Blog

Is-sensiela Mużika Mod Ieħor ma’ Toni Sant tkompli bis-746 edizzjoni li huwa s-seba’ programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Chris Lanzon –Rise and Fall
• A Broken Design – Sun in the Gutter 
• Mistura – Il-Ħadd Filgħaxija
• Stjanu – Lament Kuntent
• Kevin O’Reilly a/k/a Otherend – Refraction (Sound Synthesis Remix) 

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Min hu l-Farrad Waħdieni? Din il-mistoqsija tista’ titwieġeb faċilment billi ngħid: Matthew Cardona. Però b’daqshekk ma nkunu għedna xejn t’interess partikolari. Pjuttost interessanti ngħidu xi ħaġa dwar il-proġett ta’ Matt Cardona, li jirrekordja bl-isem ta’ Farrad Waħdieni, u li tiegħu issa għadu kemm ħareġ it-tieni volum. Il-proġett jismu Id-Dipartiment tal-Informazzjoni u t-tieni volum ħareġ propjament fit-12 Settembru 2025. Mużikalment jikkonsisti f’diversi samples minn diski Maltin immanipulati u m-miksjati ma’ siltiet minn xandiriet bil-Malti minn żminijiet oħra.  L-ewwel volum jidher li ħarabli kien meta ħareġ oriġinarjament fit-12 Novembru 2024…jiġifieri eżatt sena ilu. Iż-żewġ volumi ssibuhom fuq Soundcloud peremezz tal-ħolqa t’hawn taħt. Illum qed indoqq xi siltiet mit-tieni volum:

• Ispira Ruħek
• Delirju tad-Deni
• Frans ta’ Ġanni l-Għawdxi (Marc ta’ Filgħodu)
• Blue Film
• Baħħ bil-Lejl

> Isma’ d-diski ta’ Farrad Waħdieni fuq is-Soundcloud.

PARTI 3: L-album tal-lum huwa Promises ta’ Mama Kin Spender. Dan id-duo mill-Awstralja diġà kellna l-opportunità nisimgħu xi ħaġa mingħandhom; f’Awwissu kont daqqejtilkom is-silta Dance With Me, li huma ħarġu anke bħala single promozzjonali minn dan l-album. Naturalment aħna nikludu album bħal dan waqt MMI għax ikollna regolarment kontribuzzjonjiet mingħand Maltini ibbażati barra minn Malta. Mama Kin hija Danielle Caruana, li ġejja minn familja kreattivà li tmur lura mill-anqas żewġ ġenerazzjonijiet f’Malta, apparti l-Awstralja. Il-kollaboratur ewlieni tagħha f’dan l-album u fid-duo Mama kin Spender huwa Dingo Spender, li ilu attiv fix-xena mużikali Awstraljana għal dawn l-aħħar mill-anqas 25 sena. Promises ħareġ fil-15 t’Awwissu 2025 u minnu llum għażilt dawn:

• Promises
• Dance With Me
• Arrows
• A Love That Will Not Die

> Isma’ l-album Promises ta’ Mama Kin Spender fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-745 edizzjoni li huwa s-sitt programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Toby Farrugia ft. Sean Kamati – You
• Kyl0 – Stella Maris
• Ġenn – Reverbnation
• Jessica Grech – Like a Pepper
• Eleanor Cassar – Fl-Eternità
• Peklektru – Mandragreen

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Kif tkun taf x’diski ġodda ħarġu dan l-aħħar? Din il-mistoqsija hija tikka differenti minn dak li rrid nitkellem dwaru llum. Imma kemm ili nagħmel il-poddati ta’ Mużika Mod Ieħor, minn Novembru t’għoxrin sena ilu, sirt ferm aktar kalm fil-mod kif nitkellem dwar dak li jdejjaqni. Mhux għax sar idejjaqni anqas imma għax verament bdejn naqta’ qalbi li xi darba l-affarijiet għad jinbidlu biżżejjed biex xi ħadd bħali jħoss id-differenza.  Kemm ġej bi kliem, Ton? X’qed idejjqek.  Ok, ħa ngħidlek mela: għall-Halloween ta’ din is-sena – kummerċjalizazzjoni assoluta addottata minn kulturi li mhux tagħna flok il-festa tal-erwih kollha bir-tradizzjoni ta’ Novembru bħala x-xahar tal-mejtin – ħarġu żewġ diski ġodda li sirt naf bihom biss ġurnata jew tnejn qabel ħarġu. U għalhekk ma stajtx ninkludihom fl-edizzjoni li għaddiet ta’ Mużika Mod Ieħor li xxandret propju fil-ġirja frenetika tal-isfruttament kummerjċali ta’ dan is-self kulturali infondat. Qed indoqqhom illum dawn iż-żewġ diski, għax xorta kont ninkludihom bi pjaċir kieku waslu għandi qabel ħarġu. U qed ngħid dan kollu għax kemm ilna nxandru Mużika Mod Ieħor fuq Campus 103.7 nagħmel recording diversi granet qabel jixxandar nhar ta’ Ħamis fis-6pm u fil-11pm. Ara s-Saħħar u l-iMnajdra, ilhom diversi ġimgħat li qalulna li se joħroġu album flimkien li jismu MDLXV [1565] Fidi, Vendetta fis-12 ta’ Novembru. U allura bi pjaċir illum ninkludi s-silta promozzjonali li ħarġu minnu ma’ dawn it-tnejn l-oħra li kien ikun ferm aktar xieraq li kieku waslu għandna qabel l-aħħar ta’ Ottubru.  Mhux hekk?

• K.A.R.R. – Weenhallow
• Ira Losco – Monster After Midnight
• Saħħar + Mnajrdra – Iermu’s Last Cry

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 3: L-album tal-lum huwa Noli ta’ Mario Debono. Dan l-album oriġinarjament ħareġ fl-15 ta’ Marzu 2020, imma ħabba r-restizzjonijiet tal-pandemija tal-Covid-19, li kienu bdew dik il-ġimgħa stess, ma kienx hemm attività pubblika bi tnejdija konvenzjonali. U tista’ nistgħu nimmaġinaw li l-kantawtur veteran Mario Debono ħass xi ħaġa nieqsa minn dak in-nhar l-hawn. Issa, jew aħjar ftit tal-ġranet ilu fit-12 ta’ Ottubru 2025, kellu tnejdija doppja ta’ dan l-album mal-ġabra ġdida ta’ kanzunetti tiegħu f’forma ta’ ktieb bl-isem ta’ Żiffa Folk. Minn l-album Noli għażilt dawn illum:

• Noli
• Issa Lix-Xemx
• Iż-Żmien
• Orqod Ibni

> Isma’ l-album Noli ta’ Mario Debono fuq Spotify.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:30 — 78.9MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-744 edizzjoni li huwa r-ħames programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Johann Caruana – Dance to the Sound
• Bahjat – Loco
• Nedx – My Time
• Divine Sinners – Revenge of the Hedgehog
• Mosrot – Primrose Path

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Min hu l-iżgħar esponent li qatt kellna fuq MMI? Din il-mistoqsija ġiet f’moħħi meta rajt rapport fit-Times dwar l-EP li għadu kemm ħareġ Niko Jay ta’ 12-il sena, li huwa iben Owen Jay. Normalment nevitaw li ninkludu kantanti u mużiċisti taħt is-sittax il-sena waqt MMI.  Din xi ħaġa li rari nkisret fl-20 sena kemm ilha teżisti l-poddata.  Eċċezzjonijiet kien hemm, sintendi.  Imma waħdiet. U din ta’ Niko Jay indubjament li waħda minnhom jekk mhux l-aktar wieħed żgħir fl-età li kellna s’issa. L-EP tiegħu jismu Ascending u nħareġ fuq it-tikka tad-diski Batti Batti fit-30 ta’ Settemrbu 2025.  Minnu għażilt dawn:

• Ascending
• X-5

> Isma’ jew niżżel Ascending ta’ Niko Jay fuq il-Bandcamp

PARTI 3: L-album tal-lum huwa Mariana From Tijuana ta’ Andre Camilleri. Diġà ħabbarna l-ħruġ ta’ dan l-album xi ftit tal-ġimgħat ilu. Propjament ħareġ fit-18 ta’ Awwissu 2025, tlett ijiem biss wara l-album tiegħu Punky Tonk. din id-darba l-element ta’ mużika stil country jinħass sew aktar minn fl-album ta’ qabel, forsi anke minħabba t-tema tal-kanzunetti nfushom. Xorta waħda, jkolli ngħid, hemm il-laqta’ partikolari ta’ Camilleri f’din il-ġabra ta’ kanzunetti. Min dan l-album għażilt dawn illum:

• Mariana From Tijuana
• Cigarettes & Loaded Guns
• Outlaws Don’t Die Quiet
• Every Path Leads To The Same
• Gravedigger’s Waltz

> Isma’ jew niżżel l-album Mariana from Tijuana ta’ Andre Camilleri fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 59:00 — 75.4MB) | Embed

Subscribe: Apple Podcasts | RSS | More

Is-sensiela Mużika Mod Ieħor ma’ Toni Sant tkompli bis-743 edizzjoni li huwa r-raba’ programm fis-sitt staġun għar-radju.

PARTI 1: Diski ġodda li ħarġu dan l-aħħar.

• Owen Leuellen –Bet On Me
• Ivan Grech – Picture on the Wall
• Nathan – Down
• Mariah Gerada – Double Crossed
• Project – Taħlix
• Melchior Sultana feat. Janelle Pulo – Ghost

> Id-dettalji tad-diski u recordings oħra kollha li ħarġu matul l-2025 issibhom permezz tal-Wikipedija.

PARTI 2:  Rajthom idoqqu live lil 5 Years From Now? Ikolli nammetti li ftit li xejn naf dwar it-trio Malti 5 Years From Now. Mhux li ma naf xejn, għax l-ewwel silta li naf li kienu ħarġu fl-2019 kien jisimha Nosebleed. Naf ukoll li lejn tmiem l-2022, it-tikketta tad-diski Maltija Kewn Records ħarġet l-album tagħhom Ħakem, li kien fih diversi siltiet interessanti, fosthom is-single Greedo Island, li għaliha anke video kienu ħarġu. Li rrid ngħid, naħseb, huwa li qatt ma rajthom idoqqu live s’issa. U dan ċertament mhux għax ma jdoqqux live, imma għax l-affarijiet ġew hekk. U allura fraħt meta rajt li qed joħorġu diversi siltiet mill-kollezzjoni tal-2022 Live (fuq il-Bejt).  Dan jinkludu:

• RU
• Greedo Island
• Lose
• Chase

> Ara lill-Five Years from Now doqqu Live (fuq il-bejt) fuq YouTube

PARTI 3: L-album tal-lum huwa Africa ta’ Manwel T. Kellna l-opportunità nisimgħu diversi siltiet mingħand Manwel T f’dawn l-aħħar xhur, biex ma ngħidx snin. Fit-3 ta’ Ottubru 2025 huwa ħareġ dan l-album li fih ħames siltiet strumentali tiegħu fuq stil reggae, u wara kull waħda joffri lis-semmiegħa tal-album il-verżjoni dub ta’ kull silta. Illum għażilt li nisimgħu il-ħames siltiet prinċipali f’dan l-album:

• Africa
• Norma
• Creation
• Captives
• Rasta Medi

> Isma’ jew niżżel l-album Africa ta’ Manwel T fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download (Duration: 58:33 — 134.1MB) | Embed

Subscribe: Apple Podcasts | RSS | More