Blog

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-705 edizzjoni li huwa l-ħames programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Nick Morales – State of Mind
  
• Megan May – Love Me
  
• Luana Schembri  – Burn
  
• Philip Vella – Taħfirli?

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Xi siltiet laqtu lil Toni Sant fl-2024? Mhux soltu nagħti wisq attenzjoni lid-diski Maltin li l-aktar jolqtu lili. Dan anke għax aktarx nispiċċa nħalli aktar minn waħda barra, meta ma jkunx jixraq jiġri hekk. Irrid ngħid, regolarment ninkludi s-siltiet li jolqtuni waqt Mużika Mod Ieħor. Jew aħjar, rari ninkludi materjal li ma jolqotnix b’xi mod jew ieħor. Li qed nagħmel illum huwa li nagħżel żewġ siltiet li naħseb jixirqilhom aktar attenzjoni milli qed jirċievu permezz tal-voti tagħkom fuq id-diski u r-recording oħra li ħarġu fl-2024, li għadna qed nirċievu l-voti tagħkom fuqhom sal-aħħar ta’ Jannar. Dawn huma l-għażliet li qed nislet f’kull kategorija:

Maltin ibbażati barra minn Malta:

• TroffaĦamra – Qatt ma Ninsa
• Chess Galea – Prescription

Albums:

• Sean Borg – Terapija u Mħabba
  
• Simon Sammut – Visions of Transcendence
  

Videos bil-Malti:

• SterjoTipi – Destinazzjoni
• Kantera – Vjaġġ Sabiħ

Videos mhux bil-Malti:

• Gaia Cauchi – Cupid
• The Rifffs – Modern Society

Lyric videos:

• Mistura – Grazzi bil-Quddiem
• Avenue Sky – Eternità

Singles:

• Dean Muscat – Heart of the Med
• Kurt Kind – So Bored

> Ivvota għall-għażla tiegħek mill-2024 – qabel l-aħħar ta’ Jannar 2025.

PARTI 3: L-album tal-lum huwa Natura Maltija [official soundtrack] ta’ Robert Farrugia. Ilna nistennewh ġej diversi xhur, u uffiċjalment ħareġ fil-17 ta’ Jannar 2025, li effettivament jagħmlu t-tielet album Malti maħruġ din is-sena. L-istil tal-mużika huwa dak li drajna sew mingħand Robert Farrugia, anke jekk hawn għandu dimensjoni ġdid, jew miżjuda, għax din il-mużika hija miktuba għas-sensiela ta’ dokumentarji dwar in-natura Maltija maħduma minn Saviour Bonnici. Minn dan l-album  għażilt li ndoqq dawn illum:

• Tema
  
• Qabru
• Qarnita

> Isma’ jew niżżel l-album Natura Maltija [official sountrack] ta’ Robert Farrugia fuq Bandcamp

> Ara l-episodji kollha ta’ Natura Maltija minn Saviour Bonnici fuq YouTube

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-704 edizzjoni li huwa r-raba’ programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Vinyl Paradise – Can’t Go Another Day
• Gaia Gambuzza – Dancing With a Danger
  
• Bard  – Hold You Close
  
• Claire Tonna – Held
  

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Liema kienu l-aktar artisti Maltin ibbażati barra minn Malta li spikkaw fl-2024? Wasalna għall-aħħar kategorija fis-sejħa għall-voti tagħkom għall-aktar diski u recordings oħra favoriti tagħkom tas-sena l-oħra. Allura illum imiss dwar l-artisti Maltin ibbażati barra minn Malta.  Din il-kategorija hija sinonima mas-sejħa għall-għażliet tagħkom sa mill-ewwel edizzjoni fl-2006. Dan ifisser ukoll li dik ta’ din is-sena hija d-19-il edizzjoni ta’ din l-iskema ta’ vvotar biex naraw liema kienu l-aktar esponenti li spikkaw għalkom matul l-aħħar sena. Dawn uħud mill-artisti Maltin ibbażati barra minn Malta nnominati mill-2024:

> Ivvota għall-għażla tiegħek mill-2024 – qabel l-aħħar ta’ Jannar 2025.

PARTI 3: L-album tal-lum huwa Imħabbatħabbat ta’ Nick Morales. Qalulna li dan l-album ilu ġej 30 sena. Ċert li ilu ġej diversi snin, anke għax uħud mis-siltiet li hemm fih inħarġu minn dan il-kantawtur Malti f’dawn l-aħħar 3 snin jew ftit aktar. L-aktar ħaġa li laqtini fih personaliment hija t-taħlita ta’ silitiet bl-Ingliż ma’ dawk bil-Malti, u nħoss li Morales għandu ferm aktar x’joffri bil-Malti milli smajna mingħandu s’issa. Minn dan l-album li ħareġ fit-18 ta’ Jannar 2025 għażilt li ndoqq dawn illum:

• State of Mind
  
• You Don’t Call
  
• Stennieni
• People of the Sea
  

> Isma’ jew niżżel l-album Imħabbatħabbat ta’ Nick Morales fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-703 edizzjoni li huwa t-tielet programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Davinia Pace – Pearl Street
• Daryl Ebejer – Għalaq Għajnek
  
• Myles  – Din l-Art Ħelwa
  
• Kapitlu Tlettax – Pierre is-Cigar
  

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Liema kienu l-aktar singles li spikkaw fl-2024? Inkomplu nduru l-kategoriji fis-sejħa għall-voti tagħkom għall-aktar diski u recordings oħra favoriti tagħkom tas-sena l-oħra. Illum imiss is-singles.  Din il-kategorija konna waqqafniha fl-2015 għax ħassejt li ma kienx għadu jagħmel sens nitkellmu dwar singles. Issa, 10 snin wara, il-kategorija tirritorna, b’definizzjoni ġdid ta’ x’inhi single: kanzunetta li tagħha m’hemmx video u anqas lyric video iżda li tfaċċat fuq Spotify jew xi pjattaforma oħra waħedha l-ewwel (anke jekk il-video kultant jidher xi ġimgħat jew xhur wara), u anke jekk eventwalment kienet inkluża f’album. B’din id-definizzjoni ta’ single inkomplu nilqgħu l-votazzjoni tagħkom sal-aħħar ta’ Jannar. Dawn uħud mis-singles innominati mill-2024:

> Ivvota għall-għażla tiegħek mill-2024 – qabel l-aħħar ta’ Jannar 2025.

PARTI 3: L-album tal-lum huwa Ashes to Ashes ta’ Matthew James. Xi ħadd qalli li b’dan l-album tifhem għalfejn dan il-kantant u l-grupp Red Electric għażlu li ma jaħdmux aktar flimkien. L-album ħareġ fit-8 ta’ Jannar 2025, u allura effetivament huwa l-ewwel album ta’ din is-sena. Ħadt gost nisma’ l-biċċa l-kbira tas-siltiet li fih, anke jekk ma tantx impressjonajt ruħi bl-użu ta’ żewġ ismjiet minn diski ta’ David Bowie, li mhux covers. Laqatni l-aktar li hemm siltiet li gawdew ċertu popolarità matul is-sena l-oħra, u t-tiżwieqa ta’ kanzunetti bl-Ingliż u oħrajn bil-Malti. Minnu għażilt li ndoqq dawn illum:

• Ashes to Ashes
  
• Mhux Xorta
  
• Taħt Tapit
• Too Much
  

> Isma’ l-album Ashes to Ashes ta’ Matthew James fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

IVVOTA: MMI 2024 Listeners’ Picks Poll

L-għażliet jintlaqgħu sal-31 ta’ Jannar 2025.

Is-sensiela Mużika Mod Ieħor ma’ Toni Sant tkompli bis-702 edizzjoni li huwa t-tieni programm fit-tielet staġun għar-radju.

PARTI 1: Diski ġodda li ħarġu dan l-aħħar.

• Red Electric – Emotional Surgery
• Jas Rolyn – L8 Night
  
• Mariah Gerada  – Ciao Bella
  
• Manwel T – Warico
• Rheez. – Ġix Minuti
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

Bi tkomplija tal-lista ta’ personalitajiet mix-xena Maltija tal-mużika, spettaklu, u kultura, li ħallewna fl-2024, illum insellmu wkoll lil żewġ għannejja magħrufa sew – Frans Azzopardi ż-Żott minn Ħal Qormi (fit-28 ta’ Diċembru) u Fredu Abela ż-Żejtuni (fil-31 ta’ Diċembru) – kif ukoll il-kantant Joe Grech li miet fid-29 ta’ Diċembru 2024 fl-eta ta’ 90 sena.

> Ara lista sħiħa ta’ personalitajiet Maltin li mietu fl-2024  fuq il-Wikipedia

PARTI 2:  Liema kienu l-aktar lyric videos li spikkaw fl-2024? Inkomplu nduru l-kategoriji fis-sejħa għall-voti tagħkom għall-aktar diski u recordings oħra favoriti tagħkom tas-sena l-oħra. Wara l-albums il-ġimgħa li għaddiet, u l-videos (sew bil-Malti u sew le) qabel il-festi , illum imiss il-lyric videos. Fenomenu relattivament ġdid dan, tal-anqas fl-iskema tal-ivvotar ta’ Mużika Mod Ieħor; introduċejniha għall-ewwel darba fl-2022. Din is-sena hemm għażla vasta ta’ stili, kif ukoll taħlita sħiħa bejn kanunetti bil-Malti u oħrajn bl-Ingliż.  Il-votazzjoni miftuħa sal-aħħar ta’ Jannar:

> Ivvota għall-għażla tiegħek mill-2024 – qabel l-aħħar ta’ Jannar 2025.

PARTI 3: L-album tal-lum huwa Gargoyl ta’ Orami. Kif kellna l-okkazzjoni ngħidu f’edizzjonijiet oħra qabel din, Orami huwa proġett ta’ Mario Giordimaina. Kellna diversi siltiet oħra mingħandu, inkluż l-album Noises li ħareġ f’Jannar tal-2022. Dan il-ġdid ħareġ fil-15 ta’ Diċembru 2024, u ftit qablu kellna wkoll video għal waħda mis-siltiet fih li hija Empire of Filth. Minnu għażilt li ndoqq dawn illum:

• Gargoyl
  
• Empire of Filth
  
• Omen

> Isma’ l-album Gargoyl ta’ Orami fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More