Blog

Is-sensiela Mużika 21 tkompli fit-tieni staġun bil-ħamsa u għoxrin programm.

PARTI 1: Aktar diski Maltin ġodda mill-2022:

Luke Chappell – A House is Not a Home

JOON – Watch The Sky (Neu-Romance Remix)

Bitterside – The Past (Alternate Version)

Andre Camilleri – Stand Like A Rock (minn You Can’t Take Nothing to the Other Side)

Nicky Bomba – Bubble Time (minn Food & Shelter)

Storace – Live and Let Live

PARTI 2: It-tema tal-programm tal-lum hija Manwel T. Nisimgħu erba’ siltiet ta’ dan il-mużiċist Malti li ilu attiv fix-xena alternattiva għal aktar minn 30 sena. Naturalment niffokaw l-aktar fuq materjal tiegħu mis-seklu 21, b’siltiet relattivament riċent u oħrajn minn ftit tas-snin ilu.

• Oneness (2020)
• Ethernal Horns (2020)
• Bombastic Ska (2015)
• Selasse I Dub (2009) ma’ Mind’s Eye Dub

PARTI 3: L-album ta’ llum jorbot ma’ dik il-kategorija ta’ artisti li ltqajna magħha anke aktar kmieni fil-programm tal-lum: il-Maltin ta’ barra. Tom Caruana ħareg l-album Strange Planet fl-4 ta’ Marzu 2022. Minnu se nismgħu dawn is-siltiet:

• 3000 Volt Scarf feat Lee Scott
• Lost My Way feat Maddy
• Chains feat Dillon

Tista’ tisma’ jew takkwista l-album Strange Planet ta’ Tom Caruana fuq Bandcamp.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli fit-tieni staġun bl-erbgħa u għoxrin programm.

PARTI 1: Diski Maltin ġodda ewwel xhur tal-2022:

Bee – Perfect Stranger

Dylan de Bono – You Got Me So High

The Travellers – Ħobbni Kemm Trid

Gaia Cauchi – Taħt Ħarstek

PARTI 2: It-tema tal-programm tal-lum hija diski li kważi ħarbuli. Xi jfisser dan? Hemm numru ta’ diski u recordings oħra li ħarġu fl-aħħar sena, jiġifieri fl-2021, li ma nkludejthom la fil-poddati ta’ Mużika Mod Ieħor u wisq anqas f’xi wieħed mill-programmi tiegħi fuq Campus FM.  Ma nafx eżatt għaliex ġara dan, u mhux dejjem għall-istess raġuni. Għax ġara hekk, dawn ma daħlux fl-MMI Listeners’ Picks Poll tal-2021. Dawn il-ħames siltiet li ġejjin jaqgħu propju f’din il-kategorija:

• Collateral Intellgence – Revisit (mill-album Butterflies in Funerals li ssibuh fuq Bandcamp)
• KNTRL – Just Words (Alex Niggemann Remix)
• Kantera – Tliet Kitarri u Mandolina
• Jillian Jade – Queens
• Cyberia – Aljenat
• 1905 – L-Art Ivvalenata Oh My Malta Tagħna

PARTI 3: L-album ta’ llum huma wiieħed mill-ewwel EPs Maltin li ħarġu fl-2022. Dan huwa Imħabba mill-Imsida ta’ 1905.  Miguel Vella huwa one nine zero five, dan l-isem, jew aħjar numru, li jirrekordja bih mhux biss dan l-EP imma anke diversi siltiet oħra.  Waqt il-programm tal-lum nisimgħu l-EP kollu, b’dawn is-siltiet:

• Emozzjonijiet Umani
• Meta Ngħid Inħobbok
• Gucci Gucci Tutti Frutti
• Ġenna Ma’ Ġembek
• Nagħfġek Ma’ Qalbi

Tista’ tisma’ jew takkwista l-album Imħabba mill-Imsida ta’ 1905 fuq Bandcamp inkella fuq YouTube bil-lirika ta’ kull kanzunetta.

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.

Is-sensiela Mużika 21 tkompli fit-tieni staġun bit-tlieta u għoxrin programm.

PARTI 1: Diski Maltin ġodda minn Frar 2022:

PARTI 2: It-tema tal-programm tal-lum hija l-poeżiji ta’ Charles Casha mmużikati minn Mario Debono. Riċentament irċivejt dawn it-tliet kanzunetti mibnija fuq poeżiji ta’ Casha, b’mużika u kant ta’ Debono. Charles Casha mhux assoċjat wisq mal-mużika jew il-kant bil-Malti. Aktarx li l-aktar li hu magħruf huwa bħala l-kittieb tal-praspar ta’ Fra Mudest, għalkemm kiteb bosta affarijiet oħra matul is-snin.  Tajjeb insemmu però, li fl-ewwel edizzjoni ta’ dak li llum huwa l-Għanja tal-Poplu rebaħ dak il-festival bil-kanzunetta L-Warda interpretata minn Charles Azzopardi. Mario Debono ukoll għandu rabta tajba ma’ dan l-istess festival; mhux biss ħa sehem bosta drabi imma rebaħ ukoll darbtejn (1980 u 1986), l-ewwel darba bil-kanzunetta Noli li huwa wkoll isem l-album li ħareġ fl-2020 eżatt kif faqqgħet il-pandemija.

It-3 kanzunetti minn din il-kollaborazzjoni ġdida huma:

• Li Kieku Nista’
  
• La Inti Qbadt u Tlaqt
  
• Għada Malli Jisbaħ

Sib l-album Noli ta’ Mario Debono fuq Apple Music

PARTI 3: L-album ta’ llum huma żewġ albums li nħarġu separatement mill-istess grupp fl-istess ġurnata. Il-grupp huwa Lord Adder u l-albums huma Operation Pedestal u 1565. Dawn inħarġu fis-7 ta’ Frar fuq Spotify u YouTube.

Minn Operation Pedestal nisimgħu:

• Pmc
• The Gut

Tista’ tisma’ l-album Operation Pedestal ta’ Lord Adder fuq Spotify jew YouTube

Minn 1565 nisimgħu:

• Every Level
• Back to Humanity

Tista’ tisma’ l-album 1565 ta’ Lord Adder fuq Spotify jew YouTube

Mużika 21 huwa produzzjoni tal-Fondazzjoni M3P u jixxandar fuq Campus FM kull nhar ta’ Tnejn f’12:00pm u l-Ħamis fis-6:00pm.