Blog

Is-sensiela Mużika 21 tkompli bis-76 edizzjoni li huwa l-ħdax-il programm fis-sitt staġun.

PARTI 1: Diski ġodda li ħarġu dan l-aħħar.

• Hearts Beating in Time – Manifesting Happiness
  
• Drakard – Dust
  
• Sarah Bonnici – Never Ever
  
• The New Victorians – Be Fine
  
• Toby feat. Andre Portelli – Broken Hill
  
• Melchior Sultana & Tazzmo Olifant – The Connection
  

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Min hu Mark Pullicino? Inkomplu fejn ħallejtna fit-tieni parti tal-aħħar programm fejn niltaqgħu ma’ mużiċist Malti li tassew mhux magħruf. Lil Mark Pullicino iltaqt miegħu, jew aħjar m’ismu u eventwalment mal-mużika tiegħu b’kumbinazzjoni. Kif jafu bosta semmiegħa tal-programmi tiegħi, jien involut fit-tfassil tal-Wikipedija bil-Malti. Fiha hemm artiklu dwar ċertu James Martin, jew aħjar Antonio Martin, esploratur Malti li għex aktar minn mitt sena ilu u li għamel żmien sostanzjali fl-Afrika. Mark Pullicino kiteb ktieb dwaru u sibt anke intervista li kien għamillu Charles Xuereb fuq Campus FM propju meta ħareġ il-ktiet madwar sitt snin ilu. Sibt ukoll li dan Mark Pullicino huwa kompożitur u li l-mużika tiegħu tinstab faċilment fuq is-Soundcloud. Mill-kollezzjoni Dingli Tunes, li jidher li Mark Pullicino rrekordja aktar kmieni din is-sena stess, se nisimgħu:

• Dingli Waltz
• Isolation With You: So Far – Valletta Regatta
• Oscar’s Tune – Paceville Polka

> Isma’ l-mużika ta’ Mark Pullicino fuq Soundcloud.

PARTI 3: L-album tal-lum huwa Red Town Baby ta’ The Areola Treat. Dan ħareġ nhar is-Sibt 4 ta’ Marzu 2023. Minnu diġà daqqejna żewġ siltiet: Into My Shadow u Tell a Lie. U għalhekk illum għażilt li ndoqq dawn l-erbgħa siltiet minnu:

• Jailbait
  
• Covered in Blood
  
• Speak No Evil
  
• Meet Me In Shanghai
  

> Isma’ jew niżżel l-album Red Town Baby ta’ The Areola Treat fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bil-75 edizzjoni li huwa l-għaxar programm fis-sitt staġun.

PARTI 1: Diski ġodda li ħarġu dan l-aħħar.

• Claire Tonna – Never Enough
  
• The Areola Treat – Into My Shadow
  
• Overdrawn – Jumpstart My Heart
  
• Bahjat – Ya Habibi Janbik
• Empire of the Ants – Capitulation (Ed Blank mix)
  
• Carlo Muscat + Tony Tixier – The Trees of Tollygunge
  

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Min hu George Pollacco? Ilna ftit ma nagħżlu tema bħal din. U allura ħassejt li wasal il-waqt li niltaqgħu ma’ mużiċist Malti li tassew mhux magħruf, u hija ħasra li mhux magħruf aktar. Forsi uħud mis-semmiegħa tagħna jafu lil George Pollacco mis-snin twal ta’ ħidma tiegħu mal-istazzjon tar-radju Malti RTK. Oħrajn forsi jiftakruh fix-xena tal-mużika alternattiva, speċjalment fil-bidu tas-snin 80, meta kien ferm iżgħar milli hu llum.  Jiena kelli x-xorti ndoqq miegħu madwar 35 sena ilu, flimkien ma’ xi mużiċisti oħra ħbieb tagħna, matul is-sajf tal-1988. Dan l-aħħar George Pollacco qiegħed regolment jirregala l-mużika tiegħu lill-ħbieb tiegħu fuq Facebook. U dan huwa kif jidħol fil-kuntest ta’ Mużika 21, il-ħsejjes minn Malta s-seklu 21. Ilu għaddej bihom ftit mhux ħażin issa dawn, imma llum għażilt li ndoqqilkom 3 siltiet, b’ismijiet derivati mill-mod kif ħariġhom fuq Facebook flimkien ma’ immaġni mill-kosta ta’ Tas-Sliema.

• Last Autumn
• The Storm
• Winter Walks

> Sib lil George Pollacco u l-mużika tiegħu fuq Facebook.

PARTI 3: L-album tal-lum huwa Famous When Dead ta’ Andre Camilleri. Dan huwa l-ewwel album ta’ dan il-kantawtur Malti-Awstraljan għal din is-sena, l-2023. Qed ngħid hekk għax indubjament Camilleri se jispiċċa joħroġ xi erbgħa albums oħra apparti dan, l-istess kif għamel is-sena l-oħra u fi snin riċenti. L-istill tiegħu huwa partikolari u relattivament sempliċi, b’emfasi partikolari fuq il-kliem tal-kanzunetta.  U għalhekk illum għażilt li ndoqq dawn l-erbgħa:

• Cruising
  
• Satisfied
  
• Don’t Look Back
  
• Let It Go
  

> Isma’ jew niżżel l-album Famous When Dead ta’ Andre Camilleri fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bl-74 edizzjoni li huwa d-disa’ programm fis-sitt staġun.

PARTI 1: Diski ġodda li ħarġu dan l-aħħar.

• Bee – Anke Jien
  
• Kapitlu Tlettax – Tibkix
  
• Digby – Ħudni Kif Trid
  
• Kurt Calleja + Kevin Paul – Kieku Nista’
  
• Alexandra Alden – Muscle and Blood
  
• Shaun Farrugia – Count on You (acoustic)
• Marty Rivers – I’m Available

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Diski maħruġa fuq il-Vinyl. Illum qed ninkludi żewġ diski ġodda li ħarġu fuq il-vinyl.  Din jidher li hija xi ħaġa li qed terġa’ tieħu r-ruħ sew.  Iż-żewġ eżempji tal-lum huma t-tnejn minn esponenti Maltin b’rabtiet ma’ ditti ta’ diski barra minn Malta. Waħda hija minn album li se jkun fit-tielet parti tal-programm xi darb’ oħra; mhux illum. Din hija t-title track Let the Music Flow ta’ Sound Synthesis maħruġa fuq it-tikketta Infiltrate mir-Renju Unit. L-oħra hija Levity Horns ta’ Manwel T fuq it-tikketta Levity minn Franza.  Din maħruġ bħala 7″ single fuq vinyl blue, u qed indoqq ukoll il-B-side tagħha li hija verżjoni dub ta’ l-istess silta.

PARTI 3: L-album tal-lum huwa Ċipress ta’ Robert Farrugia. Dan il-mużiċist mhux xi wieħed magħruf ħafna f’Malta. Forsi minħabba l-istil ta’ mużika li jipproduċi. Pero xorta waħda huwa prolifiku ferm u naħseb li jista’ jkollu ferm aktar segwaċi lejali kieku aktar nies isir jafu bih, sew f’Malta kif ukoll barra. Dan l-album ħareġ fuq Bandcamp u pjattaformi diġitali oħra fis-16 ta’ Frar 2023 hekk kif kien għaddej Sanremo fl-Italja u l-Malta Eurovision Song Contest. La għandu x’jaqsam ma’ wieħed u wisq anqas mal-ieħor. Minnu qed indoqq dawn:

• Ċipress
  
• Sekwenzi
  
• Seafoam (feat. zakè)
  
• Venules
  

> Isma’ jew niżżel l-album Ċipress ta’ Robert Farrugia fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.