Blog

Is-sensiela Mużika Mod Ieħor ma’ Toni Sant tkompli bis-717-il edizzjoni li huwa r-raba’ programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Stephanie Sant – Ikaru
• Aicha Xixa – Illejla
• Andre Camilleri – No Tears Left to Cry
• Chess Galea – Falling Knives
• Devil’s Breath – Nyau Initiation

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Min hu SWAN? Nista’ ngħidilkom mill-ewwel li t-tweġiba għal din il-mistoqsija hija sempliċiment: m’għandix idea. Sirt naf bil-mużika ta’ SWAN permezz tal-klassifika tal-Aqwa 10 f’Malta ta’ Jake Cuschieri fuq il-Bay 89.7 ftit tal-ġimgħat ilu, għax kienu qed idoqqu d-diska l-aktar riċenti tiegħu. Għandu diversi silitiet fuq il-pjattaformi prinċipali (Spotify, Soundcloud, YouTube u hekk) imma ftit li xejn aktar tagħrif dwaru. Illum qed indoqq dawn…

• Makes Me Fly
• Origins
• Time [Extended mix]
• Escape from You

> Isma’ l-mużika ta’ SWAN fuq Spotify.

PARTI 3: L-album tal-lum huwa Melita: Maltese Piano Music ta’ Charlene Farrugia. Il-ġimgħa l-oħra daqqejt silta minn dan l-album tal-pjanista Maltija Charlene Farrugia. Fih hemm kompożizzjonijiet għall-pjanu minn 4 kompożituri Maltin li huma Charles Camilleri, Carmelo Pace, Carlo Diacono, u Josie Mallia Pulvirenti. U allura għażilt li llum indoqq waħda minn ta’ kull kompożitur:

• 4 Bagatelles: No 4. Vivo – Largo – Vivo (Pace)
• African Dreams: III.Experience of Conflict (Camilleri)
• Fantasie Impromptu (Diacono)
• Impressione Simfonica (Mallia Pulvirenti)

> Isma’ l-album Melita ta’ Charlene Farrugia fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-716-il edizzjoni li huwa t-tielet programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Outbound – Nothing Comes Easy
• Rita Pace ma’ Renè Mamo – Illum
• Andre Camilleri – Tumbleweed (minn Evil Gnome of Doom Vol.3)
• Kapitlu Tlettax ft. Ema Vella + Liston – Ħsibijiet
• Pamela Bezzina – Perfett
• Charlene Farrugia – African Dreams: I. Hymn to Morning
  
• Melbourne Ska Orchestra – Walls of Jerico

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  X’inhi d-differenza bejn album u EP? Din il-mistoqsija titfaċċa quddiemi regolarment kull tant żmien. Hemm diversi tweġibiet u mhux se noqgħod nidħol fihom illum.  Minflok se ndoqq xi siltiet mill-EP ġdid ta’ Fake Ophelia li jismu Rest, Sir Snock. Dan l-EP fih sitt siltiet li huma verżjonijiet irrkordjati bil-voice memo tal-mobile ta’ Luke Scerri, li huwa l-artist Malti bbażat Berlin li jirrekordja bl-isem ta’ Fake Ophelia. Dawn is-sitt siltiet huma kollha kanzunetti tal-kantawtur Amerikan Michael Hurley li miet fl-1 ta’ April 2025, fl-età ta’ 83 sena. Michael Hurley kien magħruf ukoll bħala Elwood Snock, Doc Snock, Snockman, The Snock, jew Snock. Dan allura, huwa tislima minn Fake Ophelia lil dan il-kantawtur li kellu karriera twila li bdiet fix-xena tal-mużika folk fi Greenwich Village, New York, fil-bidu tas-snin 60.

> Isma’ jew niżżel l-EP Rest, Sir Snock ta’ Fake Ophelia fuq Bandcamp.

PARTI 3: L-album tal-lum huwa Mostly Slow Tunes ta’ Sandro Zerafa. Dan huwa wieħed minn żewġ albums li ħareġ Sandro Zerafa nhar il-Ġimgħa 28 ta’ Marzu 2025. L-ieħor jismu Limestone, u kien l-album tal-ġurnata fl-edizzjoni tal-ġimgħa l-oħra ta’ MMI. Fih Sandro Zerafa jinterpreta numru ta’ standards fuq il-kitarra waħdu Minnu llum għażilt dawn is-siltiet:

• A Fellow Needs a Girl 
• Painted from Memory
• I’m Getting Sentimental Over You 
• Never Will I Marry

> Isma’ jew niżżel l-album Mostly Slow Tunes ta’ Sandro Zerafa fuq Bandcamp .

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:45 — 136.9MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-715-il edizzjoni li huwa t-tieni programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• Karm Debattista mssp – Shalom
• Michael Azzopardi – Malju
• Ros – Irrid Ninsik
• Mariele Zammit – Staġuni u Mewġ
• Maria Zahra Brincat – Dak Li Hemm fil-Qalb
• Bruda – Nisa tal-Lejl

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Xi ħoss tagħmel live il-Melbourne Ska Orchestra? Kellna diversi drabi nisimgħu mhux biss il-Melbourne Ska Orchestra waqt Mużika Mod Ieħor matul is-snin, imma wkoll lil Nicky Bomba u ħuħ Michael Caruana, li huma membri prominenti ta’ din il-banda. Tkellimna darb’ oħra dwar kif bdew ma’ missierhom Nikol kważi 50 sena ilu fl-Awstralja bħala The Fugitives. Illum għażilt li ndoqq silta minn recording li sar waqt il-Bali Spirit Festival 2024, fejn mhux biss jibbrilla Nicky Bomba bħala l-mexxej tal-Melbourne Ska Orchestra, imma nistgħu nisimgħu ukoll għalfejn jagħmlu tant suċċess kull meta jidhru bil-kanzunetti u siltiet mużikali tagħhom.

> Ara lill-Melbourne Ska Orkestra Live waqt il-Bali Spirit Festival 2024 fuq YouTube.

PARTI 3: L-album tal-lum huwa Limestone tas-Sandro Zerafa Quartet. Dan huwa wieħed minn żewġ albums li ħareġ Sandro Zerafa nhar il-Ġimgħa 28 ta’ Marzu 2025. L-ieħor jismu Mostly Slow Tunes, u jkun l-album tal-ġurnata fl-edizzjoni li jmiss ta’ MMI. It-tliet mużiċisti l-oħra ta’l-kwartet ta’ Sandro Zerafa f’dan ir-recording ta’ tmien siltiet oriġinali ġodda li sar f’Pariġi huma Noé Huchard, Yoni Zelnik and Francesco Ciniglio. Minnu llum għażilt dawn is-siltiet:

• The Rufus Thing
• The Weight of Shadows
• Serendipity

> Isma’ jew niżżel l-album Limestone ta’ Sandro Zerafa fuq Bandcamp .

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-714-il edizzjoni li huwa l-ewwel programm fir-raba’ staġun għar-radju.

PARTI 1: Diski ġodda li ħarġu dan l-aħħar.

• The Crowns – Amy
• Red Electric feat. Chasing Pandora – Fragile
• Sandro Zerafa – A Fellow Needs a Girl
• Toby Farrugia – Where Are You Now?
• Angelcrypt – Through Blackened Waters
• Jamie Cardona – Stajna Konna Aħna

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Xi ħoss jagħmel Dyż-lokazzjoni ta’ Child?

Ftit li xejn naf dwar Child ħlief li jidher li hija persuna Maltija li tgħix Londra, imma jista’ jkun li għandi żball. Dan l-aħħar, fil-21 ta’ Marzu 2025, biex inkunu aktar preċiżi, ħarġet l-EP Dyż-lokazzjoni. Minnu diġa kont daqqejt is-silta Qalbi li ħarġet diversi ġimgħat qabel l-EP fuq il-Bandcamp. U issa li għandna l-EP xtaqt naqsam il-ħames siltiet li fih magħkom.

> Isma’ jew niżżel l-EP Dyż-lokazzjoni ta’ Child fuq Bandcamp.

PARTI 3: L-album tal-lum huwa Tfal tax-Xemx minn Michael Azzopardi. Imgeżewer f’ħafna misteru qabel tfaċċa, l-album il-ġdid ta’ Michael Azzopardi tfaċċa nhar il-Ġimgħa 28 ta’ Marzu 2025. huwa album ta’ mużika delikata fuq temi relattivament naive, jew tal-anqas hekk jinħassu meta tisma’ s-siltiet li fih l-album għall-ewwel darba.  Minnu llum għażilt dawn is-siltiet:

• Amerikanata
• Fossili
• Qajjimni
• Kutrumbajsa
• Malju

> Isma’ l-album Tfal tax-Xemx ta’ Michael Azzopardi fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More