Is-sensiela Mużika 21 tkompli fit-tielet staġun tagħha bl-34 programm.
PARTI 1: Diski godda li ħarġu fl-aħħar ġimgħat…
Bitterside – Future
Maxine – Lie Lie
Toby, Armani & Destiny – Pump Up The Jam
Aidan – Ritmu (acoustic)
The JoyGivers – Baħar Jaqsam
Glen Montanaro + Xhud – Man of Gold
Id-dettalji tad-diski u recordings oħra kollha li ħarġu matul l-2022 issibhom permezz tal-wiki tal-M3P.
PARTI 2: X’ħoss jagħmlu Overdrawn? U x’sar minnhom? Qabel xejn, però, min huma Overdrawn? Overdrawn huwa trio jew forsi kwartet ta’ rock alternattiv minn Malta li s’issa qatt ma deher waqt is-sensiela ta’ poddati ta’ Mużika Mod Ieħor. Ir-raġuni għal dan hija li qatt ma tfaċċaw fuq ir-radar tiegħi qabel issa. Din stramba għax għandhom tliet siltiet fuq YouTube u waħda minnhom hija t-tip ta’ video li normalment ninkludi bla problemi ta’ xejn waqt il-poddati ta’ Mużika Mod Ieħor. Minn fuq Spotify sirt naf li Duncan Borg id-drummer and Nigel il-kantat u kitarrist ħolqu dan il-kumpless fil-bidu tal-2017, u ftit wara ingħaqad magħhom kitarrist ieħor li jismu Lazar. Eventwalment dan donnu sparixxa u floku (ma nafx eżatt) daħal Matthew Grech fuq il-bass. Flimkien irrekordjaw dawn it-tliet siltiet li semmejt fuq YouTube, li nsibuhom ukoll fuq Spotify. Ma nafux xi jmiss għalihom, imma mill-paġna tagħhom fuq Facebook jidhru li għadhom flimkien.
- Until I Go
- Sunshine (feat. Denise Buckle)
- Down
Tista’ tisma’ l-mużika ta’ Overdrawn fuq Spotify.
PARTI 3: L-album tal-lum huwa l-EP Peccadillos ta’ Banjo Lucia. Din il-kantanta Awstraljana diġà ltaqjna magħha drabi oħra sew waqt Mużika 21 kif ukoll fil-poddati ta’ Mużika Mod Ieħor. Il-konnessjoni tagħha ma’ Malta hija waħda familjali; ommha hija Mama Kin, jew ossija Danielle Caruana, kantawtriċi Maltija-Awstraljana li ġejja minn familja mużikali stabbilità ferm, inkluż rabtiet li jmorru lura sas-snin 40 tas-seklu l-ieħor. Peccadillos ħareġ għall-bejgħ fuq Bandcamp fis-6 ta’ Mejju 2022. Minnu għażilt tliet siltiet:
- Lion Boy
- Leave Again
- Last Song
Tista’ tisma’ jew takkwista l-EP Peccadillos ta’ Banjo Lucia fuq Bandcamp.
Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.