Blog

Is-sensiela Mużika 21 tkompli fit-tielet staġun bil-ħdax-il programm tagħha li huwa s-37 edizzjoni.

PARTI 1: Diski ġodda li ħarġu fl-aħħar ġimgħat…

Dario Genevese – Sophia

SterjoTipi – Supereroj

Gail Attard – Live Without Me

Krista Šujak – Help Her

Chris Grech – Entwined

Antares Flare – What’s Gonna Kill Me First?

Id-dettalji tad-diski u recordings oħra kollha li ħarġu matul l-2022 issibhom permezz tal-wiki tal-M3P.

 

PARTI 2: Il-missier u l-iben hija t-tema tal-lum. Din torbot ma’ dik li eventwalment se tkun it-tielet parti tal-lum ukoll imma fil-verità ili ftit biex immiss ma’ dan is-suġġett.  Se nibda b’missier u mhux iben wieħed imma tnejn li lkoll kemm huma dehru f’edizzjonijiet preċedenti ta’ Mużika 21.  Qed nirreferi għall-kitarrist Joe S. Grech w uliedu Chris u Julian Grech.

• Joe S. Grech – Malta Ħanina
• Frenzy Mono– Crimson Deep
  

Propjament wasalt għal dan is-suġġett minħabba żball żgħir, imma sinifikanti li għamilt fuq il-wiki tal-M3P ftit tal-ġranet ilu. Ma kontx naf li Denzel Jo Armani jiġi iben Joseph Armani. Ġibdli l-attenzjoni dwar dan il-fatt sinifikanti l-ħabib tagħna Mario Axiaq, u minn hawn nirringrazzjah ta’ dan u tant ħidma oħra li jagħmel b’risq ix-xena tal-mużika Maltija.

• Joseph Armani & Corvin Dalek – Ride Me (Ħu Pjaċir)
  
• Denzel Jo Arman & Kevin Paul – One More Night

 

PARTI 3: L-album tal-lum huwa Four on the Floor ta’ Mirage. Dan huwa album ġdid b’siltiet fil-biċċa l-kbira qodma ta’ dan il-grupp popolari Malti li ilu attiv mill-1977. Din s-sena qed jiċċelebraw 40 sena mill-akbar kunċert ta’ mużika rock Maltija lii kien sar fl-1982 f’Dar il-Mediterran għall-Konferenzi. Ma’ dan l-album ħarġu wkoll 3 albums oħra: tnejn li kienu ħarġu qabel fuq cassette – For Absent Frends tal-1982 u Garage Technology tal-1987 –  kif ukoll Chapter 3 li fih diversi siltiet li ma kienux ħarġu recordiings tagħhom qabel. Hawn toħroġ ir-rabta mat-tema tat-tieni parti tal-lum għall-fatt li d-drummer u l-kantant tal-Mirage issa huma ulied il-bassista Jon Vella Zarb tal-istess grupp. Mir-raba’ album tal-Mirage, Four on the Floor, li ħareġ fuq Bandcamp mal-oħrajn kollha fl-14 ta’ Mejju 2022,  nisimgħu:

• Light of Day
• Kompjuter (verżjoni 2022)
• Quattro Formaggi
  

Tista’ tisma’ jew takkwista l-albums ta’ Mirage fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli fit-tielet staġun bl-għaxar programm tagħha li huwa s-36 edizzjoni.

PARTI 1: Diski ġodda li ħarġu fl-aħħar ġimgħat…

Jillian Jade – Backseat

Kym Pepe – Armier

Destiny – Fejn il-Baħar

Bahjat– I’m Here

The Myth – Without You

Different Minds – Helping Hand

Cosette – Next to You

Pyramid Suns – Cold Wind

Id-dettalji tad-diski u recordings oħra kollha li ħarġu matul l-2022 issibhom permezz tal-wiki tal-M3P.

 

PARTI 2: Ħarsa lejn il-klassifiċi tal-aqwa diski f’Malta. Dan suġġett li messejt miegħu diġa f’edizzjoni oħra ta’ Mużika 21. Hemm tipi ta’ klassifiċi differenti. Għalija, l-aktar waħda utli hija dik tal-PRS li tirrappreżenta liema diski qed jindaqqu l-aktar fuq ir-radju. Utli ukoll, għalkemm b’mod differenti, il-klassifika tal-aqwa 10 minn Bay 89.7, li effettivament hija l-għażla ta’ disk Maltin fil-playlist ta’ dak l-istazzjon, kif ukoll l-Aqwa 20 F’Malta li jagħżel u jippreżenta kull ġimgħa Alfie Fabri. Sas-sajf lii għadda din kienet tixxandar regolarment fuq Radju Malta imma għalkemm jidhirli li m’għadix toħroġ hemm (jista’ jkun għandi żball?) Alfie xorta kompla għaddej biha fuq DJ Vision.  Illum għażilt li nippreżenta 3 diski bil-Malti minn dawn it-3 klassifiċi attwali:

• Oxygyn – Purgatorju
• Kyle George – Tgħidlix Għalfejn
• The Travellers – Fejn Mar il-Kwiet?

 

PARTI 3: L-album tal-lum huwa Bassic Attitude ta’ Simon Sammut. Dan l-album ħareġ aktar minn 10 snin ilu, propju fis-26 ta’ Novembru 2011. Dan huwa wieħed minn ħafna album Maltin li wisq nibża faċli jintesew matul is-snin. L-ewwel ħaġa għax rari, biex ma ngħidx qatt, ma jindaqqsu siltiet minn album bħal dan fuq ir-radju. Fl-istess waqt, hemm ukoll il-kwistjoni ta’ distribuzzjoni u promozzjoni ta’ mużika minn Malta b’mod sistematiku.  Simon Sammut għandu website tajba ħafna bil-mużika tiegħu, imma kemm hemm nies li jafu jmorru għaliha. Issibha fuq simonsammut.com. L-album tal-lum, flimkien m’album aktar riċenti tiegħu li jismu Crossing, li ħareġ fl-2017 u huwa differenti ferm minn dan li għażilt li ndoqq siltiet minnu llum, jinstabu fuq bandcamp. Jaf nisimgħu aktar minn Simon Sammut darb’ oħra — faċilment daħal fit-tieni parti ta’ edizzjoni ta’ din is-sensiela flok fit-tielet. Illum, minn Bassic Attitude nisimgħu:

• Bassic Attitude
  
• Having You By My Side
• Alex’s Groove

Tista’ tisma’ jew takkwista l-album Bassic Attitude ta’ Simon Sammut fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli fit-tielet staġun bid-disa’ programm tagħha li huwa l-35 edizzjoni.

PARTI 1: Diski godda li ħarġu fl-aħħar ġimgħat…

Lyndsay Pace – Hanging

Amber Bondin – I Need You

Danica Muscat u Kapitlu Tlettax – Għażiż

DCapitals feat. Francesca Sciberras – Jekk Trid

1905 – Għix fil-Preżent

Id-dettalji tad-diski u recordings oħra kollha li ħarġu matul l-2022 issibhom permezz tal-wiki tal-M3P.

 

PARTI 2: Daqshekk Akalé Wubé. Ftit tal-ġimgħat ilu kont qed inqalleb fuq Facebook u sibt post ta’ Oliver Degabriele fejn iddikjara li l-band franċiża Akale Wubé mhux se tibqa’ flimkien. Oliver kien il-bassist tagħha għal dawn l-aħħar aktar minn 10 snin. L-ewwel album tagħhom ħareġ fl-2010 u kont daqqejt siltiet minnu fuq Mużika Mod Ieħor mill-ewwel dik is-sena stess. Matul is-snin ħarġu sitt album, bl-aktar wieħed riċenti, l-aħħar wieħed propju ftit tal-ġimgħat ilu lejn l-aħħar t’April. L-aħħar album jismu Anabessa u huwa ddedikat kollu kemm hu għall-mużika ta’ Manu Debango, mużiċist ċelebri mill-Kamerun li kien fost l-ewwel vittmi tal-Covid-19 fl-Marzu tal-2020. Se nisimgħa silta minn dan l-album il-ġdid imma nisimgħu ukoll żewġ siltliet mill-ewwel żewġ albums tagħhom ukoll:

• Jawa Jawa (mill-album debut fl-2010)
  
• Dodo (mill-album Mata tal-2012)
• African Pop Session (flimkien ma’ Manu Debango fill-album Anabessa tal-2022)
  

Tista’ tisma’ l-mużika ta’ Akalé Wubé fuq Spotify.

 

PARTI 3: L-album tal-lum huwa Voronoi Fracture ta’ In†rσwΣrks. Dan huwa l-album debut ta’ Introwerks, u nħareġ fit-30 t’April 2022 fuq Bandcamp. Dan inħareġ mid-ditta tad-diski Wirebox Records, li twaqqfet minn Introwerks innifsu flimkien ma’ Acidulant fl-2018. F’Mużika 21 iltaqjna mal-mużika ta’ Wirebox Records f’edizzjonijiet preċedenti meta daqqejtilkom siltiet mill-EP The Vat of Acid ta’ Nooġ, kif ukoll l-album li ħareġ is-sena l-oħra Teknoloġija: l-Ewwel Volum li jinkludi siltiet minn l-aqwa esponenti tal-mużika elettronika f’Malta.  Minn Voronoi Fracture ta’ Introwerks għażilt dawn is-siltiet:

• Fragments
  
• Synth With No Name
  
• Shatter
  
• Wicked
• Break

Tista’ tisma’ jew takkwista l-EP Voronoi Fracture ta’ In†rσwΣrks fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.