Blog

Is-sensiela Mużika 21 tkompli bis-47 edizzjoni li hija t-tmien programm fir-raba’ staġun.

PARTI 1: Diski ġodda li ħarġu dan l-aħħar…

Shaun Farrugia  – I Don’t Wanna Fall Asleep Yet

Michela – Lost in the Shadows

Myles Azzopardi – Going Over

One11 – Flight

Geo Debono x Toby Farrugia – Freedom of Love

Chris Birdd – Home Run

Chris Birdd – Be My Baby

Loathe & Sleep Token – Is It Really You

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Tislma lil Jesmond Tedesco Triccas (1963–2022). It-Triccas huwa magħruf l-aktar għall-verżjoni satirika bil-Malti ta’ Hotel California. Din ħaġa tajba, imma kważi ngħid ħasra, għax huwa kien ferm aktar minn dan il-kważi one hit wonder li indubjament se jibqa’ miftakar għalih fis-snin li ġejjin.  Ibda biex, Jes kien kitarrist versatili. F’żgħożitu daqq ma’ diversi bands relattivament underground, inkluz Prinz Eugene u Sing Sing, fost oħrajn, sa ma fforma d-duo Freeway ma’ Toni Vella. Il-Freeway kienu jispeċjalizzaw f’arranġamenti satiriċi ta’ kanzunetti Maltin popolari u kisbu suċċess l-aktar permezz tad-diversi dehriet tagħhom fuq it-television. Ironikament, dan kważi kważ jorbot ma’ dak li konna qed ngħidu l-aħħar edizzjoni ta’ M21 dwar Gejtu Kanta.

F’nofs is-snin disgħin it-Triccas daħal fix-xena tal-konkorsi tal-kazunetti, inkluż is-suċċess Issa, li kienet il-verżjoni bil-Malti tal-kanzunetta This Time ta’ William Mangion mill-Eurovision Song Contest tal-1993. Ħa sehem xi darbtejn oħra bħala kantant fil-Festval tal-Kanzunetta għall-Ewropa (1996 u 1997), u fl-1999 rebaħ il-festival l-Għanja tal-Poplu bil-kanzunetta Il-Karrakka ta’ Mario F. Caruana u Renato Briffa. Wara dan nistgħu ngħidu li l-karriera tiegħu fil-qasam tal-ispettaklu kienet iddedika kważi esklussivament għat-teatru (inkluż it-teatru mużikali) u d-drama fuq it-television. Jesmond Tedesco Triccas twieled fl-24 ta’ Jannar 1963 u miet fl-età ta’ 59 sena nhar l-Tlieta 9 ta’ Awwissu 2022.

• Lukanda Kalifornja (Earth Garden 2014 ma’ Xalata Rock)
  
• Kemmuna Airways għall-Ewropa
• Reach Out Your Arms
• Il-Karrakka

Aktar dwar Jesmond Tedesco Triccas fuq il-wiki tal-M3P

 

PARTI 3: L-album tal-lum huwa No Cure for the Blues ta’ Andre Camilleri. Dan huwa s-sitt album ta’ dan il-kantawtur Malti-Awstraljan. Iva, is-sitt wieħed din is-sena! Diġa kellna ċans nisimgħu materjal ieħor li ħareġ din is-sena stess waqt Mużika 21. Illum se niffokaw fuq dan l-album li ħareġ propju nhar Santa Marija fil-15 ta’ Awwissu 2022.  Minnu se nisimgħu dawn l-erbgħa siltiet:

• No Cure for the Blues
• Don’t Want It Anymore
• The Road Goes On And On
• I Must Have Been Out Of My Mind

Isma’ jew niżżel l-album No Cure for the Blues ta’ Andre Camilleri kollu fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bl-46 edizzjoni li hija s-seba’ programm fir-raba’ staġun.

PARTI 1: Diski ġodda li ħarġu dan l-aħħar…

Chess  – Take it Right Back

Brooke + Carlo Gerada – Love

Toby – Can’t Have You

One11 – Purpose

Bark Bark Disco – On the Dance Floor

ElderWater feat. Joe Cairney – Just to Make a Kill

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Gaetano Buttigieg kien wieħed mill-aktar kantanti Maltin li kienu popolari f’Malta fis-snin ħamsin u sittin tas-seklu l-ieħor. Il-biċċa l-kbira tal-kanzunetti tiegħu kienu verżjonijiet bil-Malti ta’ kanzunetti popolari Taljani, Ingliżi jew Amerikani. Il-popolarità tiegħu kisibha l-aktar permezz tar-Rediffusion. Aktarx li l-legat tiegħu baqa’ ħaj sal-lum għax huwa kellu familja kbira li għadha tkattar il-wirt kulturali tiegħu sal-lum. Issa, bintu Mary Anne Zammit, magħrufa sew fis-snin disgħin b’mod partikolari għall-kanzunettii għat-tfal, ħarġet album b’recordings li għamlet ma’ missierha fl-2002 propju sena u nofs qabel miet, fit-23 ta’ Frar 2004.

• Immorru għaż-Żrinġijiet
  
• Marċellino Ħobż u Nbid
  
• Rock ‘n Roll bil-Futbol
  
• Kampnari ta’ Malta

Isma’ jew niżżel l-album kollu Għanjiet Mumenti Ħelwin mal-papà Gaetano ta’ Mary Anne Zammit fuq Bandcamp

 

PARTI 3: L-album tal-lum huwa Thick Skin ta’ The New Victorians. Dan album li ġie varat diversi ġimgħat ilu b’modxi ftit differenti mnn kif jinħarġu l-biċċa l-kbira tal-albums f’Malta.  Apparti hekk però, irċvejt kumment mingħand semmiegħ regolari ta’ dan il-programm li lmenta miegħi li m’hemmx verżjoni CD ta’ dan l-album imma ssibu bis bħala download jew inkella fuq Spotify. Personalment ili li għamilt paċi mal-idea ta’ digital releases sew bħala download u anke streaming; anke jekk dan tal-aħħar huwa format ferm aktar impersonali. Ngħid għalija, n-nuqqas li ħassejt f’dan l-album hu li jinkludi biss is-siltiet bl-Ingliż kollha mill-EP tagħhom If I Had to Tell You the Truth li ħareġ is-sena l-oħra, u mhux dawk bil-Malti. Mill-bqija, għandna album li jservi ta’ vetrina għat-talenti mużikali tal-aħwa Philippa u Bettina Cassar. Ċertament xi ħaġa li għandha s-segwaċi tagħha sew fil-gżejjer Maltin kif ukoll ‘l hinn minnhom.

• Thick Skin
• Good Part
• Heart to Heart
• Worth It
• Almost There

Isma’ l-album Thick Skin ta’ The New Victorians kollu fuq Spotify

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.