Blog

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-702 edizzjoni li huwa t-tieni programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Red Electric – Emotional Surgery
• Jas Rolyn – L8 Night
  
• Mariah Gerada  – Ciao Bella
  
• Manwel T – Warico
• Rheez. – Ġix Minuti
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

Bi tkomplija tal-lista ta’ personalitajiet mix-xena Maltija tal-mużika, spettaklu, u kultura, li ħallewna fl-2024, illum insellmu wkoll lil żewġ għannejja magħrufa sew – Frans Azzopardi ż-Żott minn Ħal Qormi (fit-28 ta’ Diċembru) u Fredu Abela ż-Żejtuni (fil-31 ta’ Diċembru) – kif ukoll il-kantant Joe Grech li miet fid-29 ta’ Diċembru 2024 fl-eta ta’ 90 sena.

> Ara lista sħiħa ta’ personalitajiet Maltin li mietu fl-2024  fuq il-Wikipedia

PARTI 2:  Liema kienu l-aktar lyric videos li spikkaw fl-2024? Inkomplu nduru l-kategoriji fis-sejħa għall-voti tagħkom għall-aktar diski u recordings oħra favoriti tagħkom tas-sena l-oħra. Wara l-albums il-ġimgħa li għaddiet, u l-videos (sew bil-Malti u sew le) qabel il-festi , illum imiss il-lyric videos. Fenomenu relattivament ġdid dan, tal-anqas fl-iskema tal-ivvotar ta’ Mużika Mod Ieħor; introduċejniha għall-ewwel darba fl-2022. Din is-sena hemm għażla vasta ta’ stili, kif ukoll taħlita sħiħa bejn kanunetti bil-Malti u oħrajn bl-Ingliż.  Il-votazzjoni miftuħa sal-aħħar ta’ Jannar:

> Ivvota għall-għażla tiegħek mill-2024 – qabel l-aħħar ta’ Jannar 2025.

PARTI 3: L-album tal-lum huwa Gargoyl ta’ Orami. Kif kellna l-okkazzjoni ngħidu f’edizzjonijiet oħra qabel din, Orami huwa proġett ta’ Mario Giordimaina. Kellna diversi siltiet oħra mingħandu, inkluż l-album Noises li ħareġ f’Jannar tal-2022. Dan il-ġdid ħareġ fil-15 ta’ Diċembru 2024, u ftit qablu kellna wkoll video għal waħda mis-siltiet fih li hija Empire of Filth. Minnu għażilt li ndoqq dawn illum:

• Gargoyl
  
• Empire of Filth
  
• Omen

> Isma’ l-album Gargoyl ta’ Orami fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-701 edizzjoni li huwa l-ewwel programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Shaun Farrugia – Crying Alone On A Saturday Night
• Patryk Cutajar – Zero
  
• Claire Tonna  – Awake (minn Held EP)
  
• Nick Morales – Stennieni (minn Imħabbatħabbat)
  
• Rene’ Mamo + Mark Tonna – Fil-Ħoss tar-Riħ
  
• Il-Majċa + Kiita C – Kollox Spiċċa
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

Fl-ewwel parti qed infakkru wkoll lil uħud mill-personalitajiet mix-xena Maltija tal-mużika, spettaklu, u kultura, li ħallewna fl-2024:

• Sammy Murgo (6 ta’ Frar)
• Cliff D’Ugo (16 ta’ Frar)
• Tony Agius [il-kantant] (4 ta’ Marzu)
• Monica Attard (5 ta’ Marzu)
• Joe Cutajar (7 ta’ Marzu)
• Pawlu Mifsud [biegħ tad-diski] (7 ta’ Marzu)
• Victor Tabone (13 ta’ Marzu)
• Vinny Vella (26 ta’ April)
• Joe Vella Bondin (18 ta’ Lulju)
• Mark Mallia (23 ta’ Lulju)
• Stephen Attard (17 ta’ Settembru)
• Charles Briffa (21 ta’ Settembru)
• Joseph Felix Cachia (1 ta’ Ottubru)
• Polly March (6 ta’ Ottubru)
• Terry L. Bencini (27 ta’ Ottubru)
• Lino Ferris (29 ta’ Ottubru)
• Sam Delceppo (20 ta’ Novembru)
• Ray Pitrè (28 ta’ Novembru)
• Charles E. Zammit (25 ta’ Diċembru)

> Lista sħiħa ta’ personalitajiet li mietu fl-2024 issibha permezz tal-Wikipedia

PARTI 2:  Liema kien l-aktar albums li spikkaw fl-2024? Issa li ftaħna s-sejħa għall-voti tagħkom għall-aktar diski u recordings oħra favoriti tagħkom tas-sena l-oħra, tajjeb li nkomplu naraw il-kategoriji waħda waħda. Qabel il-festi bdejna nagħtu ħarsa lura lejn l-aktar videos li spikkaw matul l-2024 biex eventwalment intom tkunu tistgħu tivvotaw għall-għażla tagħkom. Illum imiss li nagħtu ħarsa lejn l-albums tal-2024. Il-votazzjoni miftuħa sal-aħħar ta’ Jannar. :

PARTI 3: L-album tal-lum huwa Higher Ground ta’ Melchior Sultana. Il-ġimgħa l-oħra daqqejtilkom silta minnu dan l-album – Ghost, bil-vuċi ta’ Janelle Pulo. Is-siltiet huma xi ftit twal u allura għandi ċans biss insemma’ biċtejn minnhom. Dan l-album ta’ Melchior Sultana huwa t-tieni wieħed tiegħu matul l-2024. Underground kien ħareġ fi Frar li għadda filwaqt li dan il-ġdid ħareġ fil-5 ta’ Diċembru 2024 Minnu għażilt li ndoqq dawn illum:

• New Chapter
  
• Fly On the Wall

> Isma’ l-album Vinyl Paradise ta’ Vinyl Paradise fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-700 edizzjoni li huwa t-tlettax-il programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Matthew James – People
  
• Krista Šujak – words unspoken.
  
• Melchior Sultana feat. Janelle Pulo – Ghost (minn Higher Ground)
  
• The Crowns feat. Jimmy Tyrrell  – Out of Our Minds (minn breakupbeard)
• Damaged and Co. – Reflections
• Christine Dalli – Nella Fantasia
• Kapitlu Tlettax – Uġigħ Mistur
  
• One11 – Ruħ Twajba
  
• Liston – Idolu
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2:  Kif tiċċelebra 700 poddata ta’ Mużika Mod Ieħor? Bilkemm irrid nemmen li wasalna għas-700 poddata ta’ Mużika Mod Ieħor. Ħabtet eżatt mal-aħħar edizzjoni għall-2024, li huwa wkoll it-tlettax-il programm fit-tieni sensiela għar-radju fuq Campus 103.7. Mill-edizzjoni li jmiss mhux biss nibdew il-poddati għall-2025 imma nkomplu bit-tielet sensiela fuq Campus 103.7 kull nhar ta’ Ħamis filgħaxija. Aktar minn dan, però, f’Novembru tas-sena l-ġdida il-poddati ta’ Mużika Mod Ieħor ikun ilhom joħorġu 20 sena, u naħseb li għal dik l-okkazzjoni nagħmel xi ħaġa partikoli f’din it-tieni parti ta’ kif inhu mqassam l-andament ta’ Mużika Mod Ieħor issa.  Bħala mużika kommemorattiva, jekk dik hija l-kelma xierqa, għażilt 3 siltiet. Waħda mingħand l-iXtruppaw li kienu l-ewwel grupp li daqqejt waqt Mużika Mod Ieħor fl-2005 u ispirazzjoni kbira għalija dejjem. It-tieni hija diska li nqisha fost l-aktar favoriti tiegħi u li kieku ma kienx għall-poddati ta’ Mużika Mod Ieħor aktarx li qatt ma kont insir naf biha. U fl-aħħar għandi silta mill-aktar album riċenti ta’ The New Victorians – Ninni:  Album tal-Milied – li għażilt bħala l-album tal-ġimgħa fl-edizzjoni ta’ qabel din tal-lum.

PARTI 3: L-album tal-lum huwa Vinyl Paradise ta’ Vinyl Paradise. L-album tal-lum huwa wieħed xieraq tassew għas-700 edizzjoni tal-poddata. Id-diski ta’ 33 dawra u terz reġgħu ġew in voga sew fl-aħħar snin u din is-sena jidher ċar li qabdu sew. Il-grupp Vinyl Paradise indubjament għażel ismu b’rabta mal-element nostalġiku u l-moda tal-hipsters lejn dan il-mezz mill-aktar skomdu biex titwassal il-mużika. Ma rridx ninsma’ li jiena komplement kontra l-vinyl bħala mezz xieraq għat-tixrid tal-mużika. Imma r-raġuni tiegħi biex napprezza dan it-tip ta’ materjal plastiku għad-diski mhux il-kwalità suppost superjuri tal-ħoss li jwassal (għandi dubju serji dwar dan) imma aktar minħabba l-aspett preżervattiv. Irrid ngħid, recordings fuq il-vinyl nafu fiċ-ċert li jistgħu jibqgħu ppreservati talikwali għal bosta diċenji, u dan ma jista’ ningħad għal ebda format ieħor. Il-grupp Vinyl Paradise huma magħmul minn il-kantant u kitarrist Ben Bailey, il-perkussjonista Patrick Camilleri, u l-bassista Antoine Tonna, u l-vuċijiet li jakkumpanjawhom fl-isfond huma tal-aħwa Hannah u Amy Grech Pirotta. L-album ta’ Vinyl Paradise ħareġ fid-29 ta’ Novembru 2024 u minnu għażilt li ndoqq dawn illum:

• Easy On Me
  
• Like Never Before
• Another Thing Coming

> Isma’ l-album Vinyl Paradise ta’ Vinyl Paradise fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More