Blog

Is-sensiela Mużika 21 tkompli bid-49 edizzjoni li hija l-għaxar programm fir-raba’ staġun.

PARTI 1: Diski ġodda li ħarġu dan l-aħħar…

Cher Camilleri  – Qatt Ma Nitilfu l-Kulur

Shirley Cachia – I Wanna Be Yours (Artic Monkeys cover)

Enya Magri – Love Me Like

Owen Leuellen Ft. Gaia Cauchi – Flavor

Fuse (feat. Chess Galea) – Rich Girl

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: L-aħħar EP fuq it-tikketta Wirebox.  Din hija tikketta tad-diski elettroniċi Maltija li kellna ċans nisimgħu materjal ieħor mill-katalgu tagħha diversi drabi matul din is-sensiela ta’ programmi. Joffru taħlita ta’ stili li fl-aħħar mill-aħħa jintrbtu flimkien b’element wieħed: mużika elettronika. L-aktar EP riċenti fuq il-Wirebox jismu outta money but not outta coffee ta’ umbromaniii jew ossija David Galea. L-EP għandu artwork ta’ wieħed miż-żewġ fundaturi ta’ Wirebox, li huwa Introworks. It-3 siltiet li hemm f’dan l-EP huma:

• Melancholy Days
  
• Selector
• The Hospital
  

Isma’ jew niżżel l-EP outta money but not outta coffee ta’ umbromaniii fuq Bandcamp

PARTI 3: L-album tal-lum huwa Perfect Existence ta’ Sigo. Dan huwa album li ħareġ bħala CD fl-2002. Sigo huwa Sergio Gatt, li fis-snin 80 u 90 kien magħruf fix-xena tal-mużika alternattiva lokali mal-grupp Big Foot. Permezz ta’ dan l-album Sigo mhux biss kien ipprova jistabbilixxi ruħu bħala solist iżda ukoll kien qed jisplora b’identità ġdida li kienet xi ftiit differenti minn dik li kellu qabel mal-Big Foot. Minn dan l-album li ħareġ 20 sena ilu se nisimgħu dawn l-erbgħa siltiet:

• Just Another Day
• Bliss
• I Like It
• Find Myself

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bit-48 edizzjoni li hija d-disa’ programm fir-raba’ staġun.

PARTI 1: Diski ġodda li ħarġu dan l-aħħar…

Audrienne Fenech  – I Want You To…

Stefan Varga – Elf Miljun Darba

The Travellers – Is-Sbuħija ta’ Dan iż-Żmien (Carlo Gerada remix)

Antares Flare – Mirror People (Live Session)

Sean Borg – Kuntent Int Kuntent Kulħadd

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Kemm joħroġ diski f’sena Andre Camilleri? Wara li l-ġimgħa l-għaddiet għażilt l-album No Cure for the Blues tal-kantawtur Malti-Awstraljan Andre Camilleri, u għedtilkom li huwa s-sitt album tiegħu din is-sena, illum għażilt li ndoqq xi siltiet mis-seba’ album tiegħu li ħiereġ din il-ġimgħa stess. Id-data uffiċjali tal-ħruġ tal-album On and On ta’ Anrdre Camilleri hija l-31 ta’ Awwissu, però dan l-album ilu li tħabbar fuq Bandcamp b’anteprima diversi ġimgħat ilu.  Minnu se nisimgħu:

• On and On
  
• Wings
• You Turn Me On
• Long Black Train Nr.3
  

Isma’ jew niżżel l-album On and On ta’ Andre Camilleri fuq Bandcamp

 

PARTI 3: L-album tal-lum huwa Next to You ta’ Victor Chetcuti. Dan huwa l-aħħar album li ħareġ dan il-kantawtur Malti-Ingliż ibbażat f’Birmingham, fl-2017. Kien hemm żmien meta lil Victor konna nisimgħu bih regolari fix-xena alternattiva lokali, tant li sieħbi Michael Bugeja fetaħ CD album irrekordjat waqt il-programmi tiegħu ta’ Rockna fuq Net FM madwar għaxar snin ilu propju b’kanzunetta ta’ Victor Chetcuti. Dawn l-aħħar 5 snin però, ftit li xejn smajna aktar mingħandu. Ħasra, skont jien. Minn dan l-album se nisimgħu dawn it-tliet siltiet:

• Nice and Easy
• Next to You
• Song With No Name

Isma’ jew niżżel l-album Next to You ta’ Victor Chetcuti kollu fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

 

Is-sensiela Mużika 21 tkompli bis-47 edizzjoni li hija t-tmien programm fir-raba’ staġun.

PARTI 1: Diski ġodda li ħarġu dan l-aħħar…

Shaun Farrugia  – I Don’t Wanna Fall Asleep Yet

Michela – Lost in the Shadows

Myles Azzopardi – Going Over

One11 – Flight

Geo Debono x Toby Farrugia – Freedom of Love

Chris Birdd – Home Run

Chris Birdd – Be My Baby

Loathe & Sleep Token – Is It Really You

Id-dettalji tad-diski u recordings oħra kollha li ħarġu s’issa matul l-2022 issibhom permezz tal-wiki tal-M3P.

 

PARTI 2: Tislma lil Jesmond Tedesco Triccas (1963–2022). It-Triccas huwa magħruf l-aktar għall-verżjoni satirika bil-Malti ta’ Hotel California. Din ħaġa tajba, imma kważi ngħid ħasra, għax huwa kien ferm aktar minn dan il-kważi one hit wonder li indubjament se jibqa’ miftakar għalih fis-snin li ġejjin.  Ibda biex, Jes kien kitarrist versatili. F’żgħożitu daqq ma’ diversi bands relattivament underground, inkluz Prinz Eugene u Sing Sing, fost oħrajn, sa ma fforma d-duo Freeway ma’ Toni Vella. Il-Freeway kienu jispeċjalizzaw f’arranġamenti satiriċi ta’ kanzunetti Maltin popolari u kisbu suċċess l-aktar permezz tad-diversi dehriet tagħhom fuq it-television. Ironikament, dan kważi kważ jorbot ma’ dak li konna qed ngħidu l-aħħar edizzjoni ta’ M21 dwar Gejtu Kanta.

F’nofs is-snin disgħin it-Triccas daħal fix-xena tal-konkorsi tal-kazunetti, inkluż is-suċċess Issa, li kienet il-verżjoni bil-Malti tal-kanzunetta This Time ta’ William Mangion mill-Eurovision Song Contest tal-1993. Ħa sehem xi darbtejn oħra bħala kantant fil-Festval tal-Kanzunetta għall-Ewropa (1996 u 1997), u fl-1999 rebaħ il-festival l-Għanja tal-Poplu bil-kanzunetta Il-Karrakka ta’ Mario F. Caruana u Renato Briffa. Wara dan nistgħu ngħidu li l-karriera tiegħu fil-qasam tal-ispettaklu kienet iddedika kważi esklussivament għat-teatru (inkluż it-teatru mużikali) u d-drama fuq it-television. Jesmond Tedesco Triccas twieled fl-24 ta’ Jannar 1963 u miet fl-età ta’ 59 sena nhar l-Tlieta 9 ta’ Awwissu 2022.

• Lukanda Kalifornja (Earth Garden 2014 ma’ Xalata Rock)
  
• Kemmuna Airways għall-Ewropa
• Reach Out Your Arms
• Il-Karrakka

Aktar dwar Jesmond Tedesco Triccas fuq il-wiki tal-M3P

 

PARTI 3: L-album tal-lum huwa No Cure for the Blues ta’ Andre Camilleri. Dan huwa s-sitt album ta’ dan il-kantawtur Malti-Awstraljan. Iva, is-sitt wieħed din is-sena! Diġa kellna ċans nisimgħu materjal ieħor li ħareġ din is-sena stess waqt Mużika 21. Illum se niffokaw fuq dan l-album li ħareġ propju nhar Santa Marija fil-15 ta’ Awwissu 2022.  Minnu se nisimgħu dawn l-erbgħa siltiet:

• No Cure for the Blues
• Don’t Want It Anymore
• The Road Goes On And On
• I Must Have Been Out Of My Mind

Isma’ jew niżżel l-album No Cure for the Blues ta’ Andre Camilleri kollu fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.