Mużika Mod Ieħor – 734

Is-sensiela Mużika Mod Ieħor ma’ Toni Sant tkompli bis-734 edizzjoni li huwa t-tmien programm fil-ħames staġun għar-radju.

PARTI 1: Diski ġodda li ħarġu dan l-aħħar.

• Andrew Zammit –Will We Survive?
• Mat Rosales – Ejja Minn Hemm
• Charlie Busuttil + Fabrizio Fedele + Pino Ciccarelli – You Make My Dreams Come True
• Haley – Roses & Thornes
• Joe Demicoli – Meta Għidtlek
• Kiita C u l-Majċa – Mera tal-Passat

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  20 sena ta’ Mużika Mod Ieħor – it-tieni-parti. Wasal il-waqt li niftakru fl-20 anniversarju minn meta bdejt nipproduċi l-poddati ta’ Mużika Mod Ieħor. Fl-edizzjoni ta’ qabel din bdejna bl-ewwel parti ta’ din it-tifkira. Allura qed immorru lura għas-sajf tal-2005, eżatt qabel ma bdiet is-sensiela attwali ta’ Mużika Mod Ieħor, li fiha ili nippreżenta siltiet ġodda mix-xena mużikali Maltija għal dawn l-aħħar 20 sena. Illum se nisimgħu żewġ siltiet oħra li kienu fost l-ewwel provi biex jibda jixxandar materjal permezz tal-internet regolarment. Fl-ewwel xhur ta’ dawn ix-xandiriet, kont għadni ma pproponejtx li nibdew insejħulhom poddati. Dik il-kelma ġiet aktar tard, u tinsilet bl-istess mod ta’ bloggata għal blog post. Fl-ewwel provi jidher li kont għadni mhux ċert x’direzzjoni kienu se jieħdu l-poddati regolari, jekk hux kummentarju kulturali inkella għażla ta’ mużika lokali. Dik id-deċizzjoni kienet relegata għal madwar 3 xhur oħra.

• It-tielet prova – 23 ta’ Awwissu 2005
• Ir-raba’ prova – 24 ta’ Awwissu 2005 (+ blog)

> Ara d-dettalji tekniċi tal-poddati kollha ta’ Toni Sant sa mill-2005 fuq Blogspot

PARTI 3: L-album tal-lum huwa l-ġabra ta’ kanżunetta mill-Għanja tal-Poplu 2025. Aktar milli nikkummenta dwar id-49 edizzjoni ta’ dan il-festival, illum għażilt numru żgħir ta’ siltiet minnu li naħseb li xorta kienu jsibu posthom waqt xi edizzjoni ta’ Mużika Mod Ieħor kieku ma kienux parti minn dan ll-konkors ta’ kanzunetti. L-album issibuh fuq l-iSpotify u din donna xi ħaġa li organizzaturi issa aċċettaw bħala prassi flok il-ħruġ ta’ CD. L-album ħareġ fuq Spotifu fis-16 6a’ Lulju 2025, allura ħmistax qabel il-festival, u din, skont jien, ħaġa tajba. Minnu għażilt dawn is-siltiet:

• Rita Pace –Narakom l-Infern
• Danica Muscat – Karbet Ġaħan
• Daryl Jaymes – Aħfirli
• Lon Kirkop – Astronawta
• Avenue Sky – Bħal Aħwa
• Martina Fenech u Ishmael Grech – Perla

> Isma’ l-album kollu ta’ L-Għanja tal-Poplu fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 58:00 — 132.9MB) | Embed

Subscribe: Apple Podcasts | RSS | More