Mużika Mod Ieħor – 757

Is-sensiela Mużika Mod Ieħor ma’ Toni Sant tkompli bis-757 edizzjoni li huwa s-sitt programm fis-seba’ staġun għar-radju. 

PARTI 1: Diski ġodda li ħarġu dan l-aħħar.

• Peklektru – Bħalissgħadnhaw’
• Sean Borg – Annimal
• Gaia Cauchi – Tama
• Karm Debattista mssp – I Come Alive
• Singularity Point – Assemblages of the Self

> Id-dettalji tad-diski u recordings oħra kollha li ħarġu matul l-2026 issibhom permezz tal-Wikipedija.

PARTI 2:  MMI 2025 Listeners’ Picks Poll. F’din il-parti ta’ Mużika Mod Ieħor illum għandna kurżità speċjali: liema kienu dawk is-siliet li intom is-semmiegħa tagħna għażiltu bħala l-favoriti tagħkom tal-2025. Il-votazzjoni kienet miftuħa matul ix-xahar kollu ta’ Jannar, kif tkun kull sena, u vvotaw 189 persuna. Dawn huma l-għażliet tagħkom f’kull kategorija:

Maltin ibbażati barra minn Malta:

• Alexandra Alden

Albums:

• Benji Cachia – Akshara 
  

EPs:

• Eyes to Argus – Reboot

Videos bil-Malti:

• Beheaded –Għadam

Videos mhux bil-Malti:

• Bila –A Thousand Wolves

Lyric videos:

• Scar – Dancing in the Sun

Singles:

• Chellcy Reitsma – Carpe Diem

> Ara d-diski u recordings oħra kollha innominati mill-2025 u aktar dettalji dwar l-aktar 5 li rċievew voti f’kull kategorija

PARTI 3: L-album tal-lum huwa Centrepiece ta’ Glen Montanaro & Sophus Bech. Kellna albums oħra mingħand il-kitarrist Glen Montanaro waqt MMI matul is-snin li għaddew. Illum għandna l-ġdid tiegħu, maħruġ ftit tal-ġranet ilu, fl-24 ta’ Jannar 2026. Din id-darba għandna dwett ieħor, f’dan il-każ mas-sassofonist Daniż Sophus Bech. Ngħid għalija tinħass sew id-differenza fil-ħoss ta’ din il-kollaborazzjoni minn dik li offrielna Montanaro f’Nordterra ma’ Walter Vella, ftit aktar minn sena ilu – f’Novembru 2024. It-timbru ta’ Montanaro hemm għadu, imma din id-darba d-daqq ta’ Bech iżid fl-estetika Nordika li jippreżenta dan il-kitarrist Malti.  Minn dan l-album illum għażilt dawn:

• Persistence
• Prolonging
• Brain Behind

> Isma’ jew niżżel l-album Centrepiece ta’ Glen Montanaro & Sophus Bech kollu fuq Bandcamp.

Mużika Mod Ieħor huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6pm + fil-11pm.

Podcast: Play in new window | Download () | Embed

Subscribe: Apple Podcasts | RSS | More