Blog

Is-sensiela Mużika 21 tkompli bil-50 edizzjoni li hija l-ħdax-il programm fir-raba’ staġun.

PARTI 1: Diski ġodda li ħarġu dan l-aħħar…

Joe Mizzi  – Rebel

Ros – Isa Binti

Rodianne Spiteri – A Game to Play

Robert Attard – Għajnejn Bla Dija

Bahjat – Aladdin

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Minn hu Owen Grech?  Ftit li xejn naf dwar dan il-kitarrist ħlief li f’dawn l-aħħar għaxar snin jew ftit aktar konna ltqana miegħu f’xi żewġ gruppi bħal per eżempju 12th Ode u Nisġa. Illum mhux se nisimgħu recordings minn ma’ dawn il-proġetti mużikali. Iltqajt mal-mużika inċidentali ta’ Owen Grech inċidentalment fl-aħħar jiem u jidher li għandu xi siltiet strumentali ġodda bil-kitarra. U dawn huma xi eżempji ta’ din il-mużika fuq il-kitarra ta’ Owen Grech:

• Beloved Poem
  
• Window Drops
  
• Velvety Moon
  
• Yellow

Isma’ l-mużika ta’ Owen Grech fuq Spotify

PARTI 3: L-album tal-lum huwa Antares Flare ta’ Antares Flare. Dan huwa album diġà ltqajna miegħu, aktar minn darba waqt din is-sensiela imma issa ħareġ uffiċjalment u allura ridt nagħżlu bħala l-album tal-ġurnata. Grupp internazzjonali bbażat fl-Olanda bil-konnessjoni ma’ Malta permezz tal-bassista Dean Montanaro. Illum se nisimgħu dawn l-erbgħa siltiet irrekordjati f’Ruma:

• Bonsai Jungle
• Mirror People
• What’s Gonna Kill Me First?
• Sandstones

Isma’ jew niżżel l-album ta’ Antares Flare fuq Bandcamp

 

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bid-49 edizzjoni li hija l-għaxar programm fir-raba’ staġun.

PARTI 1: Diski ġodda li ħarġu dan l-aħħar…

Cher Camilleri  – Qatt Ma Nitilfu l-Kulur

Shirley Cachia – I Wanna Be Yours (Artic Monkeys cover)

Enya Magri – Love Me Like

Owen Leuellen Ft. Gaia Cauchi – Flavor

Fuse (feat. Chess Galea) – Rich Girl

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: L-aħħar EP fuq it-tikketta Wirebox.  Din hija tikketta tad-diski elettroniċi Maltija li kellna ċans nisimgħu materjal ieħor mill-katalgu tagħha diversi drabi matul din is-sensiela ta’ programmi. Joffru taħlita ta’ stili li fl-aħħar mill-aħħa jintrbtu flimkien b’element wieħed: mużika elettronika. L-aktar EP riċenti fuq il-Wirebox jismu outta money but not outta coffee ta’ umbromaniii jew ossija David Galea. L-EP għandu artwork ta’ wieħed miż-żewġ fundaturi ta’ Wirebox, li huwa Introworks. It-3 siltiet li hemm f’dan l-EP huma:

• Melancholy Days
  
• Selector
• The Hospital
  

Isma’ jew niżżel l-EP outta money but not outta coffee ta’ umbromaniii fuq Bandcamp

PARTI 3: L-album tal-lum huwa Perfect Existence ta’ Sigo. Dan huwa album li ħareġ bħala CD fl-2002. Sigo huwa Sergio Gatt, li fis-snin 80 u 90 kien magħruf fix-xena tal-mużika alternattiva lokali mal-grupp Big Foot. Permezz ta’ dan l-album Sigo mhux biss kien ipprova jistabbilixxi ruħu bħala solist iżda ukoll kien qed jisplora b’identità ġdida li kienet xi ftiit differenti minn dik li kellu qabel mal-Big Foot. Minn dan l-album li ħareġ 20 sena ilu se nisimgħu dawn l-erbgħa siltiet:

• Just Another Day
• Bliss
• I Like It
• Find Myself

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bit-48 edizzjoni li hija d-disa’ programm fir-raba’ staġun.

PARTI 1: Diski ġodda li ħarġu dan l-aħħar…

Audrienne Fenech  – I Want You To…

Stefan Varga – Elf Miljun Darba

The Travellers – Is-Sbuħija ta’ Dan iż-Żmien (Carlo Gerada remix)

Antares Flare – Mirror People (Live Session)

Sean Borg – Kuntent Int Kuntent Kulħadd

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Kemm joħroġ diski f’sena Andre Camilleri? Wara li l-ġimgħa l-għaddiet għażilt l-album No Cure for the Blues tal-kantawtur Malti-Awstraljan Andre Camilleri, u għedtilkom li huwa s-sitt album tiegħu din is-sena, illum għażilt li ndoqq xi siltiet mis-seba’ album tiegħu li ħiereġ din il-ġimgħa stess. Id-data uffiċjali tal-ħruġ tal-album On and On ta’ Anrdre Camilleri hija l-31 ta’ Awwissu, però dan l-album ilu li tħabbar fuq Bandcamp b’anteprima diversi ġimgħat ilu.  Minnu se nisimgħu:

• On and On
  
• Wings
• You Turn Me On
• Long Black Train Nr.3
  

Isma’ jew niżżel l-album On and On ta’ Andre Camilleri fuq Bandcamp

 

PARTI 3: L-album tal-lum huwa Next to You ta’ Victor Chetcuti. Dan huwa l-aħħar album li ħareġ dan il-kantawtur Malti-Ingliż ibbażat f’Birmingham, fl-2017. Kien hemm żmien meta lil Victor konna nisimgħu bih regolari fix-xena alternattiva lokali, tant li sieħbi Michael Bugeja fetaħ CD album irrekordjat waqt il-programmi tiegħu ta’ Rockna fuq Net FM madwar għaxar snin ilu propju b’kanzunetta ta’ Victor Chetcuti. Dawn l-aħħar 5 snin però, ftit li xejn smajna aktar mingħandu. Ħasra, skont jien. Minn dan l-album se nisimgħu dawn it-tliet siltiet:

• Nice and Easy
• Next to You
• Song With No Name

Isma’ jew niżżel l-album Next to You ta’ Victor Chetcuti kollu fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.