Blog

 Is-sensiela Mużika Mod Ieħor ma’ Toni Sant tkompli bis-690 edizzjoni li huwa t-tielet programm fit-tieni staġun għar-radju.

PARTI 1: Diski ġodda li ħarġu dan l-aħħar.

• Berne – Lost My Skin
  
• Fake Ophelia – Paint Sniffing Survivors
  
• Joon – Orqod (That BB Remix)
  
• Chess Galea – Boogeyman
  
• Storace – We All Need the Money
  
• Ferret – Swamp Thing (minn For the Love of Pizza EP)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’qed tagħmel Alexandra Alden? Kultant il-kurżità tkun waħda ordinarja tant li kważi stramba, jew eċċentrika. Bis-saħħa ta’ dak li għamlet f’Malta bl-X-Factor Alex Alden fuq perjodu ta’ żmien relattivament twil, ħafna nies jafu biha, jew tal-anqas jafu isimha. Imma kemm nies iseġwu x’qed tagħmel fl-Olanda, l-pajjiż li għażlet li tgħix fih meta telqet minn Malta xi ftit tas-snin ilu? Kultant żmien toħroġ xi diski, u għal dawk kurjużi bħali, minn żmien għal żmien tqarbinna ukoll b’recordings live li tkun għamlet. Illum għandna siltiet minn wieħed li għamlet fl-2023 u ħarġet fuq YouTube matul is-sajf ta’ din is-sena. Fih interpretat diversi kanżunetti li nafu mir-recordings tagħha, flimkien ma’ Jurriaan De Kok fuq il-kuntrabaxx, fil-Boijmans Depot ta’ Rotterdam, l-Olanda:

PARTI 3: L-album tal-lum huwa The Weight of it All ta’ Chasing Pandora. Dan l-album ilna nistennewh diversi ġimgħat, biex ma ngħidx xhur. Dan anke minħabba li nħarġu żewġ siltiet minnu bħala singles, u waħda minnhom se nisimgħuha propju fl-egħluq tal-programm illum. Personalment, ngħid id-dritt li qatt ma stennejt li kien ser ikollna recordings ġodda ta’ Chasing Pandora sa ftit ilu, wisq anqas album sħiħ. Dan l-album nħareġ fis-5 ta’ Ottubru 2024 u minu jien għażilt li ndoqq dawn illum:

• The Weight of It All
• Little By Little
• Pass You By
• Teatime

> Isma’ l-album The Weight of It All ta’ Chasing Pandora fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-689 edizzjoni li huwa t-tieni programm fit-tieni staġun għar-radju.

PARTI 1: Diski ġodda li ħarġu dan l-aħħar.

• 1905 – Fil-Ħolm
  
• Storace – Rock This City
  
• Damaged & Co. – Reflections
  
• Nicole Frendo x Matt Blxck – Red Light
  
• Sarah Bonnici – Love You Like That
  
• Geo Debono – Timeless Romance
  
• Tom Caruana feat. yU & Amy Turk – Fun
• DJ Mac & D Legacy – My Song

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’kien Peach Talk? Minn żmien għal żmien jitfaċċaw ismijiet fuq ix-xena mużikali li jidhru ftit (u kultant ħafna) għal żmien qasir, u wara ftit xhur ftit li xejn tisma’ aktar dwarhom. L-agħar huwa meta anqas issib wisq dwarhom online, avolja suppost li kienu xi ħaġa li ġibdet l-attenzjoni ta’ massess ta’ nies. Hekk inħoss li hu (jew kien) il-każ t’a Peach Talk. Trio li donnu ngħaqad barra minn Malta, possibilment fl-Ingilterra, ħareġ EP (fit-8 ta’ Marzu 2024) li minnu qed nisimgħu xi siltiet illum, kellu jdoqq waqt l-Earth Garden tal-2024 (imma d-dettalji dwaru tneħħew minn fuq il-website!) u ftit li xejn aktar minn hekk. Li naf biss aktar huwa li l-membri kienu Zack Walters u S-il (li naħseb li wieħed minnhom biss huwa Malti) u l-kantanta Maltija Ella Pullicino, magħrufa aħjar bħala Ella Puci. Daqqew xi gigs fl-Offbeat u l-EP jismu Silly Boy u minnu llum qed nisimgħu dawn is-siltiet:

• Pretend
• Silly Biy
• Make Me Feel
  

PARTI 3: L-album tal-lum huwa 1984–2024 tal-X-Tend. Dan l-album jiċċelebra 40 sena ta’ dan il-grupp popolari Malti permezz ta’ recordings godda ta’ uħud mill-aktar siltiet popolari tagħhom. Apparti 10 siltiet minn dan it-tip hemm ukoll 4 remixes ta’ dawk li effetivament kienu l-ewwel 4 suċċessi tagħhom fis-snin 80. L-album nħareġ fis-26 ta’ Settembru 2024 u miinu jien għażilt li ndoqq dawn illum:

• I Can Feel
• Midnight Sun
• Boys of Tomorrow (The Re-Mix)
• Big Boys Don’t Cry

> Isma’ l-album kollu X-Tend 1984–2024 fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

 Is-sensiela Mużika Mod Ieħor ma’ Toni Sant tkompli bis-688 edizzjoni li huwa l-ewwel programm fit-tieni staġun għar-radju.

PARTI 1: Diski ġodda li ħarġu dan l-aħħar.

• The Rifffs – Oh No
  
• Chasing Pandora – One-Time Story
  
• Dean Muscat – Heart of the Med
  
• Charlie Busuttil – Silly Working Mule
• SterjoTipi – Destinazzjoni
  
• Esther Spiteri – In-Nar f’Għajnejja
  
• Myles – 20XX (An Open Letter to Myself)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: X’sar mill-Offbeat Sessions? Biex nagħtu tweġiba sura għal din il-kurżità naħseb li aktar jagħmel sens li nistaqsu u naraw x’inhuma, jew aħjar x’kienu, l-Offbeat Sessions l-ewwel. Però tajjeb ngħid mill-ewwel li ma nafx għaliex wara li ħarġu ħames videos minn dawn l-hekk imsejħa Offbeat Sessions fil-bidu tas-sajf li għadda, ma kienx hemm aktar minnhom. Forsi qed nippretendi wisq jien? Il-ħames Offbeat sessions li rajna permezz ta’ YouTube u Facebook dan is-sajf li għadda kienu mingħand Djun, Karmaġenn, Sean Borg, Ella Puci, u Mariele Żammit.  Illum għażil li ndoqq dawn is-siltiet kollha bit-tama li jitfaċċaw aktar, xi darba.

• Djun – It-Tabib ta’ Billejl
• Karmaġenn.- Serjeta Biss
• Sean Borg – Sigarett
• Ella Puci – The Bench Song
• Mariele Żammit – F’Nofs il-Ġardina

PARTI 3: L-album tal-lum huwa Celestial Rhymes of Conviction ta’ Currant Daze. Dan l-album ħabbartulkom żewġ edizzjonijiet ilu għax ħareġ fil-5 ta’ Settemrbu 2024. Minnu diġà doqna xi siltiet u llum għażilt uħud minnhom kif ukoll oħrajn li qed nisimgħu għall-ewwel darba. Forsi bix-xieraq insemmi li fuq dan l-album jinstema’ ukoll leħni waqt wieħed mill-programmi ta’ Campus 103.7 qed inħabbar li se ndoqq diska ta’ Currant Daze.

• Celestial Rhymes of Conviction
• Epiphany
• F.A.I.T.H.
• Out of Outlaws

> Isma’ l-album Celestial Rhymes of Conviction ta’ Current Daze fuq Spotify

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download (Duration: 59:30 — 136.3MB) | Embed

Subscribe: Apple Podcasts | RSS | More