Blog

Is-sensiela Mużika 21 tkompli bid-99 edizzjoni li huwa t-tmien programm fit-tmien staġun.

PARTI 1: Diski ġodda li ħarġu dan l-aħħar.

• Nicole Frendo – Temptations
  
• Kantera – Mur Ara
  
• The Areola Treat – Judgement Day
  
• Depanneur – We Don’t Hang Out Anymore
  
• Andre Camilleri – Ain’t Gonna Stray
  
• L-Anġlu– 4 Saqajn
  
• Ara Lil Yoon – Taste

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Ara Lil Yoon Live.  Ftit aktar minn xahar ilu, l-EP tal-ġurnata waqt dan il-programm kien Taste tal-grupp Ara Lil Yoon.  Dan il-grupp huwa bbażat f’Berlin u magħmul minn 5 mużiċisti, wieħed minnhom huwa l-Malti Luke Cheeree, li nafuh ukoll bil-proġett Fake Ophelia. Illum mhux se ndoqq aktar siltiet minn dak l-EP kif għamilna dak in-nhar imma se nisimgħu iż-żewġ siltiet l-oħra li hemm fih irrekordjati live fil-Barkett ta’ Berlin.

> Isma’ jew niżżel l-EP Taste ta’ Ara Lil Yoon fuq Bandcamp

PARTI 3: L-album tal-lum huwa Ħsieb ta’ Julie Pomorski. Fil-verità dan huwa EP li għadu kemm ħareġ propju ftit jiem ilu fil-11 ta’ Awwissu 2023. Qed ninkludu s-siltiet kollha li hemm fih, mhux biss għax kull m’hemm huma ħamsa, imma ukoll għax indubjament jinżlu għasel ma’ diversi semmiegħa li jħobbu stili differenti ta’ mużika minn Malta.

• Fliskatur
  
• Ar Int
  
• Ħadd Ma Pprova
  
• Dinja Oħra
  
• Kun Af

> Isma’ l-EP Ħsieb ta’ Julie Pomorski fuq Spotify

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bit-98 edizzjoni li huwa s-seba’ programm fit-tmien staġun.

PARTI 1: Diski ġodda li ħarġu dan l-aħħar.

• Jas Rolyn – Hold Me Close
  
• Hooli – The World Is Mine
  
• Luke Chappell – Hate Me!
  
• Atomic Flame – Innocence Becomes Prey
  
• Benjamin Gatt – Heart on Fire
  
• Sound Synthesis – 582KMhz

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: L-Għanja Li Tibqa 2023: Merga. Kull sena waqt il-festival tal-kanzunetta Maltija magħruf bħala l-Għanja tal-Poplu jippreżentaw premju li kantant, kantanta, jew kantawtur veteran. Din is-sena, meta qed jiċċelebraw il-50 sena mill-bidu ta’ dan il-konkors, għalkemm hija l-47 edizzjoni, għażlu li dan il-ġieħ ta’ L-Għanja Li Tibqa imur għal dik li jiena niddeskrivi bħala r-reġina tal-Għanja tal-Poplu: Merga. Fil-programm tal-lum se nisimgħu lil Merga tinterpreta ż-żewġ kanzunetti li kantat f’dik is-serata, akkumpanjata mill-orkesta ta’ Pjazza Teatru Rjal immexxija mill-Mro Paul Abela. Imma nibdew billi l-preżentaturi Joseph Galea u Antonella Galea Lofreda jaqra script dwar Merga mħejji minn Tony Micallef.

> Ara l-47 edizzjoni tal-festival L-Għanja tal-Poplu kif ixxandar fuq TVM

PARTI 3: L-album tal-lum huwa Zero/Infinity ta’ Kill the Action. Fil-verità dan huwa EP li għadu kemm ħareġ propju fi tmiem l-ewwel ġimgħa ta’ Awwissu 2023. Qed ninkludu s-siltiet kważi kollha li hemm fih. Sitt kull ma fih u minnhom se ndoqq dawn l-erbgħa:

• Zero Infinity
  
• Level
• Ready or Not
• Vacuum

> Isma’ l-EP Zero/Infinity ta’ Kill the Action fuq Spotify

BONUS: Fil-programm tal-lum insellem ukoll lil kantant Edwin Galea (1938–2023) li ħalliena nhar il-Ħadd 6 t’Awwissu fl-eta ta’ 84 sena. Edwin kantant Malti tas-seklu 20, imma għandna recording tiegħu ikanta mill-2015 kif oriġinarjament deher waqt programm ta’ Karl Bonaci fuq l-F Living. Il-kanzunetta jisimha Nerġa Niġi.

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli bil-97 edizzjoni li huwa s-sitt programm fit-tmien staġun.

PARTI 1: Diski ġodda li ħarġu dan l-aħħar.

• Peklektru feat Żiżża – Ejja Sibni
  
• Ħajbu u Cher Camilleri – Ħsieb Profond
  
• Daryl Jaymes – Mela!
  
• Seqer Malti – Lulju
• Benny Benassi & Emma Muscat – M.I.A.
• Malcolm Pisani – July
  
• Ġenn – Calypso

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: The Malta Singles. Fil-programm tal-ġimgħa l-għaddiet, l-album tal-ġurnata kien Catharsis ta’ Daniel Sant li tnieda waqt kunċert li sar f’Palazzo De La Salle nhar il-Ġimgħa 21 ta’ Lulju 2023. Dak in-nhar Daniel Sant ħareġ ukoll dak li jista’ effettivament jissejjaħ mini-album jew EP bl-isem ta’ The Malta Singles. Dan jinkludi ħames siltiet irrekordjat f’dawn l-aħħar sentejn jew tlieta l-aktar minn Sant innifsu fi still xi ftit differenti minn dak ta’ Catharsis. Xi drabi għandu wkoll mużiċisti oħra jikkollaboraw miegħu, bħal per eżempju l-ħabib tiegħu William Smith fuq id-drums. Daqqejt xi tnejn minnhom kont diġa waqt edizzjonijiet preċedenti ta’ Mużika 21, imma llum se nisimgħu l-EP kollu:

• Rush Hour
• Chick
• Intruder
• Poznan
• Wytches

> Isma’ jew akkwista The Malta Singles ta’ Daniel Sant kollu fuq Bandcamp

PARTI 3: L-album tal-lum huwa habit_at ta’ Eyes to Argus. Fil-verità dan huwa album ta’ remixes ta’ l-album Habitat ta’ Eyes to Argus li ħareġ fis-16 ta’ Lulju 2021 sew bħala download fuq il-Bandcamp kif ukoll edizzjoni limitata fuq vinyl. Issa s-sitt siltiet  fuq l-album originali jidhru bħala seba’ remixes minn artisti differenti fuq dan l-album il-ġdid. Mill-album habit_at għażilt dawn is-siltiet:

• Habitual_KNTRL remix
• Last to Last_Billy Ghost remix
• Habitat_Kurt Buttigieg in habit remix

> Isma’ jew akkwista l-album habit_at ta’ Eyes to Argus fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Tnejn f’12:00pm u l-Ħamis fis-6:00pm.