Mużika 21 – numru 088

Is-sensiela Mużika 21 tkompli bit-88 edizzjoni li huwa l-għaxar programm fis-seba’ staġun.

PARTI 1: Diski ġodda li ħarġu dan l-aħħar.

• Julie Pomorski X Kapitlu Tlettax – Wiċċ b’Ieħor
  
• The Travellers – Jum Ġdid
  
• Cher Camilleri – Qalbi Tibkix (minn Semgħat id-Daqq)
  
• The Bride – Ħallikom! (Marton ‘Saħħar’ Saliba u Rita Pace)
  
• Ben Miller –  Number 1
  
• Melchior Sultana – Keep Pushin (minn Bring The Soul Back)

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Dana McKeon mill-ġdid:  It-tema tal-programm ftit aktar minn sena ilu kienet din il-kantawtriċi Maltija bbażata fir-Renju Unit għal bosta snin, anke jekk aktar riċenti jidher li qed tkun ħafna fi Franza. Illum mill-ġdid diversi siltiet mingħandha wara li qrajt fuq Loveinmalta.com li diversi kanzunetti tagħha ġew inkluża f’sensielet ta’ Netflix bħal – Too Hot To Handle, Insationable, Perfect Match, u Toy Boy:

• Let Me Be Your Light
  
• I Don’t Want to Lose You
  
• Tug of War (ma’ Joe Bermudez – inkluż remix ta’ Matt Caseli)
  

PARTI 3: L-album tal-lum huwa Schematics ta’ Sound Synthesis. Dan l-album ħareġ fl-14 t’April 2023 fuq id-ditta tad-diski Ingliża Gated. Keith Farrugia huwa l-artist Malti li jirrekordja b’dan l-isem ta’ Sound Synthesis u huwa wieħed mill-aktar prolifiċi fix-xena tal-mużika elettronika minn Malta. Dan l-album ħareġ ukoll f’edizzjoni vinyl, f’album doppju propjament minħabba t-tul tiegħu – fih disa’ siltiet pjuttost twal. Minnu llum għażilt li ndoqq dawn:

• Ambient Talk
  
• All Night
  
• It Gets Better in the End
  
• 140BPMadness

> Isma’ jew akkwista dan l-album Schematics ta’ Sound Synthesis fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.