Blog

Is-sensiela Mużika 21 tkompli bil-108 edizzjoni li huwa r-raba’ programm fid-disa’ staġun.

PARTI 1: Diski li ħarġu dan l-aħħar. 

• 13 Years Later – Hold On
  
• Pete Molinari – My Careless Heart
  
• Ġenn – The Sister Of
  
• FANTASAIR – Meta (minn Departures)
  
• RagħwaDagħwa – Waħdi
  
• Noog – Mos Deadly Pt. II 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Lord Adder live fil-Midi Festival 2023. Il-grupp Malti Lord Adder immexxi minn Mark Spiteri ilu stabbilit fix-xena lokali sa mill-1992, għalkemm waqfu għal 15-il sena bejn l-2004 u l-2019. Riċentament għamlu xi ħaġa li ebda kumpless mużikali Malti ieħor qatt m’għamel fix-xena rock. Huma daqqew kunċert live fiċ-Ċina quddiem udejenza ta’ eluf ta’ dilettanti tal-mużika rock. Il-Midi Festival ta’ din is-sena sar f’Ottubru f’Nanyang, li hija l-provinċja fil-kosta t’isfel taċ-Ċina. Il-Lord Adder daqqew nhar it-Tnejn 2 t’Ottubru 2023. Flimkien mal-kantant Mark Spiteri, il-membri l-oħra ta’ Lord Adder huma d-drummer Ray Micallef u l-kitarrista Robert Tomasuolo. Illum se nisimgħu parti minn dan il-kunċert live tal-Lord Adder fiċ-Ċina.

> Ara u isma’ l-kunċert ta’ Lord Adder fil-Midi Festival 2023 f’Nanyang, iċ-Ċina, fuq YouTube

PARTI 3: L-album tal-lum huwa How Do You Keep the Music Playing? ta’ Tony Bartolo u Paul Giordimaina. Dan huwa album varjat mingħand żewġ mużiċisti Maltin li ilhom attivi fix-xena lokali għal għexieren ta’ snin. Paul Giordimaina jipprovdi arrangamenti fuq il-pjanu ta’ diversi kanzunetti li Tony Bartolo jinterpreta bil-vuċi bellusija tiegħu. Uħud mis-siltiet huma standards tal-jazz jew kanzunetti popolari Amerikani jew Ingliżi minn żminijiet oħra. Eċċezzjoni ta’ dan hija interpretazzjoni ta’ L-Aħħar Bidwi f’Wied il-Għasel miktuba minn Paul Abela u Alfred C. Sant, waħda mill-isbaħ kanzunetti popolari Maltin ta’ dawn l-aħħar 50 sena. Dan l-album ħareġ fuq Spotify fil-15 ta’ Ottubru 2023.

• How Do You Keep the Music Playing?
• Satin Doll
• L-Aħħar Bidwi f’Wied il-Għasel
• I’m in the Mood for Love

> Isma’ l-album sħiħ How Do You Keep the Music Playing? fuq Spotify

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-107 edizzjoni li huwa t-tielet programm programm fid-disa’ staġun.

PARTI 1: Diski li ħarġu dan l-aħħar. 

• Dizzy Goku – Big Brown Eyes
  
• Melury – Cartoon Medley
  
• Simon Pulo – Love
  
• The Areola Treat – Mexico
  
• Weeping Silence feat. Kobi Farhi – The Watcher on the Walls
  
• Andre Camilleri – Ramblin’ 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Playlist ta’ Ultralow Music. Ftit tal-jiem ilu, Jimmy Bartolo ħabbar li t-tikketta tiegħu Ultralow Music għandha playlist fuq Spotify. Ħafna mis-siltiet li hemm fuq din il-playlist ta’ Ultralow diġà ndaqqu waqt xi wieħed minn dawn il-programmi f’din is-sensiela fl-aħħar sentejn. Ma jistax jonqos allura, li nagħżel ftit minnhom biex inħajjarkom tmorru tisimgħu il-playlist sħiħa fuq Spotify. Is-siltiet li għażilt jien huma dawn:

• Brikkuni & Cher Camilleri – Porporina
• Cher Camilleri – Nixtieq (minn Semgħat id-Daqq)
• Sean Borg – Stajt Tkun
• Kym Pepe – Mill-Bidu
• Kym Pepe – Armier

> Isma’ l-playlist sħiħa ta’ Ultralow Music fuq Spotify

PARTI 3: L-album tal-lum huwa Unum ta’ Ġenn. Dan huwa l-ewwel album tal-grupp li ssawwar mill-irmied ta’ ieħor jismu Cryptic Street. Tlieta mill-erbgħa nisa membri ta’ dan il-grup huma Maltin, pero tajjeb ngħidu li huma bbażat fir-Renju Unit u jduru mal-pajjiż idoqqu kull opportunità li jkollhom. Effettivament nistgħu ngħidu li daqqew f’diversi lokalitajiet assoċjati mal-mużika alternattiva fil-bliet prinċipali tar-Renju Unit f’dawn l-aħħar sentejn. Uħud mis-siltiet daqqejthom diġà meta ħarġu matul dawn l-aħħar xhur pero llum se nisimgħu ukoll xi siltiet ġodda minn dan l-album li ħareġ nhar it-Tlieta 10 ta’ Ottubru 2023

• Rohmeresse
• The Sister Of
• A Muse (in Limbo)

> Isma’ jew niżżel l-album Unum ta’ Ġenn fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-106 edizzjoni li huwa t-tieni programm programm fid-disa’ staġun.

PARTI 1: Diski li ħarġu dan l-aħħar. 

• The Travellers feat. Ira Losco – L-Imħabba Kelma Kbira Wisq
  
• Rheez. – Ħajja Reali
  
• One11 x Zion Not Zeeyon – Pass Pass
  
• Vince Bongailas – Sajf
  
• Kelsey Bellante – Take U Home
  
• Hollie Cassar – Bossy
• Antares Flare – Bonsai Jungle

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: RawgħaDagħwa – Mit-Tieqa tal-Eremit. Dan huwa DJ set li oriġinarjament indaqq waqt il-Pudina 2022 maħruġ mill-ġdid fl-1 ta’ Settembru 2023. Issa rranġat xi ftit u maħruġ fuq it-tikketta ta’ diski My Fair Lsdy, li hija wkoll it-tikketta tal-album tal-lum, li se niltaqgħu miegħu fit-tielet parti tal-programm. M’hemmx wisq aktar x’ngħid dwar Mit-Tieqa tal-Eremit jew RawgħaDawgħa. Dawn ħsejjes minn Malta tas-seklu 21.

> Isma’ jew niżżel ir-recording sħiħ  ta’ Mit-Tieqa tal-Eremit ta’ RawgħaDagħwa fuq Bandcamp

PARTI 3: L-album tal-lum huwa Ħajja Waħda Għandek Liba ta’ L-Anġlu. L-Anġlu huwa l-isem li jirrekordja bih Matthew Shields. Propjament dan l-album ilu li ħareġ mit-29 ta’ Lulju 2023, u kif tarraftilkom fit-tieni parti tal-programm tal-lum huwa maħruġ mit-tikketta tad-diski My Fair Lsdy. Diġà kont daqqejt silta minnu f’wieħed mill-programmi f’din is-sensiela matul is-sajf, ftit wara li ħareġ. Minnu llum se nisimgħu dawn is-siltiet

• Il-Baħar Jibki Għal Oħtu l-Art
• Mera Li Tixraqli
• Għajjejt

> Isma’ jew niżżel l-album Ħajja Waħda Għandek Liba ta’ L-Anġlu minn fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.