Blog

Is-sensiela Mużika 21 tkompli bil-102 edizzjoni li huwa l-ħdax-il programm fit-tmien staġun.

PARTI 1: Diski ġodda li ħarġu dan l-aħħar.

• Denise (Mercieca) – Forget Me (Not)
  
• Ivan Grech – (Let’s Get) High On Love
  
• Lulu’ – Jolly
  
• Mikiel Camilleri Haber  – Triq San Franġisk
  
• Nejc Kamplet – Deux Mignons for piano solo by Manoel Pirotta

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Fuq Profound Sound I.  Illum se nagħmel xi ħaġa li s’issa ma jidhirli li qatt għamilt f’din is-sensiela. It-tema tal-ġurnata se tkun maqsuma fuq żewġ programmi. It-tema hija diski ġodda mingħand artisti ġodda maħruġa fuq Profound Sound. Din hija ditta tad-diski li magħha hemm assoċjat b’mod l-aktar dirett Melchior Sultana. L-artisti li se nisimgħu mingħandhom huma Tony Paris u Simon Pulo. Ma naf kważi xejn dwar it-tnejn li huma, ħlief li llum se nibdew bl-EP Meditation ta’ Tony Paris li appartii remx ta’ Melchior Sultana li daqqejt riċentament fih ukoll dawn is-siltiet:

• Guided Meditation
• This Is My House
• Guided Meditation (Janelle Pulo Remix)

> Isma’ jew niżżel l-EP Meditation ta’ Tony Paris fuq Bandcamp

PARTI 3: L-album tal-lum huwa Ain’t Gonna Stray ta’ Andre Camilleri. Min isegwi din is-sensiela regolarment ċertament li jaf kemm hu prolifiku dan il-kantawtur Malti-Awstraljan b’konnessjoni Ġermaniża. Ain’t Gonna Stray huwa t-tieni album tiegħu din is-sena…u diġà ħareġ ieħor! Dwar l-ieħor nitkellmu darb’ oħra.  Illum se nisimgħu dawn is-siltiet minn dan l-album li ħareġ fl-24 ta’ Lulju 2023.

• Ain’t Gonna Stray
  
• Gonna Make It Through
  
• Long Time Dead
  
• Rock ‘n Roll Tragedy
  

> Isma’ jew niżżel l-album Triboulet ta’ Ara Lil Yoon fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bil-101 edizzjoni li huwa l-għaxar programm fit-tmien staġun.

PARTI 1: Diski ġodda li ħarġu dan l-aħħar.

• Mikayla – One Day (For Real)
  
• Joseph Refalo – Move
  
• Matt Blxck – OneTwoThree
  
• ONE11 x Zion Not Zeeyon  – Punches & Kicks
  
• Dylan De Bono – Better Now

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Dylan De Bono live.  Fil-25 ta’ Novembru tal-2022, Dylan De Bono ħareġ l-album tiegħu Loose Wire. Dan kont wassaltilkom diversi siltiet minnhom meta ħareġ. Aktar kmieni din is-sena, Dylan De Bono ħareġ video tas-show li kellu fil-Hoppy Hare tal-Mosta akkumpanjat minn grupp ta’ mużiċisti notevoli mix-xena lokali. Dawn kienu Nick Morales fuq il-kitarra, il-bassist Alan Portelli, Chris Mallia fuq id-drums u l-keyboards f’idejn Craig Saliba. Illum se nisimgħu siltiet minn dan il-kunċert ta’ Dylan De Bono live fil-Mosta minn ftit tax-xhur ilu.

> Ara l-kunċert ta’ Dylan De Bono fil-Hoppy Hare tal-Mosta fuq YouTube

PARTI 3: L-album tal-lum huwa Triboulet ta’ Ara Lil Yoon. Dan huwa l-ewwel album propja tal-grupp ibbażat f’Berlin li 3 mill-ħames membri tiegħu huma Maltin: Julian Wood, Francesco Nicastro, u Luke Cheree. Wara li smajna diversi siltiet mill-EP tagħhom Taste, inkluż anke żewġ siltiet irrekordjati live f’Berlin, issa fl-aħħar għandna dawn is-siltiet minn dan l-album ta’ Ara Lil Yoon li ħareġ fl-20 ta’ Awwissu 2023.

• Grotesque We Are
  
• Please Try Something Different
  
• I Don’t Remember You
  
• Taste

> Isma’ jew niżżel l-album Triboulet ta’ Ara Lil Yoon fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bil-100 edizzjoni li huwa d-disa’ programm fit-tmien staġun.

PARTI 1: Diski ġodda li ħarġu dan l-aħħar.

• One11 – Roll Up
  
• Kaya Gouder Curmi & Ike Mizzi – Fire
  
• Chess Galea – Un-Shy (Acoustic)
  
• Julie Pomorski – Dinja Oħra mill-EP Ħsieb
• Ara Lil Yoon – Samskara
  
• Tony Paris – Guided Meditation (Melchior Sultana Remix)

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Meditations ta’ Warren Galea.  Dan huwa l-album il-ġdid (it-tielet wieħed) ta’ dan il-kitarrist Malti. Dan mhux album regolari u għalhekk għażilt li ndaħħlu fit-tieni flok fit-tielet parti tal-programm. Dan mhux album regolari fis-sens li fih 23 silta li huma kollha improvizzati minn Warren Galea fuq kitarra waħdu. Huwa rrekordja l-parti l-kbira ta’ dawn is-siltiet waqt il-perjodu tal-pandemija fuq il-mobile tiegħu. Is-siltiet ivarjaw minn ftit sekondi sa 8 minuti u 49 sekonda. L-ismijiet tagħhom huma sempliċiment numru f’sekwenza sa 23 u d-data li fih sar ir-recording. Minnu għażilt dawn:

• No.3 – March 30th, 2021
• No.13 – September 6th, 2021
• No. 23 – March 1st,  2022

> Isma’ jew niżżel l-album Meditations ta’ Warren Galea fuq Bandcamp

PARTI 3: L-album tal-lum huwa Sun of Other Days ta’ Tryst Arcane flimkien ma’ Emanuel Portelli. Dan l-album mid-duo Alexia Baldacchino u Julian Grech f’kolloaborazzjoni mal-kitarrist Emanuel Portelli ilna nistennew ftit. Konna diġà doqna x’ħoss jagħmel permezz tas-silta Lura, diversi ġimgħat ilu. Ħareġ propju fl-istess ġurnata mal-EP Ħsieb ta’ Julie Pomorski fil-11 ta’ Awwissu 2023. Fiħ ħames siltiet b’kollox imma tnejn minnhom twal sew u allura qed indoqq dawn waqt il-programm tal-lum:

• Son of Other Days
  
• Lura
  
• Through Dimensions, Through Horizons

> Isma’ jew niżżel l-album Sun of Other Days ta’ Tryst Arcane fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.