Blog

Is-sensiela Mużika Mod Ieħor ma’ Toni Sant tkompli bis-680 edizzjoni li huwa s-sitt programm fl-ewwel staġun għar-radju.

PARTI 1: Diski ġodda li ħarġu dan l-aħħar.

• Simon Sammut – Feel the Music (mill-album Visions of Transcendence)
• The Busker – Talking Back
  
• One11 – Vera Top
  
• Brian Farrugia – Aunt Sally (Stop the Abuse)
• Neil Pantos – Waterfall (mill-album Salt Water fuq Battibatti)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Min hu Capitol K? Qabelxejn, tajjeb ngħid mill-ewwel li Capitol K mhux xi ħadd Malti u wisq anqas ma jidhirli li hu xi ħadd ibbażat Malta. Pero, milli nista’ nifhem, huwa xi ħadd ta’ dixxendena Maltija, u li twieled Malta. Mela, biex inwieġbu l-mistoqsija kif jixraq: Capitol K huwa Kristian Craig Robinson, twieled Malta minn omm Maltija u missier Ingliż. Hu trabba f’diversi postijiet differenti bħall-Brunei u Dubai qabel ma eventwalment mar joqgħod Londra. Dan it-tagħrif iltqajt miegħu l-ewwel darba fis-sajf tal-2007 meta kien se jidher f’gig fil-Poxx Bar flimkien ma’ Danjeli Schembri u Jon Mallia, meta kien għadu jirrappja bħala Jon IQ. Kont daqqejt xi ħaġa tiegħu waqt it-83 poddata ta’ Mużika Mod Ieħor. Issa reġa’ tfaċċa fuq ir-radar tiegħi għax għadu kemm ħareġ album li jismu Local Popular Song Vol.1. Ħareġ diversi albums oħra qabel dan. Dan l-album il-ġdid, li ħareg fuq Bandcamp fit-12 ta’ Lulju 2024, fih diversi siltiet li jinkludu samples minn diski popolari Maltin tas-snin 70. Minnu għażilt dawn it-tlieta:

• Beat the Heat (minn Xi Sħana ta’ Joe James)
• The Cockerel Calls (minn Filgħodu Kmieni ta’ Qoton & The X-Bones)
• Oblivious Find the Hidden (minn Niftakar Fik ta’ The Followers)

PARTI 3: L-album tal-lum huwa l-EP Naddatta ta’ Cher Camilleri. Forsi mhux sew insejħulu album dan l-EP għax fih biss 5 siltiet. Maħruġ minn Ultralow Music fit-12 ta’ Lulju 2024 fuq Spotify. Ħassejtha naqra stramba li Naddatta ma dehrx fuq Bandcamp, mill-ewwel meta ħareġ. Eventwalment ħareġ fuq dik il-pjattaforma ukoll fit-30 ta’ Lulju. L-importanti li nistgħu nisimgħu l-kanzunetti ta’ Cher Camilleri f’dan l-EP. Minnhom għażilt dawn:

• Naddatta
  
• Iż-Żmien
  
• Fjur

> Isma’ l-EP Naddatta ta’ Cher Camilleri kollu fuq Spotify.

> Isma’ jew niżżel l-EP Naddatta ta’ Cher Camilleri kollu fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-679 edizzjoni li huwa l-ħames programm fl-ewwel staġun għar-radju.

PARTI 1: Diski ġodda li ħarġu dan l-aħħar.

• Berne – You Never Get Enough
  
• Shaun Farrugia – Happier
  
• Tara Formosa – Holding Back
  
• Midnight (feat. Joe Roscoe + Kevin Paul) – Same Old Story
  
• Manwel T meets Dubmatrix – Atomic Dub
  
• Cher Camilleri – M’Hemm Għalfejn Ngħidu Xejn

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Tislima lil Mark Mallia (1965–2024) Ftit tal-ġimgħat ilu, preċiżamnet nhar it-Tlieta 23 ta’ Lulju 2024, tħabbret il-mewt ta’ Mark Mallia. Għalkemm huwa kien magħruf l-aktar bħala artist viżiv, uħud jafu li Mark Mallia kien ukoll kantant. U din mhux xi ħaġa li ġrat biss riċentament, kif narawh fir-ritorn tiegħu fix-xena ma’ Todomusica (David Cassar Torregiani u Toby Farrugia) b’Hate Me, imma xi ħaġa li tmur lura sal-bidu tas-snin 80. Filfatt, l-ewwel darba li ltqajt ma’ Mark Mallia kien għadu kemm spiċċa minn mal-grupp Upside Images, li kienu dehru f’diversi diskoteki madwar Malta ta’ dak iż-żmien, u kien għadu kemm ingħaqad ma’ verżjoni ġdida tal-grupp Chi-2 f’Tigne. It-tnejn li aħna, ftit wara tlaqna minn Tigne u sseħbna ma’ gruppi oħra, fil-każ tiegħu il-grupp kien jismu Man & White. Din il-band damet attiva għal numru ta’ snin fi tmiem is-snin 80 u l-bidu tas-snin 90, tant li konna stedinnhom idoqqu live waqt il-programm Mill-Garaxx li kont nippreżenta jien fuq TVM, fi tmiem is-snin 80. Iż-żewġ recordings li saru għal dak il-programm huma fost is-siltiet li qed nisimgħu llum biex insellmu lill-artist Mark Mallia li miet fl-eta ta’ 59 sena.

• Hate Me
  
• Americana
• Moon Song
  

PARTI 3: L-album tal-lum huwa id-debut ta’ Memphis Mac. Is-sena l-oħra kellna t-tieni parti ta’ wieħed mill-progrmami ta’ Mużika 21 fuq Campus 103.7 li fiha nstemgħu diversi siltiet ta’ dan il-grupp irrekordjati live f’Liverpool l-Ingilterra. Issa għandna l-album debut tagħhom li ħareġ fit-12 ta’ Lulju. Hemm ċans tajjeb li rajtuhom idoqqu live waqt xi waħda mill-edizzjonijiet tal-Earth Garden riċenti. Il-kantant ta’ Memphis Mac jismu Cameron Gray u l-mużiċisti Maltin miegħu f’din l-band huma  l-kitarrist Andreas Micallef, il-bassist Luca Grima, u d-drummer Erin Portelli. Mill-album għażilt dawn is-siltiet

• Thin Ice
  
• Huntsman
  
• Johnny Boy

> Isma’ l-album ta’ Memphis Mac kollu fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant issa fuq ir-radju bis-678 edizzjoni li huwa r-raba’ programm fl-ewwel staġun għar-radju.

PARTI 1: Diski ġodda li ħarġu dan l-aħħar.

• The Rifffs – Modern Society
  
• Kantera – Vjaġġ Sabiħ
  
• Andrew Zammit – Rajtek
  
• Emilie Schiøtt – From the Heart
  
• Klinsmann – Something Real
• Vrátit Se Zpátky feat. Eddie Fresco – PTK
• Alien Grace – Calm Before the Storm
  
• Andre Camilleri – Leave Me Alone (from the album Clouds)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Min hu Tony Pace? Personalment inħoss li din il-mistoqsija m’għandnix nistaqsuha. Xorta waħda però, ikolli ngħid li mhux biżżejjed nies jafu li Tony Pace huwa l-aktar kitarrist Malti prolifiku anzjan li għadu attiv fix-xena lokali. Ilu jdoqq il-kitarra sa minn tmiem is-snin 50, u kien fost l-ewwel kitarristi li dehru fuq is-servizz tat-television Malti fil-bidu tas-snin 60. Ftit wara kien anke għamel żmien idoqq f’nightclub Londra, fejn tħabbeb sew mal-mużika jazz. Madankollu, sal-bidu tas-snin 70 kien beda jdoqq stil ta’ kitarra klassika, u din it-teknika addattata għal melodiji folkloristiċi eventwalment saret l-istil li Tony Pace huwa l-aktar magħruf għalih sal-lum, anke jekk min jirnexxielu jarah idoqq jagħraf li mhux marbut ma’ stil wieħed biss.

Illum qed nisimgħu siltiet mill-album tiegħu Contemporary Maltese Folk Music li oriġinarjament nafuh mis-snin 70, iżda li ġie rrekordjat mill-ġdid u maħruġ f’edizzjoni limitata fil-bidu tal-2023. Flimkien ma’ Tony Pace fuq il-kitarra f’dan l-album nisimgħu lil Bernard Catania u Alison Galea, kif ukoll iben Tony, Sandro Pace, fuq il-bass, flimkien ma’ Justin Xerri fuq il-cajón. Ħarbilna meta ħareġ dan l-album, imma llum qed nisimgħu dawn is-siltiet minnu:

• Żernieq
• Sette Giugnio
• Nostalġija
• Baħar ta’ Mrar

PARTI 3: L-album tal-lum huwa Tilwin ta’ Robert Farrugia. Fl-aħħar wasal! Dan l-aktar album riċenti ta’ Robert Farrugia ħareġ  fuq it-tikketta tad-diski Olandiża Dronarivm fis-6 ta’ Marzu 2024. Minn dak in-nhar ‘l hawn, kull ġimgħa kellna  album ġdid ieħor x’ninkludu bħala l-album tal-ġurnata. Però bis-saħħa t’hekk irnexxielna nsemmu dan l-album ferm aktar drabi milli kieku daqqejt erba’ siltiet minnu f’Marzu li għadda, u litteralment barra bid-daqq. Sal-ġimgħa l-oħra stess smajna l-verżjoni merjevali ta’ Long Wait, li effettivament kienet single misluta minn dan l-album. Illum għażilt dawn is-siltiet:

• Tilwin
  
• Steps
  
• Eku

> Isma’ jew niżżel l-album Tilwin ta’ Robert Farrugia kollu fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant issa fuq ir-radju bis-677 edizzjoni li huwa l-tielet programm fl-ewwel staġun għar-radju.

PARTI 1: Diski ġodda li ħarġu dan l-aħħar.

• Avenue Sky – Eternità
  
• The JoyGivers – Fir-Ramla l-Ħamra
  
• The Stents – Over the Moon
  
• Aidan – Hero
  
• Walletking – Jail On My Mind
  
• Robert Farrugia + Welleda Muller – Long Wait (Medieval Rework)

> Id-dettalji tad-diski u recordings oħra kollha li ħarġu matul l-2024 issibhom permezz tal-Wikipedija.

PARTI 2: Min hu Miguel Magri? Ftit tal-ġimgħat ilu, iltqajt ma’ artiklu online dwar ix-xogħol li qed jagħmel dan il-mużiċist żgħażugħ Malti fil-Polonja mal-kumpaniji Closer Music u l-IMS. Ngħid id-dritt qatt ma kont smajt bih qabel. Anqas bl-isem li jidher li juża meta jdoqq fil-pubbliku, jiġifieri Genesis. F’dan l-artiklu kien hemm miktub ukoll li Magri dalwaqt se jirrekordja aktar f’Ibiza, il-Marokk, l-Italja u r-Rumanija. L-artiklu jinkludi ukoll ħolqa għal live set ta’ Genesis fuq bejt bil-belt Pollakka ta’ Gdansk. Mid-dehra normalment irrekordja bl-isem ta’ Mr M ukoll u allura naħseb li s-set jismu Genesis u Miguel Magri huwa Mr. M. Illum se nisimgħu silta mir-recording ta’ Gdansk f’din il-parti ta’ MMI.

PARTI 3: L-album tal-lum huwa Reroot ta’ Eyes to Argus. Id-data uffiċjali tal-ħruġ ta’ dan l-album hija d-19 ta’ Lulju 2024. Minn żmien għal żmien ikollna albums li jidhru f’din il-parti tal-programm qrib ħafna tad-data tal-ħruġ. Propjament kellna diġà dawk li nistgħu nsejħulhom żewġ singles minnu. Bloodstream Waterfall Cannonball deheret flimkien mal-ewwel avviż promozzjonali dwar l-album fis-6 ta’ Ġunju, filwaqt li Your Piece serviet l-istess għan fl-4 ta’ Lulju, ħmistax eżatt qabel id-data tal-ħruġ uffiċjali tal-album. Il-kantanti ta’ Eyes to Argus huma Samwel Mallia u Ben Mifsud Joslin, li jdoqqu l-kitarra u l-bass, rispettivament. Il-mużiċisti l-oħra huma Robert Farrugia bis-synths u l-pjanu, u Samuel Attard fuq id-drums. Minnu qed indoqq dawn waqt il-programm:

• Procrastinator Man
  
• Your Piece
  
• Minute
• More Than I Can Chew

> Isma’ jew niżżel l-album Reroot ta’ Eyes to Argus kollu fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm u s-Sibt fis-2pm.

Podcast: Play in new window | Download () | Embed

Subscribe: Apple Podcasts | RSS | More