sena l-oħra u Marzu ta’ din is-sena. L-ispirazzjoni prinċipali jidher li kienet ħarġiet ta’ nhar ta’ Ħadd waranofsinnhar. Ir-ritratt ta’ siġra tal-larinġ meħud waqt waħda minn dawn il-ħarġiet jorbot sew mal-ħsejjes rilassanti li nsibu f’dan l-album. Minnu għażilt dawn is-siltiet:

• midday
• Cloudspotting
• Slow and Reversed
• Sunday Arp

> Isma’ jew niżżel l-album midday ta’ Timothy Garrett fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:05 — 135.3MB) | Embed

Subscribe: Apple Podcasts | RSS | More