You can now vote for your top picks from the 2024 music releases featured during the Mużika Mod Ieħor podcasts from last year in the following categories:
Top Album
Top Music Video (bil-Malti)
Top Music Video (non-Maltese Language)
Top Lyric Video
Top Single
Top Overseas-based Artists
You must vote on all SIX categories for your top picks to count.
You may only vote once – click the next button below to start voting. Scroll down!
Please note that you must vote on all the six categories on the poll for your picks to count…and spread the word though Facebook, Instagram, TikTok and/or other social media platforms.
This poll is open until 31 January 2025. You must vote on all SIX categories for your top picks to count.
Results will be announced during the first MMI podcast in February 2025.
PARTI 2: Kif tiċċelebra 700 poddata ta’ Mużika Mod Ieħor? Bilkemm irrid nemmen li wasalna għas-700 poddata ta’ Mużika Mod Ieħor. Ħabtet eżatt mal-aħħar edizzjoni għall-2024, li huwa wkoll it-tlettax-il programm fit-tieni sensiela għar-radju fuq Campus 103.7. Mill-edizzjoni li jmiss mhux biss nibdew il-poddati għall-2025 imma nkomplu bit-tielet sensiela fuq Campus 103.7 kull nhar ta’ Ħamis filgħaxija. Aktar minn dan, però, f’Novembru tas-sena l-ġdida il-poddati ta’ Mużika Mod Ieħor ikun ilhom joħorġu 20 sena, u naħseb li għal dik l-okkazzjoni nagħmel xi ħaġa partikoli f’din it-tieni parti ta’ kif inhu mqassam l-andament ta’ Mużika Mod Ieħor issa. Bħala mużika kommemorattiva, jekk dik hija l-kelma xierqa, għażilt 3 siltiet. Waħda mingħand l-iXtruppaw li kienu l-ewwel grupp li daqqejt waqt Mużika Mod Ieħor fl-2005 u ispirazzjoni kbira għalija dejjem. It-tieni hija diska li nqisha fost l-aktar favoriti tiegħi u li kieku ma kienx għall-poddati ta’ Mużika Mod Ieħor aktarx li qatt ma kont insir naf biha. U fl-aħħar għandi silta mill-aktar album riċenti ta’ The New Victorians – Ninni: Album tal-Milied – li għażilt bħala l-album tal-ġimgħa fl-edizzjoni ta’ qabel din tal-lum.
Xtruppaw – Dear Poni
Lejla Maltija – Il-Ġuvni Ħasan
The New Victorians – Stilla
PARTI 3: L-album tal-lum huwa Vinyl Paradise ta’ Vinyl Paradise. L-album tal-lum huwa wieħed xieraq tassew għas-700 edizzjoni tal-poddata. Id-diski ta’ 33 dawra u terz reġgħu ġew in voga sew fl-aħħar snin u din is-sena jidher ċar li qabdu sew. Il-grupp Vinyl Paradise indubjament għażel ismu b’rabta mal-element nostalġiku u l-moda tal-hipsters lejn dan il-mezz mill-aktar skomdu biex titwassal il-mużika. Ma rridx ninsma’ li jiena komplement kontra l-vinyl bħala mezz xieraq għat-tixrid tal-mużika. Imma r-raġuni tiegħi biex napprezza dan it-tip ta’ materjal plastiku għad-diski mhux il-kwalità suppost superjuri tal-ħoss li jwassal (għandi dubju serji dwar dan) imma aktar minħabba l-aspett preżervattiv. Irrid ngħid, recordings fuq il-vinyl nafu fiċ-ċert li jistgħu jibqgħu ppreservati talikwali għal bosta diċenji, u dan ma jista’ ningħad għal ebda format ieħor. Il-grupp Vinyl Paradise huma magħmul minn il-kantant u kitarrist Ben Bailey, il-perkussjonista Patrick Camilleri, u l-bassista Antoine Tonna, u l-vuċijiet li jakkumpanjawhom fl-isfond huma tal-aħwa Hannah u Amy Grech Pirotta. L-album ta’ Vinyl Paradise ħareġ fid-29 ta’ Novembru 2024 u minnu għażilt li ndoqq dawn illum:
Is-sensiela Mużika Mod Ieħor ma’ Toni Sant tkompli bis-699 edizzjoni li huwa t-tnax-il programm fit-tieni staġun għar-radju. Din hija edizzjoni speċjali għall-Milied tal-2024.
PARTI 2: Liema huma dawk id-diski tal-Milied xi ftit differenti din is-sena? Il-kurżità tal-lum hija dwar diski u recordings oħra maħruġa f’dawn il-ġranet li, tal-anqas fil-fehma tiegħi, huma xi ftit differenti mill-oħrajn. Nibdew il-kanzunetta maħruġa fuq it-tikketta tad-diski CAP Sounds bil-Ġermaniż mid-duo Bella Vista, filwaqt li f’Malta l-istess kanżunetta f’idejn Chan Vella u Alexia Vella Schembri hija interpretata minn Fabrizio Faniello bħala Wish Everyday Could Be Like Christmas. Apparti diski tal-Milied, f’dawn il-jiem ta’ festi tfaċċat ukoll kanzunetta oħra li faċilment nistgħu naħsbu li hija oħra tal-Milied. Qed nirreferi għal Qalb tad-Deheb, kliem ta’ Sean Buhagiar u mużika ta’ Dominic Galea, interepretata minn numru mdaqqas ta’ kantanti bħala ċelebrazzjoni tal-50 anniversarju ta’ Malta Repubblika fit-13 ta’ Diċembru 2024. U fl-aħħar għandna recording ġdid ta’ Silent Night (bl-Ingliż) minn Christine Dalli, li kellna okkazzjoni nismgħu l-vuċi sabiħa tagħha darb’ oħra waqt Mużika Mod Ieħor matul din is-sena. Dan arrangament orkestrali ta’ Patrick Hamilton u pubblikata minn Decca Publishing UK.
Bella Vista – Wienaht Zuhaus
Fabrizio Faniello – Wish Everyday Could Be Like Christmas
Artisti Varji – Qalb tad-Deheb
Christine Dalli – Silent Night
PARTI 3: L-album tal-lum huwa Ninni ta’ The New Victorians. Fl-aħħar waslet l-edizzjoni tal-Milied għal Mużika Mod Ieħor ukoll. Din s-sena għandna album tal-Milied…u wieħed mill-isbaħ, ikolli ngħid ukoll. Ħafna drabi l-għanjiet tal-Milied jaqgħu f’żewġ kategoriji: ordinarji/repetittivi jew attentati sinċiera li ma jirnexxux. Fortunatament hemm tal-anqas kategorija oħra, li hija dik ta’ għanjiet tal-Milied interpretati b’mod straordinarju. Ċertament l-album tal-Milied ta’ The New Victorians jidħol f’din il-kategorija. L-album kien irrekordjat live fil-Kappella ta’ Bir Miftuħ, mingħajr udjenza, u nħareġ fuq Spotify fl-14 ta’ Novembru. Apparti żewġ videos fuq YouTube ta’ siltiet minnu, kellna nistennew sa ftit tal-jiem ilu biex ikun disponibbli ukoll f’verżjoni vinyl. Minnu llum għażilt dawn:
PARTI 2: Liema kien l-aktar videos Maltin (mhux bil-Malti) li spikkaw fl-2024? Wasalna lejn tmiem sena oħra, u allura, kif nagħmlu kull sena f’Mużika Mod Ieħor, nibdew nagħtu ħarsa lura lejn l-aktar diski u recordings oħra li spikkaw matul is-sena biex eventwalment intom tkunu tistgħu tivvotaw għall-għażla tagħkom. Il-votazzjoni tiftaħ hekk kif tispiċċa s-sena. Illum inkomplu billi nistgħu siltiet minn uħud mill-aktar videos Maltin (mhux bil-Malti) li spikkaw matul l-2024:
Anthea – ok ok ok
Cora – Love Me
Hannah – Birdsong
Stephen Galea feat. Grace Debono The Place Where No One Cries
Nicole Magro – October Dreams
Benny Blue – Happier Now
Lighthouse – Ghost of the Blues
Kodin – It’s Alright
Damaged & Co. – Reflections
Eddie Fresco – Loaded Gun
Ben Miller – Blessed
Ħelwa – Sold Cheap
Owen Leuellen – Can’t Be Stopped
Geo Debono – Stolen In The Night + Timeless Romance
PARTI 3: L-album tal-lum huwa Nordterra ta’ Glen Montanaro + Walter Vella. Fl-aħħar edizzjoni ta’ Mużika Mod Ieħor inkudejt is-silta L-Aħħar Bidwi minn dan l-album li ħareġ fid-29 ta’ Novembru 2024. Din il-kollaborazzjoni bejn dawn iż-żewġ mużiċisti Maltin hija staordinarja mhux biss għax huma minn żewġ ġenerazzjonijiet differenti, mifrudin bi tnejn oħra bejniethom, imma wkoll għax magħhom għandhom jakkumpanjawhom żewġ mużiċisti Daniżi, li huma l-bassista Kenneth Dahl Knudsen u d-drummer Carsten Landors. Is-siltiet fih huma xi ftit itwal minn kanzunetti kif spiss ikollna f’din it-taqsima, u allura qed ninkludi dawn it-tnejn:
You can now vote for your top picks from the 2024 music releases featured during the Mużika Mod Ieħor podcasts from last year in the following categories:
