Blog

Is-sensiela Mużika 21 tkompli bl-edizzjoni numru 114 li huwa l-għaxar programm fid-disa’ staġun.

PARTI 1: Diski li ħarġu dan l-aħħar. 

• Skald – Il-President
  
• Michael Azzopardi – Milied Mingħajr Tiżjin
  
• Brian Farrugia – Warda Ħamra Minn Ġol-Ġnien
  
• Weeping Silence – The Collector
  
• Dario Genovese – Washington Square Park (live at Cornerhouse Studios)

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Ħsejjes minn Backstage TV. Meta kont bdejt nagħmel il-poddati ta’ Mużika Mod Ieħor fuq ToniSant.com xi 18-il sena ilu, waħda mir-raġunijiet li kont ħassejt il-bżonn tagħhom kienet li ftit li xejn kienu jinstemu u jidhru esponenti mużikali Maltin fuq il-mezzi tax-xandir lokali, ħlief dawk assoċjati mal-Eurovision u l-festivals simili tiegħu. Illum is-sitwazzjoni jidher li qed tinbidel sew. B’eżempju ta’ dan regolarment insemmi l-kanal tal-Melita Cable li joffri 24 siegħa nonstop ta’ videos mużikali minn Malta. Riċentament intbaħt ukoll li xi żewġ stazzjonijiet tar-radju lokali qed jinkludu aktar materjal Malti b’mod regolari fil-playlists tagħhom. Xi ħaġa oħra li laqtitni partikolarment hija sensiela ta’ kuljum (tal-anqas jekk fhimt sew) li qed tixxandar fuq TVM fejn Gordon Bonello jintroduċi verżjonijiet live ta’ kanzunetti relattivament riċenti minn esponenti Maltin.  Dawn jinterpretawhom huma stess live fl-istudio. Illum għażlt li ndoqq xi ħaġa minnhom dawn:

• Dylan Debono – You Got Me So High
  
• Krista Šujak – Stronger
• Kym Pepe – Armier
• Kersten Graham – Close to Home

> Ara u isma’ diversi siltiet minn Backstage TV fuq YouTube

PARTI 3: L-album tal-lum huwa Stoner Rock  ta’ Andre Camilleri. Dan huwa id-disa’ album ta’ Andre Camilleri din is-sena.  Iva, ħareġ tmien albums oħra fl-aħħar 11-il xahar ta’ din is-sena dawn il-kantawtur Malti-Awstraljan. U diġà ħabbar ukoll li se joħroġ ieħor qabel l-aħħar tas-sena.  Stoner Rock huwa xi ftit differenti mill-biċċa l-kbira tal-materjal li ħareġ mhux biss din is-sena imma anke fi snin riċenti. Min imdorri jisma’ lil Andre Camilleri jintebah mill-ewwel xi rrid ngħid meta jisma’ mqar silta waħda minn dawk li nsibu f’dan l-album. Għal-lum għażilt li ndoqq dawn minnu:

• Ain’t Going Back Again
• Never Will
• Too Stoned to Get High
• Don’t Let it Drive You Mad
• Until You Can’t Go No More

> Isma’ jew niżżel l-album Stoner Rock ta’ Andre Camilleri kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bl-edizzjoni numru 113 li huwa d-disa’ programm fid-disa’ staġun.

PARTI 1: Diski li ħarġu dan l-aħħar. 

• ManaTapu – Rastaċċun
  
• Custò – Breathe
• Bernie and Pod – Ħobbni
  
• Daryl Jaymes – Il-Mikrofonu u Jien
  
• Andre Camilleri – Too Stoned to Get High (minn Stoner Rock)

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Acknologica. Matul l-40 sena li ili nxandar, regolarment iltqajt ma’ esponenti mużikali li jitfaċċaw fix-xena, jagħmlu naqra ħoss, u eventwalment jisparixxu. Xi darba rrid nara nintroduċix din l-idea bħala wieħed mill-kunċetti li niltaqgħu magħhom regolarment f’din it-tieni parti tal-programmi f’din is-sensiela. Xi drabi ftit li xejn inkunu nafu dwar dawn l-esponenti, bħal per eżempju Acknologica li tlaqjt miegħu ftit tal-granet ilu. Il-proġett jidher li taffaċċa fuq il-YouTube madwar 3 snin ilu. Hemm insibu t-tliet siltiet li qed nisimgħu llum waqt il-programm. Fl-10 ta’ Novembru 2023 tfaċċa Ep bl-isem ta’ Astronomical Echoes mingħand Acknologica fuq Spotify u xi pjattaformi diġitali oħra.  Apparti t-3 siliet li dehru qabel permezz ta’ YouTube, dan l-EP jew album qasir jinkludi ukoll żewġ siltiet oħra apparentament ġodda.  Ma naf assolutament xejn aktar dwar Acknologica, anke wara li żort li paġna b’dan l-isem fuq Facebook:

• Battle of the Stars
  
• Frisbee Through the Galaxy
  
• Intergalactic Silence
  

> Isma’ l-EP Astronomical Echos ta’ Acknologica kollu fuq Spotify

PARTI 3: L-album tal-lum huwa Golden Palms  ta’ Golden Psalms. Meta fl-aħħar programm daqqejtilkom siltiet mill-album il-ġdid  ta Peter Sant li jismu Mining the Hamam għedtilkom ukoll li għalkemm lil Peter Sant antikmanet nafuh jikkollabora mal-Hunters Palace u proġetti assoċjati magħhom, mill-2021 kellna wkoll il-kollaborazzjoni tiegħu mal-grupp Golden Psalms. Mingħand dan il-grupp Ingliż, apparti għal Sant, jew li tal-anqas huwa bbażat fl-Ingilterra, konna smajna album mingħandhom is-sena l-oħra. Peter Sant idoqq fuq il-kitarra u synths f’Golden Psalms, flimkien mal-bassist James Harris u Nick Drake fuq id-drums.  Illum se nisimgħu xi siltiet minn dan l-album il-ġdid ta’ Golden Psalms li ħareġ fuq Bandcamp fit-12 ta’ November 2023. Uħud mis-siltiet fihom biss xi minuta jew anke anqas kultant. Jien għażilt uħud mill-itwal siltiet għal-lum:

• Fear of Symmetry
• Splash in the Shallows
• Players Special
• Vegan Canapés and Live Jazz
• Great Jewish Music

> Isma’ jew niżżel l-album Golden Palms ta’ Peter Sant kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bl-edizzjoni numru 112 li huwa s-tmien programm fid-disa’ staġun.

PARTI 1: Diski li ħarġu dan l-aħħar. 

• The Busker – Bulletproof
  
• Kill the Action – Mongol
• Ben Miller feat. Abire – End of Story
  
• Rheez. – URUS.
  
• TroffaĦamra y los Mechones – The Best Day of My Life
• Prisilla Psaila – F’Tarf l-Irdum

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: ĠENN Live at the Bookhouse. Min isegwi din is-sensiela regolarment jaf li x-xahar li għadda daqqejtilkom xi siltiet mill-album Unum tal-grupp Malti bbażat Brighton fir-Renju Unit ĠENN. Fil-verità ili ndoqqilkom siltiet minnu s-sena kollha għax ħarġu diversi singles, kif konna nsejħulhom qabel, biex jippromovuh ukoll matul ix-xhur ta’ qabel ma ħareġ.  Issa, Leona Farrugia u l-l-kumplament tal-grupp ĠENN għadhom kemm irrekordjaw 3 siltiet minn dan l-album live f’studio li jismu The Bookhouse li jinstab fix-xlokk (SE) ta’ Londra. It-tlett siltiet irrekordjati f’din il-live session huma dawn:

• A Reprise (That Girl)
• Days and Nights
• The Merchant Of

> Isma’ u ara li ĠENN idoqqu live fil-Bookhouse fuq YouTube

PARTI 3: L-album tal-lum huwa Mining the Hamam ta’ Peter Sant. Fil-programm tal-ġimgħa li għaddiet daqqejtilkom is-silta As the Fall Of li tiftaħ dan l-album li ħareġ fil-31 ta’ Ottubru 2023. Lil Peter Sant antikmanet nafuh jikkollabora mal-Hunters Palace u proġetti assoċjati magħhom pero eventwalment anke bħala artist solista, biex ngħidulu hekk. Mill-2021 però kellna wkoll il-kollaborazzjoni tiegħu mal-grupp Golden Psalms, li konna smajna album ġdid mingħandhom is-sena l-oħra.  Kumbinazzjoni għadhom kemm ħarġu album ġdid huma ukoll, u dan indoqqilkom xi siltiet minnu fil-programm li jmiss. Illum se nisimgħu xi siltiet oħra minn dan l-album il-ġdid ta’ Peter Sant, li l-ismijiet tagħhom donnhom jiffurmaw sentenza naqra surreali jew tal-anqas kemxejn assurda:

• Mustard Coloured
• Beanies Keep Time
• With German
• Kebabs Along A
• Road That Takes
• You There

> Isma’ jew niżżel l-album Dub Power ta’ Manwel T kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.

Is-sensiela Mużika 21 tkompli bl-edizzjoni numru 111 li huwa s-seba’ programm fid-disa’ staġun.

PARTI 1: Diski li ħarġu dan l-aħħar. 

• Chris Lanzon – 72 Days (live & acoustic)
  
• Kapitlu Tlettax feat. Christina – Nibqa’ Nammirak
• Aidan – Head & Mind
  
• Pete Molinari – Rolling the Dice
  
• Peter Sant – As the Fall Of (minn Mining the Hamam)
• Bangout feat. Paul Sky – Falling Star

> Id-dettalji tad-diski u recordings oħra kollha li ħarġu s’issa matul l-2023 issibhom permezz tal-wiki tal-M3P.

PARTI 2: Antares Flare Remixes. Min isegwi din is-sensiela regolarment jaf kemm inħobb ninkludi l-mużika tal-grupp internazzjonali Antares Flare f’dawn il-programmi. Dan għax il-bassista Dean Montanaro huwa membru ta’ dan il-kumpless li tassew joffru ħoss frisk u differenti. U bħal li kieku l-mużika tagħhom ma kienetx cool biżżejjed diġà riċentament ħarġu wkoll diversi siltiet f’verżjoni remix. Illum se nisimgħu tlieta minnhom dawn ir-remixes ta’ Antares Flare:

• What’s Gonna Kill Me First? (XL Regular Remix)
• Mind Notice (Stellar Wave Remix)
• Bonsai Jungle (SofaTalk Remix)

> Isma’ jew niżżel ir-remixes ta’ Antares Flare minn fuq Bandcamp

PARTI 3: L-album tal-lum huwa Dub Power ta’ Manwel T. Dan huwa l-ewwel album dub ta’ Manwel Tabone mill-2011. Dub Power ħareġ fl-1 ta’ Novembru 2023. Apparti diversi siltiet relattivament ġodda maħduma bejn 2014 u l-2016, fih ukoll verżjonijiet dub ta’ tliet siltiet li nafu diġà mingħand Manwel T: “Boombastic Ska”, “The Amendment” and “Atlantis”. Se nisimgħu minnhom ukoll f’din it-tiżwieqa minn dan l-album ġdid tiegħu.

• Dub Power
• Serious Dub
• Boombastic Dub
• Atlantis
• Murderation

> Isma’ jew niżżel l-album Dub Power ta’ Manwel T kollu fuq Bandcamp

Mużika 21 huwa produzzjoni tal-Fondazzjoni M3P u jixxandar fuq Campus 103.7 kull nhar ta’ Ħamis fis-6:00pm u s-Sibt fis-2pm.