Blog

Is-sensiela Mużika 21 tkompli bil-125 edizzjoni li huwa t-tmien programm fl-għaxar staġun.

PARTI 1: Diski ġodda li ħarġu dan l-aħħar.

• Red Electric – Time Flies
  
• Moira Stafrace – Shine
  
• Amber  – Għanja lil Ġużi
• The JoyGivers – Inti Biss
  
• Aidan – Juliette
• Lulu’ – Warmth
  
• Beck x Zack Walters – Heatwave

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: L-EP Another Problem Ahead ta’ Antares Flare. Il-ġimgħa li għaddiet daqqejt silta minn dan l-EP ta’ dan il-grupp internazzjonali u għedtilkom li kull okkazzjoni li jkolli nieħu gost ninkludi xi ħaġa mingħandhom, mhux biss għax il-mużika hija għall-gosti tiegħi imma ukoll minħabba li l-bassista tagħhom huwa Dean Montanaro. L-EP fih tliet siltiet li ħarġu waħda wara l-oħra kull nhar ta’ Ġimgħa ta’ dan ix-xahar ta’ Frar tal-2024. Id-data tal-ħrug tal-EP hija allura nhar il-Ġimgħa 23 ta’ Frar 2024.

• We Used to Sing
  
• Enraged Spitting Machines
  
• Another Problem Ahead
  

> Isma’ jew niżżel l-EP Another Problem Ahead ta’ Antares Flare fuq Bandcamp

PARTI 3: L-album tal-lum huwa Grandiloquence ta’ Stalko. Wara li l-ġimgħa li għaddiet daqqejtilkom siltiet mill-ewwel album ta’ Red Electrick, Vine Lady, xi ħadd issuġġerieli li nagħżel album ieħor minn xi snin ilu ta’ xi grupp li m’għandux attiv fix-xena mużikali. Kien għalhekk li għazilt l-ewwel album tat-trio Stalko li madwar 10 snin ilu kieku dominanti ferm fix-xena tal-mużika alternattiva f’Malta. Mike Stivala, Tim Ellis u Chris Cini kienu l-membri prinċipali ta’ dan it-trio. Magħhom kien jdoqqu mużiċisti oħra, speċalament fid-dehriet tagħhom live. Gradiloquence ħareġ f’Novembru tal-2012 b’kunċert grandjuż fl-Orpheum tal-Gżira li niftakar kont attendejt ma’ sieħbi Michael Bugeja. Wara dan l-album ħarġu ieħor jismu A Long Wave Goodbye f’April tal-2016 u, tal-anqas jien, ma smajt xejn aktar bihom wara dan. Illum għażlt dawn is-siltiet mill-ewwel album tagħhom:

• In A Hurry
  
• Oliver Twist
• Simone
• Il-Mara ta’ Fuq il-Bejt

> Isma’ ż-żewġ album ta’ Stalko fuq Spotify

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-124 edizzjoni li huwa s-seba’ programm fl-għaxar staġun.

PARTI 1: Diski ġodda li ħarġu dan l-aħħar.

• Kayati – Happy Birthday
  
• Nate Rope – Right Now
  
• Melchior Sultana – Arcade (Sole Aspect Records)
• ĠENN – A Muse (in Limbo) (Joon remix)
  
• Antares Flare – We Used to Sing
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Tislima lil Sammy Murgo (1936-2024).  Dan is-sassofonista Malti magħruf sew, speċjalment fix-xena tal-mużika jazz, ħalliena ftit tal-granet ilu, propju nhar it-Tlieta 6 ta’ Frar 2024 ta’ 87 sena. Sammy Murgo kien ilu attiv fix-xena mużikali sa minn ċkunitu, fis-snin ta’ wara t-Tieni Gwerra Dinjija. Oriġinarjament, l-istrumenti tiegħu ma’ kienx is-saxaphone iżda l-vjolin. Madankollu ma damx ma qaleb l-istrument, partikolarment fuq suġġeriment, biex ma ngħidux l-insistenza, ta’ mużiċist Amerikan li kien jaħdem u jgħix f’Malta bejn l-1937 u l-1953; dan kien jismu Robert Juice Wilson. Il-Murgu, kif kienu jsibuh b’affezzjoni kbira l-mużiċisti kollha li kienu jdoqqu miegħu matul is-snin, kien għadu attiv sa ftit tal-ġimgħat ilu, fejn kull nhar ta’ Ġimgħa kont issibu fil-każin ta’ Vilhena taħt il-loġġoġ tal-Furjana, fejn twieled u trabba. Ftit tas-snin ilu, Dominic Galea kien ipproduċielu album bl-isem ta’ Sammy’s Swing, u minnu għandna uħud mill-aħjar recordings tiegħu u fost dawk li qed indoqq fil-programm tal-lum biex infakkru lil dan il-mużiċist maħbub tant fix-xena tal-mużika lokali.

• Now’s the Time (Charlie Parker) – mill-album Sammy’s Swing (2016)
• The Nearness of You (Hoagy Charmichael) – mill-album Sammy’s Swing (2016)
• My Foolish Heart (Victor Young) – mill-kunċert f’Palazzo De La Salle (Frar 2023)

> Aqra aktar dwar Sammy Murgo fuq il-Wikipedija.

PARTI 3: L-album tal-lum huwa Vine Lady ta’ Red Electrick. Għażilt dan l-album illum għar-raġuni li r-Red Electric huma grupp li ilu u għadu jidher fl-għażla tas-semmiegħa ta’ Mużika Mod Ieħor fl-aħħar tas-sena s’issa.  Dan l-album huwa l-ewwel wieħed tagħhom u ħareġ fl-2010. Niftakar li kont attendejt it-tnedija tiegħu fil-Melita ta’ ħdejn San Anton; u jidhirli li dak għalaq jew tal-anqas bidel l-idejn minn dak innhar ‘l hawn. Insomma, ir-Red Elecktric dak iż-żmien kienu f’formazzjoni differerenti ferm minn dik tal-lum li anke l-mod kif tispelli l-isem tal-band inbidel. Fil-fehma tiegħi, aktar ħaġa li għad fadal simili huwa aspetti mill-ħoss tal-kitarra ta’ Peter Borg, li wara kollox huwa wieħed mill-fundaturi ta’ dan il-grupp. Minn Vine Lady għażilt li ndoqq dawn is-siltiet:

• Vine Lady
  
• Who the Heck is Rek?
  
• Jail Bail
  
• Pick up the Phone
• The End of It All

> Isma’ l-album Vine Lady ta’ Red Electrick kollu fuq YouTube Music.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-123 edizzjoni li huwa s-sitt programm fl-għaxar staġun.

PARTI 1: Diski ġodda li ħarġu dan l-aħħar.

• Shaun Farrugia – Chemicals
  
• Chess Galea – Girls Just Wanna
  
• Ġenn – Calypso (Goya Remix)
• Shismu – Wicked Games
• Oxygyn – Cloudmaker
  
• Ivan Grech + Faculty of Social Wellbeing / Fakultà għat-Tisħiħ tas-Soċjetà – (Let’s Get) High on Love
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Ir-riżultati tal-MMI 2023 Listeners’ Picks Poll li tħabbru fuq il-poddata ta’ Mużika Mod Ieħor nhar is-Sibt 3 ta’ Frar 2024.

Top Album: Aidan – This is Aidan

Top EP: Red Electric – In Our Blood

Top Overseas-based: Ġenn – Unum

Top Online Release: Lyndsay – Fireproof

Top Video bil-Malti: Tryst Arcane – Lura

Top Lyric Video: Krista Šujak – Stronger

Top Video [non-Maltese language]: Mikayla – One Day (For Real)

> Id-dettalji tad-diski u recordings oħra kollha innominati fil-poll tal-2022 issibhom permezz tal-wiki tal-M3P.

PARTI 3: L-album tal-lum huwa This is Aidan ta’ Aidan. Għażilt dan l-album għar-raġuni sempliċi li s-semmiegħa u segwaċi tal-poddati tiegħi ta’ Mużika Mod Ieħor għadhom kemm ivvutawh bħala l-album ippreferit tagħhom għall-2023. L-album ħareġ fil-31 ta’ Marzu tas-sena l-oħra, wara kontroversja dwar Aidan u l-Malta Eurovision Song Contest.  Nemmen li b’dan l-album huwa wera lil kulħadd li huwa ferm aktar minn sempliċiment parteċipant ta’ dak il-programm tat-TV segwit minn tant miljuni madwar id-dinja. Personalment nippreferi s-siltiet bil-Malti, anke meta l-Malti mħawwad mal-Ingliż, jekk mhux lingwi oħra ukoll, imma hemm diversi siltiet fl-album li huma tipikament Aidan:

• Naħseb Fik
  
• Ritmu
  
• Reġina
  
• Strawberry

> Isma’ u niżżel l-album Songs from Ulan Bator fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.