Mużika Mod Ieħor – 797

Is-sensiela Mużika Mod Ieħor ma’ Toni Sant tkompli bis-797 edizzjoni li huwa s-tmien programm fl-għaxar staġun għar-radju.

PARTI 1: Diski ġodda li ħarġu dan l-aħħar.

  • Kevin Borg – Ommi
  • Philip Vella – Filgħodu
  • Albert Callus – Nhar ta’ Ħadd għax-Xatt
  • Moon Blossom – Ilsien l-Ilsir
  • Brikkuni – Nemel
  • Tash Sultana – Don’t Know Why

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

 

PARTI 2: X’inhu jagħmel Peter Borg?  Qed nirreferi għall-mużiċist li nafuh ukoll bħala l-kitarrist tar-Red Electic u mhux l-attur veteran magħruf sew għall-parti ta’ Karmnu ta’ Randu fil-Madonna taċ-Ċoqqa. Ili nosserva bosta siltiet mużikali ħerġin mill-istudio ta’ Peter Borg li jismu Railway. Fuq Spotify għandu playlist bil-produzzjonijiet tiegħu kollha, bosta minnhom miktuba minnu stess ukoll; trid xi 12-il siegħa biex tismagħha kollha!  Fost il-kantanti u mużiċisti li rrekordjaw miegħu insibu lil Auntie’s Yellow Sofa, Bee, Dario Genovese, Ema Vella, Ira Losco, Kayati, Luke Chappell, Moira Stafrace, Sandrina u bosta oħrajn. Għażilt ftit minnhom biex nimlew din il-parti tal-programm għal-lum:

  • Mychael Bartolo Chircop – One Thing
  • Sandrina – Stone
  • Ema Vella – Achikuku (Don’t Think About It)
  • Kayati – Tell Your Mama

> Isma’ l-playlist kollha ta’ Peter Borg fuq Spotify

Andrew Vella Zarb - Too Soon to Tell album cover art

PARTI 3: L-album tal-lum huwa Too Soon to Tell ta’ Andrew Vella Zarb. Dan huwa l-ewwel album ta’ dan il-kantawtur żgħażugħ. Andrew ġej minn familja mużikali. Oħtu hija Angie Vella Zarb li kellna ċans nisimgħu mingħandha diversi drabi u missieru huwa Jon Vella tal-Mirage li bosta jafuh ukoll wara xi mixing desk waqt tant attivitajiet mużikali u mhumiex. Hawn Andrew Vella Zarb joffrilna 12-il kanzunetta oriġinali mibnija fuq stil stabbilit aktar minn 50 sena ilu minn kantawturi famużi Ingliżi u Amerikani. Hu x’inhu nħoss li xorta hemm livell qawwi ta’ sinċerità fil-biċċa l-kbira tas-siltiet ta’ dan l-album li ħareġ fis-6 ta’ Novembru 2026.  Minnu llum għażilt dawn:

  • Kite
  • Since No One Was Listening
  • This Year
  • One Day When We’re Older
  • Behind

> Isma’ jew niżżel l-album Too Soon To Tell ta’ Andrew Vella Zarb kollu fuq Bandcamp

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Comments

Leave a comment…