Blog

Is-sensiela Mużika 21 tkompli bl-edizzjoni numru 112 li huwa s-tmien programm fid-disa’ staġun.

PARTI 1: Diski li ħarġu dan l-aħħar. 

• The Busker – Bulletproof
  
• Kill the Action – Mongol
• Ben Miller feat. Abire – End of Story
  
• Rheez. – URUS.
  
• TroffaĦamra y los Mechones – The Best Day of My Life
• Prisilla Psaila – F’Tarf l-Irdum

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: ĠENN Live at the Bookhouse. Min isegwi din is-sensiela regolarment jaf li x-xahar li għadda daqqejtilkom xi siltiet mill-album Unum tal-grupp Malti bbażat Brighton fir-Renju Unit ĠENN. Fil-verità ili ndoqqilkom siltiet minnu s-sena kollha għax ħarġu diversi singles, kif konna nsejħulhom qabel, biex jippromovuh ukoll matul ix-xhur ta’ qabel ma ħareġ.  Issa, Leona Farrugia u l-l-kumplament tal-grupp ĠENN għadhom kemm irrekordjaw 3 siltiet minn dan l-album live f’studio li jismu The Bookhouse li jinstab fix-xlokk (SE) ta’ Londra. It-tlett siltiet irrekordjati f’din il-live session huma dawn:

• A Reprise (That Girl)
• Days and Nights
• The Merchant Of

> Isma’ u ara li ĠENN idoqqu live fil-Bookhouse fuq YouTube

PARTI 3: L-album tal-lum huwa Mining the Hamam ta’ Peter Sant. Fil-programm tal-ġimgħa li għaddiet daqqejtilkom is-silta As the Fall Of li tiftaħ dan l-album li ħareġ fil-31 ta’ Ottubru 2023. Lil Peter Sant antikmanet nafuh jikkollabora mal-Hunters Palace u proġetti assoċjati magħhom pero eventwalment anke bħala artist solista, biex ngħidulu hekk. Mill-2021 però kellna wkoll il-kollaborazzjoni tiegħu mal-grupp Golden Psalms, li konna smajna album ġdid mingħandhom is-sena l-oħra.  Kumbinazzjoni għadhom kemm ħarġu album ġdid huma ukoll, u dan indoqqilkom xi siltiet minnu fil-programm li jmiss. Illum se nisimgħu xi siltiet oħra minn dan l-album il-ġdid ta’ Peter Sant, li l-ismijiet tagħhom donnhom jiffurmaw sentenza naqra surreali jew tal-anqas kemxejn assurda:

• Mustard Coloured
• Beanies Keep Time
• With German
• Kebabs Along A
• Road That Takes
• You There

> Isma’ jew niżżel l-album Dub Power ta’ Manwel T kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bl-edizzjoni numru 111 li huwa s-seba’ programm fid-disa’ staġun.

PARTI 1: Diski li ħarġu dan l-aħħar. 

• Chris Lanzon – 72 Days (live & acoustic)
  
• Kapitlu Tlettax feat. Christina – Nibqa’ Nammirak
• Aidan – Head & Mind
  
• Pete Molinari – Rolling the Dice
  
• Peter Sant – As the Fall Of (minn Mining the Hamam)
• Bangout feat. Paul Sky – Falling Star

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Antares Flare Remixes. Min isegwi din is-sensiela regolarment jaf kemm inħobb ninkludi l-mużika tal-grupp internazzjonali Antares Flare f’dawn il-programmi. Dan għax il-bassista Dean Montanaro huwa membru ta’ dan il-kumpless li tassew joffru ħoss frisk u differenti. U bħal li kieku l-mużika tagħhom ma kienetx cool biżżejjed diġà riċentament ħarġu wkoll diversi siltiet f’verżjoni remix. Illum se nisimgħu tlieta minnhom dawn ir-remixes ta’ Antares Flare:

• What’s Gonna Kill Me First? (XL Regular Remix)
• Mind Notice (Stellar Wave Remix)
• Bonsai Jungle (SofaTalk Remix)

> Isma’ jew niżżel ir-remixes ta’ Antares Flare minn fuq Bandcamp

PARTI 3: L-album tal-lum huwa Dub Power ta’ Manwel T. Dan huwa l-ewwel album dub ta’ Manwel Tabone mill-2011. Dub Power ħareġ fl-1 ta’ Novembru 2023. Apparti diversi siltiet relattivament ġodda maħduma bejn 2014 u l-2016, fih ukoll verżjonijiet dub ta’ tliet siltiet li nafu diġà mingħand Manwel T: “Boombastic Ska”, “The Amendment” and “Atlantis”. Se nisimgħu minnhom ukoll f’din it-tiżwieqa minn dan l-album ġdid tiegħu.

• Dub Power
• Serious Dub
• Boombastic Dub
• Atlantis
• Murderation

> Isma’ jew niżżel l-album Dub Power ta’ Manwel T kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bl-edizzjoni numru 110 li huwa s-sitt programm fid-disa’ staġun.

PARTI 1: Diski li ħarġu dan l-aħħar. 

• Myles – Die Like A Rock Star
  
• Owen Leuellen – Bad
• Gaia Cauchi – Why?
  
• Weeping Silence – Serpentine
• Mychael Bartolo Chircop – Tonight is Gonna Be The Loneliest (Måneskin cover) 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Il-covers ta’ Ċeska. Mhux soltu ninkludi kantanti li jkantaw kanzunetti ta’ kantanti barranin aktar minn kollox. Naturalment hemm eċċezzjonijiet għal dan u l-verżjoni ta’ Tonight is Gonna Be the Loneliest tal-Måneskin kif interpretata minn Mychael Bartolo Chircop hija l-aktar eżempju riċenti ta’ dan. Fil-programm tal-ġimgħa li għaddiet daqqejt Fallin‘ li originarjament nafuha mingħand Alicia Keys fil-verżjoni ta’ Ċeska li hija Francesca Busuttil. U llum għażilt li ndoqqilkom aktar siltiet ta’ Ċeska għax tassew għandha vuċi sabiħa, anke jekk tkanta kważi biss diski ta’ kantanti barranin. Minnhom għażilt dawn:

• Before He Cheats (Carrie Underwood)
• Only Love Can Hurt Like This (Paloma Faith)
• As the World Caves In (Matt Maltese)
• The Scientist (Coldplay)
• Ex’s & Oh’s (Elle King)

> Ara l-videos ta’ dawn u siltiet oħra minn Ċeska fuq YouTube

PARTI 3: L-album tal-lum huwa Melbourne Sentimental ta’ Andre Camilleri. Dan huwa t-tmien album ta’ dan il-kantawtur Malti-Awstraljan. It-tmien album ġdid li ħareg fl-2023. Kellna ċans nisimgħu siltiet minn tal-anqas ħamsa minnhom dawn matul ix-xhur li għaddew. U għalkemm dan tal-lum diġa daqqejtilkom silta minnu ftit ilu biex ngħidikom li ħareġ, illum se nisimgħu dawn is-siltiet minnu la darba għażiltu bħala l-album tal-ġurnata:.

• The Blues Coming On
• I Wish I Could Fly
• Stick Around
• My Old Friend the Blues

> Isma’ l-album sħiħ Melbourne Senitmental ta’ Andre Camilleri fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.