Blog

Is-sensiela Mużika 21 tkompli bil-134 edizzjoni li huwa r-raba’ programm fil-ħdax-il staġun.

PARTI 1: Diski ġodda li ħarġu dan l-aħħar.

• Cathy K – Inti Djamant
• Sound Synthesis – Music Love Eternity (minn Cosmic Dance)
• Gaia – Cupid
• Hannah Theuma – Birdsong
• Tarzna  – Gambetta (minn Fallakka)
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Claire Tonna live.  Minn żmien għal żmien, f’din il-parti tal-programm nagħżel li nwassal siltiet minn xi dehra live li tkun saret x’imkien partikolari. U hekk hu llum bil-mużika u l-vuċi ta’ Claire Tonna, f’recording li sar fis-Sala tal-Kavallieri f’Palazzo De La Salle fil-Belt fit-28 ta’ Frar li għadda. Dan kien waqt l-egħluq tal-wirja Through the Eye of a Needle ta’ Stefan Spiteri. Jakkumpanjha fuq il-pjanu hemm Tom Armitage. Apparti l-mużika u l-vuċi ta’ Claire Tonna, dik il-kamra hija spazju speċjali ħafna li fl-aħħar xhur kelli x-xorti nikteb dwarha fit-tul, l-ewwel fi ktieb biex jiċċelebra l-preżenza tas-Soċjetà tal-Arti f’Palazzo De La Salle, u aktar riċenti fil-magazine Treasures of Malta, maħruġ kull 3 xhur mill-Fondazzjoni Patrimonju Malti. Mill-kanzunetti li kantant Claire Tonna f’din is-serata xitwija, għażilt dawn:

• Unpoisoning
• The Woman I Love
  
• I Can’t Give You My Love

>  Ara u isma lil Claire Tonna tkanta aktar minn dan il-kunċert intimu fuq YouTube

PARTI 3: L-album tal-lum huwa Gatt Groove ta’ Sfera. Dan huwa l-ewwel album ta’ dan it-trio tal-mużika jazz magħmul minn Oliver Degabriele fuq il-kuntrabaxx, Ġużè Camilleri l-Bibi fuq id-drums, u Paul Giordimaina fuq il-pjanu. L-album ħareġ fil-bidu t’April tal-2024 waqt żewġ serati li saru fi Spazju Kreattiv. Flimkien ma’ Sfera fuq dan l-album iddedikat li Charles Gatt is-City – għalhekk Gatt Groove – jidhru ukoll is-sassofonista Carlo Muscat, it-trombonista  Żvediż Bertil Strandberg, kif ukoll il-kantanta Nadine Axisa. Minnu għażilt dawn is-siltiet:

• Sphere
• Dark Before Midnight
  
• Orion
  
• So Long Charles

> Isma’ l-album Gatt Groove ta’ Sfera fuq Spotify.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bit-133 edizzjoni li huwa t-tielet programm fil-ħdax-il staġun.

PARTI 1: Diski ġodda li ħarġu dan l-aħħar.

• Chess Galea – Girls Just Wanna (acoustic version)
  
• Charles Busuttil + Fabrizio Fedele – Time In A Bottle
• Andre Camilleri – Road to Hell (mill-album Hell Bound)
• Maria Zahra Brincat – Kull Par Għal Paru
• Sfera  – Hangin’ Around
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Min hu ElPaletti?  ElPaletti jidher li huwa l-isem attwali li qed jinħeba warajh Charlie Muscat il-Paletti. Dan il-kittarist Żejtuni huwa prolifiku ferm u ilu attiv fix-xena tal-mużika rock lokali tal-anqas mis-snin 80. Ħareġ għad ġmielu ta’ recordings tiegħu fuq Bandcamp, u jidher li ġabar ħames siltiet f’EP li jismu Forty Five in Process. Ħareġ eżattament fit-13 ta’ Frar 2024 u filfatt diġa kont daqqejt l-aħħar silta li tidher fuqu, li jisimha Haw.  Illum se nisimgħu l-4 siltiet l-oħra:

• Żewġ Spirti
  
• Let’s Start
  
• Żej Town
  
• Min Hu Barra Barra
  

>  Isma jew niżżel Forty Five in Process ta’ ElPaletti fuq Bandcamp.

PARTI 3: L-album tal-lum huwa Meta Jaqa’ l-Ħoss ta’ One11. Dan huwa album tassew impressjonanti mingħand One11, li huwa l-isem li jirrekordja bih ir-rapper C.J. Cordina. L-album ħareġ fl-4 t’April 2024 u fih 22 silta. Is-siltiet huma varjati ferm u għandu diversi kollaboraturi. Fl-istess waqt, ikolli ngħid li donnu hemm tema partikolari li tiżviluppa fl-album matul il-biċċa l-kbira tas-siltiet. Qisu tema ta’ ridenzjoni u tama ta’ ħajja ġdida. B’dan l-album qed inħoss li l-hiphop bil-Malti donnu daħal f’fażi ġdida ukoll, imma rrid nara sew x’jagħmel One11 wara dan l-album eċċellenti biex inkun ċert. Minnu għażilt dawn is-siltiet:

• Meta Jaqa’ l-Ħoss / Ħsibijiet fil-Fond
• Muftieħ
  
• Fejna l-Passjoni (ft. Zion not Zeeyon)
  
• Nitla Livell
  
• Naħseb Fik
  
• Qanpiena (ft. Lokko)
  
• Tgħaġġilx

> Isma’ l-album Meta Jaqa’ l-Ħoss ta’ One11 fuq Spotify.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-132 edizzjoni li huwa t-tieni programm fil-ħdax-il staġun.

PARTI 1: Diski ġodda li ħarġu dan l-aħħar.

• Brodu – Kung Fu Karate
  
• SterjoTipi – Ġranet Sbieħ
  
• Soular Plex – Count This
• Claire Marante – You Want Me
• Manwel T  – Rat Race Dub
  
• Different Light – A Fool’s Errand
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’inhu Scallop Studios?  Iltajt ma’ dan l-isem permezz ta’ YouTube riċentament. Ma niftakarnix narah qabel din is-sena, però fl-istess waqt kont kurjuż kif tfaċċali fuq YouTube. Wara ftit intbaħt li hemm involut Jason Spiteri wara dan l-isem. Jason Spiteri huwa xi ħadd li diġà kien suġġett tat-tieni part ta’ episodju ieħor f’din is-sensiela ta’ programmi…jew jekk mhux hekk, kienet l-intenzjoni tiegħi li jkun hekk. Projament kien deher fit-tielet parti tal-55 programm bil-ġabra tiegħu Artefacts of aimless musical experimentation f’Ottubru tal-2022.  Illum qed noffilkom dawn ir-recordings mill-kanal tal-YouTube ta’ Scallop Studios miġbura taħt l-isem ta’ The Birth of Scallop Studios, u apparti li hemm Jason Spiteri nvolut f’din il-mużika, ftit naf aktar minn hekk.

• Tale of the Dots in the Sky
  
• Reunited
• Contact
• When Stars Align
• Peace

> Ara the Birth of Scallop Studios fuq YouTube.

PARTI 3: L-album tal-lum huwa Soft and Clear ta’ Das Birthday Girl. Ma kontx qed nistennih dan l-album. Ħareġ kwiet kwiet nhar Ħadd il-Għid li għadda, fil-31 ta’ Marzu 2024. Kellna s-single Image minnu diversi xhur ilu, u tassew qed nieħu gost li għandna album sħiħ issa mingħand Martha Theuma li tirrekordja bħala Das Birthday Girl. Il-kollaboratur priniċipali tagħha fuq dan l-abum huwa Jimmy Bartolo. U għalhekk, l-album maħruġ fuq it-tikketta tad-diski Ultralow. Fuq Once Anew insibu wkoll lil Julian Grech fuq il-pjanu. Minnu għażilt dawn is-siltiet:

• There’s a World
  
• Pain and Joy
  
• I Thought
  
• Once Anew
• Image
  

> Isma’ jew niżżel l-album Soft and Clear ta’ Das Birthday Girl fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-131 edizzjoni li huwa l-ewwel programm fil-ħdax-il staġun.

PARTI 1: Diski ġodda li ħarġu dan l-aħħar.

• Bennie Blue – Happier Now
  
• Currant Daze – Out of Outlaws
  
• ONE11 – Toni Tagħna
  
• Kapitlu Tlettax  – Lilek Biss
  
• A Lily – Tħallinix (mill-album Saru l-Qamar)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Remixes tal-ĠENN. Minn żmien għal żmien jitfaċċaw remixes ta’ diski Maltin li jkunu ħarġu xi ftit qabel. Kultant, anke jekk mhux daqstant spiss, naraw ukoll EPs, jekk mhux albums sħaħ, b’dawn ir-remixes. L-aktar wieħed riċenti minn dawn huwa tal-grupp Ġenn, li tlett kwarti minnu magħmul minn artisti Maltin ibbażati fir-Renju Unit. Kellna żewġ remixes mill-album tagħhom Unum aktar kmieni din is-sena, u issa joħroġ l-EP bit-tielet remix ukoll.  Dawn huma r-remixes u llum qed indoqqhom kollha waqt il-programm:

• Calypso (Goya Remix)
• A Muse (Joon Remix)
• Le Saut du Pigeon (Grove’s Birdyboiler Remix)

> Isma’ jew niżżel l-EP bir-remixes ta’ ĠENN minn fuq Bandcamp.

PARTI 3: L-album tal-lum huwa Weġgħat Żgħar ta’ TroffaĦamra. Dan l-album ta’ TroffaĦamra ħareġ għall-bejgħ fl-aħħar ġimgħa ta’ Marzu, u l-kunċert tat-tnedija sar f’Ħaż-Żabbar fil-31 ta’ Marzu 2024, li mhux biss kien il-45 anniversarju ta’ Jum il-Ħelsien imma ukoll Ħadd il-Għid. Fl-album ma’ Ruth Abela hemm kollaboraturi, uħud minnhom huma mużiċisti mix-xena lokali, u fosthom hemm diversi li diġà kkollaborat magħhom matul il-karriera tagħha.  Minnu għażilt dawn is-siltiet:

• Kemm Int Sabiħa
• Qatt Ma Ninsa
• Tħannina
• Gżira Żgħira

> Isma’ jew niżżel l-album Weġgħat Żgħar ta’ TroffaĦamra fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.