Blog

Is-sensiela Mużika 21 tkompli bit-62 edizzjoni li huwa l-għaxar programm fil-ħames staġun.

PARTI 1: Diski ġodda li ħarġu dan l-aħħar.

• Avenue Sky – Minn Taħt l-Ilsien
  
• Kantera feat. Hooli – Bil-Kelma t-Tajba
  
• Alex Alden – Love Was a Monster (demo)
• Bahjat – Together We’re Champions (Ole Ole Ole)
  
• Noog – Mos Deadly Pt 1
  
• Mizak x Amber Woods – Wait for You
  
• Wayne Grima – While My Heart Gently Weeps
  

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: Tislima lil Carmen Tanti tal-Greenfields. Nhar il-Ħamis l-1 ta’ Diċembru tħabbret għall-għarrieda l-mewt ta’ Carmen Tant tal-Greenfields fl-età ta’ 75 sena. Ma nkunux qed naseġaraw jekk ngħidu li Carmen hija leġġenda tal-kanzunetta popolari Maltija f’dawn l-aħħar 50 sena. Flimkien mar-raġel tagħha Joe u l-ħabib tagħhom Charles Bajada, hija fformat il-grupp Greenfields fl-1970. Flimkien huma pprovdew nifs ġdid għall-kanzunetta popolari bil-Malti sa ma miet Charles Bajada fl-1990. Carmen u Joe xorta komplew bħala duo u ssuktaw jikisbu popolarità sa żmienna, mibnija fuq dawk is-suċċess bikrin tas-snin 70 u 80.  Illum se nisimgħu 3 recordings b’tifkira ta’ Carmen Tanti mis-seklu 21:

• Ġejja d-Dagħjsa (mill-Konkors Kanzunetta Indipendenza tal-2013)
  
• Iż-Żmien Għaddej ma’ Bernie & Pod (minn Mużika Mużika tal-2021)
• Iż-Żmien Għaddej (verżjoni ta’ Nadine Axisa)
  

>  Aktar dwar il-Greenfields fuq il-wiki tal-M3P

PARTI 3: L-album tal-lum huwa l-aħħar wieħed għall-2022 mingħand Andre Camilleri. Dan jismu Layin’ Low u huwa t-tmien album li ħareġ dan il-kantawtur Malti-Awstraljan matul din is-sena. Għalkemm diġà jinstab fuq il-Bandcamp flimkien mal-albums l-oħra tiegħu, id-data uffċjali tal-ħruġ hija fl-lejliet il-Milied. Ma nistax nimmaġina li se jirċievi wisq attenzjoni dak in-nhar, u allura ħassejt li jkun xieraq li ndoqq xi siltiet minnu llum qabel ma jien ukoll nibda dieħel fl-ispirtu festiv:

• Layin’ Low
  
• Low Down Dirty Shame
  
• Here and Now
  
• Nothing But the Blues
  

> Isma’ jew niżżel l-album Layin’ Low ta’ Andre Camilleri fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bil-61 edizzjoni li huwa d-disa’ programm fil-ħames staġun.


PARTI 1: Diski ġodda li ħarġu dan l-aħħar.

• Juno Valdez – Pockets
  
• Drakard – Over
  
• Red Electric – Vampire
  
• Kevin Borg – Young at Heart
  
• Rheez – Can’t Be Us
  
• Rheez – Temporary Forever
  
• 1905 – m’Alla

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: Dopamine ta’ Lyndsay, live. F’edizzjoni riċenti ta’ Mużika21, dan l-album Dopamin ta’ Lyndsay Pace kien l-album tal-ġurnata fit-tielet parti tal-programm. Illum għażilt li t-tema tal-programm tkun propju r-recordings li saru live waqt it-tnedija ta’ dan l-album nhar l-20 ta’ Settembru li għadda, fl-Ivy House ta’ San Ġiljan, jew aħjar fis-Swieqi. Dak in-nhar Lyndsay kienet akkumpanjata mill-band tagħha. Dan l-istil t’akkumpanjament jgħiduli unplugged jew acoustic, imma fil-verità huwa sempliċiment 4 mużiċisti jdoqqu live, b’tal-anqas tnejn jew tleta minnhom ipplugjati sew bl-instrumenti elettriċi jew elettroniċi tagħhom. Insomma, hi x’inhi din żgur opportunità biex nisimgħu uħud mis-siltiet popolari tagħha f’verżjoni live mingħajr wisq xinxilli u effetti tal-produzzjoni:

• Booty Call
• Sick of Me
• That’s Love (feat Matt Blxck)
  
• Dopamine

>  Sib il-video ta’ dan il-kunċert kollu fuq YouTube

PARTI 3: L-album tal-lum huwa l-EP Skakkomatto  ta’ The i-Skandal li ħareġ fl-2006. Dan il-grupp Malti sfortunatament m’għadux jeżisti imma tal-anqas ħallielna recording tassew memorabbli b’siltiet tassew rappreżentattivi tal-ħoss li kienu joffru lis-segwaċi tagħhom ftit aktar minn 15-il sena ilu. Mis-sitt siltiet li fih, jiiena għażilt dawn:

• Como Estas?
  
• Għala?
• Living a Lie
• Adjectives

> Emmen jekk trid, xi siltiet minn dan l-EP Skakkomatto ta’ The i-Skandal għadhom jeżistu fuq il-MySpace, imma aktarx ma jaħdmux sew.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bis-60 edizzjoni li huwa t-tminn programm fil-ħames staġun.

PARTI 1: Diski ġodda li ħarġu dan l-aħħar.

• One Pixel Moon – Għalik
  
• Brikkuni – Insa
  
• Funky Monkey – Ir-Realtà
  
• Digby – Ifhmuni
  
• One11 – Ira (Doja Remix)
  
• Anthea – Say Too Much
• Gaia Cauchi – 11:11
• Luke Chappell – Don’t Forget Me

> Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

PARTI 2: Il-klarinett klassiku ta’ Jessica Ellul. Ili ftit biex invarja l-istili mużikali waqt dan il-programm. Ikun hemm min jaf jgħidli li diġà hemm varjetà kbira ta’ stili mużikali waqt dawn il-programmi.  Però rari inkludejt mużika orkestrali. U allura llum hekk se nagħmlu. Dan permezz ta’ xi siltiet mill-album Mewġa ta’ Jessica Ellul li ħareg madwar sentejn ilu. Ipprovajt insib l-album imma jidher li huwa disponibbli mkien ħlief fuq Spotify. Il-kompożizzjonijiet li fih jinkludu diversi minn kompożituri Maltin (eż: Charles Camilleri, Joseph Vella, Etienne Spiteri, u Ronnie Debattista), bħal m’huma dawn t-tnejn li qed ninkludi fil-programm:

• Adagio for Clarinet and String Orchestra ta’ Freddie Mizzi
• Mewġa ta’ Ray Sciberras

>  Isma’ l-album Mewġa ta’ Jessica Ellul kollu fuq Spotify

PARTI 3: L-album tal-lum huwa l-EP High Frequencies  ta’ Melchior Sultana. Tajjeb infakkarkom li Melchior Sultana huwa l-mużiċist Malti li jakkumpanja l-promos ta’ dan il-programm li jinsemgħu regolarment fuq Campus FM.  Insomma, dan l-EP l-ġdid ħareġ fil-5 ta’ Novembru u fih biss żewġ siltiet, fl-istil li issa drajna sew mingħand Melchior Sultana fuq it-tikketta Profound Sound Music.

• Manifest Your Vision
  
• Time Machine

> Isma’ jew niżżel l-EP kollu High Frequencies ta’ Melchior Sultana fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.