Blog

Is-sensiela Mużika 21 tkompli bl-edizzjoni numru 110 li huwa s-sitt programm fid-disa’ staġun.

PARTI 1: Diski li ħarġu dan l-aħħar. 

• Myles – Die Like A Rock Star
  
• Owen Leuellen – Bad
• Gaia Cauchi – Why?
  
• Weeping Silence – Serpentine
• Mychael Bartolo Chircop – Tonight is Gonna Be The Loneliest (Måneskin cover) 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Il-covers ta’ Ċeska. Mhux soltu ninkludi kantanti li jkantaw kanzunetti ta’ kantanti barranin aktar minn kollox. Naturalment hemm eċċezzjonijiet għal dan u l-verżjoni ta’ Tonight is Gonna Be the Loneliest tal-Måneskin kif interpretata minn Mychael Bartolo Chircop hija l-aktar eżempju riċenti ta’ dan. Fil-programm tal-ġimgħa li għaddiet daqqejt Fallin‘ li originarjament nafuha mingħand Alicia Keys fil-verżjoni ta’ Ċeska li hija Francesca Busuttil. U llum għażilt li ndoqqilkom aktar siltiet ta’ Ċeska għax tassew għandha vuċi sabiħa, anke jekk tkanta kważi biss diski ta’ kantanti barranin. Minnhom għażilt dawn:

• Before He Cheats (Carrie Underwood)
• Only Love Can Hurt Like This (Paloma Faith)
• As the World Caves In (Matt Maltese)
• The Scientist (Coldplay)
• Ex’s & Oh’s (Elle King)

> Ara l-videos ta’ dawn u siltiet oħra minn Ċeska fuq YouTube

PARTI 3: L-album tal-lum huwa Melbourne Sentimental ta’ Andre Camilleri. Dan huwa t-tmien album ta’ dan il-kantawtur Malti-Awstraljan. It-tmien album ġdid li ħareg fl-2023. Kellna ċans nisimgħu siltiet minn tal-anqas ħamsa minnhom dawn matul ix-xhur li għaddew. U għalkemm dan tal-lum diġa daqqejtilkom silta minnu ftit ilu biex ngħidikom li ħareġ, illum se nisimgħu dawn is-siltiet minnu la darba għażiltu bħala l-album tal-ġurnata:.

• The Blues Coming On
• I Wish I Could Fly
• Stick Around
• My Old Friend the Blues

> Isma’ l-album sħiħ Melbourne Senitmental ta’ Andre Camilleri fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-109 edizzjoni li huwa l-ħames programm fid-disa’ staġun.

PARTI 1: Diski li ħarġu dan l-aħħar. 

• Drakard – Alive
  
• Manwel T – Mandala
  
• Timea Farr – Young
  
• The JoyGivers – Ilmaħtek id-Dwejra
• Ċeska – Fallin’ (Alicia Keys cover) 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Vince Fabri Ġimgħa Wara Ġimgħa. Ftit tal-ġranet ilu kellna l-Festival Nazzjonali tal-Ktieb, li sar fl-MFCC Ta’ Qali. Fost id-diversi kotba ġodda li rajt hemm, iltqajt ukoll mal-kantawtur Vince Fabri li għadu kemm ħareġ ktieb bil-lirika ta’ bosta kanzunetti li kiteb għall-programm Xarabank, fil-biċċa l-kbira.  Minnhom għażilt dawn:

• Ħdejk
• Kull Sekonda
• Video Twil Sagħtejn
• Miriam
• Annimali

> Isma’ s-siltiet kollha mill-ġabra ta’ Ġimgħa Wara Ġimgħa minn Vince Fabri fuq Soundcloud

PARTI 3: L-album tal-lum huwa Departures ta’ Fantasair. Dan huwa album partikulari ħafna mit-tikketta tad-diski My Fair Lsdy li tfaċċat riċentament b’siltiet mingħand RawgħaDawgħa, Fake Ophelia, Das Birthday Girl, u l-Anġlu. Kollha kellna ċans nisimgħu xi ħaġa jew oħra mingħandhom f’din is-sensiela ta’ programmi. Il-ġimgħa li għaddiet semmajtkom diġà silta minn dan l-album: Meta. Dan l-album ħareġ fuq Spotify fil-15 ta’ Ottubru 2023.

• Dream
• Iż-Żmien
• Hemm Għalik
• Marie, Marie

> Isma’ l-album sħiħ How Departures ta’ Fantasair fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bil-108 edizzjoni li huwa r-raba’ programm fid-disa’ staġun.

PARTI 1: Diski li ħarġu dan l-aħħar. 

• 13 Years Later – Hold On
  
• Pete Molinari – My Careless Heart
  
• Ġenn – The Sister Of
  
• FANTASAIR – Meta (minn Departures)
  
• RagħwaDagħwa – Waħdi
  
• Noog – Mos Deadly Pt. II 

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Lord Adder live fil-Midi Festival 2023. Il-grupp Malti Lord Adder immexxi minn Mark Spiteri ilu stabbilit fix-xena lokali sa mill-1992, għalkemm waqfu għal 15-il sena bejn l-2004 u l-2019. Riċentament għamlu xi ħaġa li ebda kumpless mużikali Malti ieħor qatt m’għamel fix-xena rock. Huma daqqew kunċert live fiċ-Ċina quddiem udejenza ta’ eluf ta’ dilettanti tal-mużika rock. Il-Midi Festival ta’ din is-sena sar f’Ottubru f’Nanyang, li hija l-provinċja fil-kosta t’isfel taċ-Ċina. Il-Lord Adder daqqew nhar it-Tnejn 2 t’Ottubru 2023. Flimkien mal-kantant Mark Spiteri, il-membri l-oħra ta’ Lord Adder huma d-drummer Ray Micallef u l-kitarrista Robert Tomasuolo. Illum se nisimgħu parti minn dan il-kunċert live tal-Lord Adder fiċ-Ċina.

> Ara u isma’ l-kunċert ta’ Lord Adder fil-Midi Festival 2023 f’Nanyang, iċ-Ċina, fuq YouTube

PARTI 3: L-album tal-lum huwa How Do You Keep the Music Playing? ta’ Tony Bartolo u Paul Giordimaina. Dan huwa album varjat mingħand żewġ mużiċisti Maltin li ilhom attivi fix-xena lokali għal għexieren ta’ snin. Paul Giordimaina jipprovdi arrangamenti fuq il-pjanu ta’ diversi kanzunetti li Tony Bartolo jinterpreta bil-vuċi bellusija tiegħu. Uħud mis-siltiet huma standards tal-jazz jew kanzunetti popolari Amerikani jew Ingliżi minn żminijiet oħra. Eċċezzjoni ta’ dan hija interpretazzjoni ta’ L-Aħħar Bidwi f’Wied il-Għasel miktuba minn Paul Abela u Alfred C. Sant, waħda mill-isbaħ kanzunetti popolari Maltin ta’ dawn l-aħħar 50 sena. Dan l-album ħareġ fuq Spotify fil-15 ta’ Ottubru 2023.

• How Do You Keep the Music Playing?
• Satin Doll
• L-Aħħar Bidwi f’Wied il-Għasel
• I’m in the Mood for Love

> Isma’ l-album sħiħ How Do You Keep the Music Playing? fuq Spotify

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.