Blog

 Is-sensiela Mużika Mod Ieħor ma’ Toni Sant tkompli bis-692 edizzjoni li huwa l-ħames programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Violent Violets – 2y (minn Tame Remix ta’ That bb)
  
• Patryk Cutajar – Burnt Endz
  
• Andre Camilleri – This World Will Break Your Heart
  
• Fake Ophelia – Spanish Drifter
  
• Cora – Love Me

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Kont taf li Kewn Records jinstabu fuq il-Wikipedija? Minn żmien għal żmien nitkellem dwar it-tikketti tad-diski Maltin, sew waqt MMI kif ukoll f’okkazzjonijiet oħra. U jidher li dawk l-okkazzjonijiet oħra issa jinkludu wkoll il-Wikipedija. Fl-aħħar jiem kont involut fil-ħolqien t’artiklu dwar il-Kewn Records. Issa l-biċċa hi li jiena anqas jien ċert 100% kif suppost tippronunzja Kewn, u naħseb li dak parti mill-iskop wara dan l-isem. Nick Morales, James Vella u Nicholas Bonello huwa l-persuni involuti direttament fit-tħaddim ta’ din it-tikketta li ilha għaddejja sa mill-2017 meta ħarġu casette b’għazla ta’ siltiet minn artisti Maltin li eventwalment ma nistgħux ngħidu li kollha komplew jaħdmu ma’ din it-tikketta; il-cassette kien jismu Being In Space and Time. Fost dawk li ħadmu sew mal-Kewn Records hemm BILA, the Areola Treat u Krishna. Oħrajn assoċjalti sew magħhom jinkludu 400PPM, Dalam u 5 Years from Now. Interessanti ukoll il-ħruġ mill-ġdid ta’ album u EP li oriġinarjament ħarġu biss fuq CD minn Dolls for Idols u Massacare House Party. L-album favorit tiegħi minn din it-tikketta tad-diski indubjament huwa Saru l-Qamar ta’ A Lily.  Illum għażilt li ndoqq dawn mingħand Kewn Records

• Ferret – Praxis
• The Areola Treat – Into My Shadow
• Dolls for Idols – Rave ‘n Roll
• A Lily – Ħajti Kollha, Qalbi

PARTI 3: L-album tal-lum huwa The Body Is Only Light ta’ Carlo Muscat. Dan huwa s-seba’ album tas-sassofonist Malti Carlo Muscat. Beda bħala proġett mużikali f’Kyiv meta l-Ukrajna kienet invaduta mir-Russja. Muscat kien diġà familjari ma’ dik il-belt għal xi snin u allura kien kważi naturali li l-affarijiet żviluppaw hekk għal dan l-album. Minkejja l-gwerra, dan il-mużiċist Malti issa huwa bbażat f’Kyiv.  Il-ħoss tas-sassofonu ta’ Carlo Muscat jispikka sew f’dan l-album, b’mod partikolari għax fil-biċċa l-kbira tas-siltiet miktuba minnu stess huwa akkumpanjat biss mid-drums (Dmytro Lytvynenko) u kuntrabaxx (Kostiantyn Ionenko). L-album ħareġ fil-25 ta’ Ottubru 2024 fuq it-tikketta tad-diski Amerikana Ears and Eyes Records. Minnu jien għażilt li ndoqq dawn illum:

• Totoro
• Holier
• Lisovyk

> Isma’ u/jew niżżel l-album The Body Is Only Light ta’ Carlo Muscat fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download (Duration: 59:00 — 135.2MB) | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-691 edizzjoni li huwa r-raba’ programm fit-tieni staġun għar-radju.

PARTI 1: Diski ġodda li ħarġu dan l-aħħar.

• The Rifffs – Oh No Dub (Manwel T remix)
  
• Matt Blxck X Erba’ – Ejja
  
• Matthew James (feat. Michela) – Under Pressure
  
• El Ferr – They Say!
• Franklin Calleja – Chains
  
• Mike Spiteri – Għidli
• Carlo Muscat – Holler (minn The Body Is Only Light)
  

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Xi ħsejjes fih l-EP For the Love of Pizza ta’ Ferret? Kultant il-kurżità tkun xi ħaġa li nista’ ninkludiha f’taqsima oħra kieku mhux għax tkun anomala, b’xi mod jew ieħor, fl-andament ta’ dak li nkun qed nagħmel jien. Hekk għażilt li nikklassifika l-EP tal-grupp Malti Ferret li jismu For the Love of Pizza. Naħseb ir-raġuni għal dan kien għax id-diriġenti ta’ Kewn Records, it-tikketta tad-diski li qed toħroġ dan l-EP, għażlet li toffi anteprima For the Love of Pizza b’mod li mhux spiss isir minn kull ħaddieħor li joħroġ xi EP jew album f’Malta. Allura, din tant hi xi ħaġa li napprezza jien, anke peress li dawn il-poddati nirrekordjhom diversi ġranet, u ġieli anke ġimgħat, qabel jixxandru fuq ir-radju li nkun nista’ ninkludi materjal ġdid eżatt kif ikun ħareġ għall-pubbliku. U filfatt l-EP tal-Ferret joħroġ uffiċjalment għall-pubbliku l-għada li dan il-programm jixxandar fuq Campus 103.7, jiġifieri nhar il-25 ta’ Ottubru 2024. Diġà daqqejtilkom is-silta Swamp Thing fl-ewwel parti tal-edizzjoni tal-ġimgħa l-oħra, u allura llum se nisimgħu siltiet l-oħra minn dan l-EP:

• Cheeki Breeki
• Big Machine
• Galactose Intolerant
• Praxis

PARTI 3: L-album tal-lum huwa Nowhere ta’ Andre Camilleri. Dan il-kantawtur Malti-Awstraljan spiss nisimgħu mingħandu għax huwa prolifiku ferm. Matul din is-sena biss, huwa diġà ħareġ ħames albums. Dan Nowhere huwa l-aktar wieħed riċenti u għalkemm għadu ma ħabbar xejn aktar s’issa, jaf anke ma jkunx l-aħħar wieħed għal din is-sena. Nowhere ħareġ fis-7 ta’ Settembru 2024 u għalkemm minnu għażilt li ndoqq dawn illum:

• Nowhere
• Endless Night
• Can’t Help It If I Tried
• Keep On Searching

> Isma’ l-album Nowhere ta’ Andre Camilleri fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-690 edizzjoni li huwa t-tielet programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Berne – Lost My Skin
  
• Fake Ophelia – Paint Sniffing Survivors
  
• Joon – Orqod (That BB Remix)
  
• Chess Galea – Boogeyman
  
• Storace – We All Need the Money
  
• Ferret – Swamp Thing (minn For the Love of Pizza EP)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’qed tagħmel Alexandra Alden? Kultant il-kurżità tkun waħda ordinarja tant li kważi stramba, jew eċċentrika. Bis-saħħa ta’ dak li għamlet f’Malta bl-X-Factor Alex Alden fuq perjodu ta’ żmien relattivament twil, ħafna nies jafu biha, jew tal-anqas jafu isimha. Imma kemm nies iseġwu x’qed tagħmel fl-Olanda, l-pajjiż li għażlet li tgħix fih meta telqet minn Malta xi ftit tas-snin ilu? Kultant żmien toħroġ xi diski, u għal dawk kurjużi bħali, minn żmien għal żmien tqarbinna ukoll b’recordings live li tkun għamlet. Illum għandna siltiet minn wieħed li għamlet fl-2023 u ħarġet fuq YouTube matul is-sajf ta’ din is-sena. Fih interpretat diversi kanżunetti li nafu mir-recordings tagħha, flimkien ma’ Jurriaan De Kok fuq il-kuntrabaxx, fil-Boijmans Depot ta’ Rotterdam, l-Olanda:

PARTI 3: L-album tal-lum huwa The Weight of it All ta’ Chasing Pandora. Dan l-album ilna nistennewh diversi ġimgħat, biex ma ngħidx xhur. Dan anke minħabba li nħarġu żewġ siltiet minnu bħala singles, u waħda minnhom se nisimgħuha propju fl-egħluq tal-programm illum. Personalment, ngħid id-dritt li qatt ma stennejt li kien ser ikollna recordings ġodda ta’ Chasing Pandora sa ftit ilu, wisq anqas album sħiħ. Dan l-album nħareġ fis-5 ta’ Ottubru 2024 u minu jien għażilt li ndoqq dawn illum:

• The Weight of It All
• Little By Little
• Pass You By
• Teatime

> Isma’ l-album The Weight of It All ta’ Chasing Pandora fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-689 edizzjoni li huwa t-tieni programm fit-tieni staġun għar-radju.

PARTI 1: Diski ġodda li ħarġu dan l-aħħar.

• 1905 – Fil-Ħolm
  
• Storace – Rock This City
  
• Damaged & Co. – Reflections
  
• Nicole Frendo x Matt Blxck – Red Light
  
• Sarah Bonnici – Love You Like That
  
• Geo Debono – Timeless Romance
  
• Tom Caruana feat. yU & Amy Turk – Fun
• DJ Mac & D Legacy – My Song

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’kien Peach Talk? Minn żmien għal żmien jitfaċċaw ismijiet fuq ix-xena mużikali li jidhru ftit (u kultant ħafna) għal żmien qasir, u wara ftit xhur ftit li xejn tisma’ aktar dwarhom. L-agħar huwa meta anqas issib wisq dwarhom online, avolja suppost li kienu xi ħaġa li ġibdet l-attenzjoni ta’ massess ta’ nies. Hekk inħoss li hu (jew kien) il-każ t’a Peach Talk. Trio li donnu ngħaqad barra minn Malta, possibilment fl-Ingilterra, ħareġ EP (fit-8 ta’ Marzu 2024) li minnu qed nisimgħu xi siltiet illum, kellu jdoqq waqt l-Earth Garden tal-2024 (imma d-dettalji dwaru tneħħew minn fuq il-website!) u ftit li xejn aktar minn hekk. Li naf biss aktar huwa li l-membri kienu Zack Walters u S-il (li naħseb li wieħed minnhom biss huwa Malti) u l-kantanta Maltija Ella Pullicino, magħrufa aħjar bħala Ella Puci. Daqqew xi gigs fl-Offbeat u l-EP jismu Silly Boy u minnu llum qed nisimgħu dawn is-siltiet:

• Pretend
• Silly Biy
• Make Me Feel
  

PARTI 3: L-album tal-lum huwa 1984–2024 tal-X-Tend. Dan l-album jiċċelebra 40 sena ta’ dan il-grupp popolari Malti permezz ta’ recordings godda ta’ uħud mill-aktar siltiet popolari tagħhom. Apparti 10 siltiet minn dan it-tip hemm ukoll 4 remixes ta’ dawk li effetivament kienu l-ewwel 4 suċċessi tagħhom fis-snin 80. L-album nħareġ fis-26 ta’ Settembru 2024 u miinu jien għażilt li ndoqq dawn illum:

• I Can Feel
• Midnight Sun
• Boys of Tomorrow (The Re-Mix)
• Big Boys Don’t Cry

> Isma’ l-album kollu X-Tend 1984–2024 fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More